ការកាប់​ឈើ និង​ឈើ​មានតម្លៃ​

យោងតាមមន្ត្រីសាលាដំបូងរាជធានីភ្នំពេញម្នាក់បានឱ្យដឹងថា ឈ្មួញឈើល្បីឈ្មោះម្នាក់ឈ្មោះ ហេង សំនៀង ត្រូវបានចោទប្រកាន់កាលពីម្សិលមិញ ពីបទកាប់ឈើខុសច្បាប់ និងជ្រៀតជ្រែកកិច្ចការមន្ត្រីសាធារណៈ ប៉ុន្មានថ្ងៃប៉ុណ្ណោះបន្ទាប់ពីស្ត្រីរូបនេះបានព្យាយាមទៅយកឈើខុសច្បាប់មួយចំនួនដោយមានជំនួយពីមនុស្សមួយក្រុម។ ...

កងរាជអាវុធហត្ថបាននិយាយថា ពួកគេបានចាប់ខ្លួនឈ្មួញឈើល្បីឈ្មោះម្នាក់ក្នុងខេត្តស្ទឹងត្រែងកាលពីម្សិលមិញ បន្ទាប់ពីស្ត្រីរូបនោះនិងមនុស្សមួយក្រុមប្រដាប់ដោយដំបងបានព្យាយាមទៅយកឈើមួយគំនរដែលក្រុមមន្ត្រីបានរឹបអូសកាលពីមួយថ្ងៃមុន។ ...

អាជ្ញាធរក្នុងខេត្តកំពង់ស្ពឺ កាលពីម្សិលមិញបានរឹបអូសឈើជាង១.០០០ដុំនៅលើដីចម្ការអំពៅមួយកន្លែងដែលកាន់កាប់ដោយជនជាតិចិន ដោយកត់សម្គាល់ឱ្យឃើញជាលើកទី៣ចាប់តាំងពីក្រុមហ៊ុននេះត្រូវបានរកឃើញមានឈើខុសច្បាប់កាលពីឆ្នាំកន្លងមក។ ក្រុមមន្ត្រីមូលដ្ឋានមិនបានធ្វើការពន្យល់ពីមូលហេតុដែលរោងអារឈើនៅនឹងកន្លែងរបស់ក្រុមហ៊ុនចម្ការអំពៅនេះនៅប្រតិបត្តិនៅឡើយ បន្ទាប់ពីការរឹបអូសកាលពីលើកមុនៗឡើយ។ ...

រាជ​រដ្ឋាភិបាល​កម្ពុជា​បាន​ចេញ​សារាចរ​ណែនាំ​ទៅ​ដល់​អភិបាល​រាជធានីខេត្តក្រុងស្រុកខណ្ឌឲ្យ​អនុវត្ត​ឲ្យ​បាន​ត្រឹមត្រូវ​នូវ​តួនាទី​ភារកិច្ច​របស់​ខ្លួននិង​ចាត់​វិធាន​ការ​ឲ្យ​បាន​ម៉ឺងម៉ាត់​និង​ហ្មត់ចត់ចំពោះ​បទ​ល្មើស​ធនធាន​ធម្មជាតិ​គ្រប់​ប្រភេទជាពិសេស​ទៅ​លើ​វិស័យ​ព្រៃ​ឈើនិង​ជលផល ដោយ​ចាត់​វិធាន​ការ​ផ្លូវ​ច្បាប់ ...

ព្រៃឈើ​កម្ពុជា​ ដែលជាផ្នែក​មួយនៃ​តំបន់​សំបូរ​ជីវសាស្ត្រ​ចម្រុះ​ជាងគេ​នៅ​លើ​ពិភពលោក​ កំពុង​វិនាស​យ៉ាង​រហ័ស​ដែល​ជា​លទ្ធផល​នៃ​ផលប្រយោជន៍​នយោបាយ​របស់​វៀតណាម​ ចិន​ និង​កម្ពុជា​។​ កម្ពុជា​ មាន​អត្រា​នៃ​ការ​កាប់​បំផ្លាញ​ព្រៃឈើ​ច្រើន​បំផុត​នៅ​លើ​ពិភពលោក​។​ អង្គការ​ Forest​ Trends ...

រថយន្តតូយ៉ូតាមួយគ្រឿង និងឈើប្រណីតខុសច្បាប់ដែលរកឃើញក្នុងនោះកាលពីថ្ងៃច័ន្ទ ជារបស់ប្រពន្ធអធិការនគរបាលស្រុកម្នាក់ក្នុងខេត្តត្បូងឃ្មុំ នេះបើយោងតាមការឱ្យដឹងពីមន្ត្រីមូលដ្ឋានដែលនិយាយថា ខ្លួនគ្មានបំណងចាត់វិធានការលើប្ដីប្រពន្ធទាំងពីរនាក់នេះ។ លោក ម៉ៅ ពៅ ស្នងការខេត្តត្បូងឃ្មុំបានមានប្រសាសន៍កាលពីម្សិលមិញថា ”យើងមិនខ្វល់ពីអ្នកទាំងនេះទេ។យើងគ្រាន់តែចង់បញ្ឈប់បទល្មើសព្រៃឈើប៉ុណ្ណោះ”។ ...

កងកម្លាំងប្រយុទ្ធប្រឆាំងនឹងសកម្មភាពកាប់ឈើរបស់រដ្ឋាភិបាលកាលពីថ្ងៃចន្ទបានរឹបអូសឈើ ជិត ៣,០០០ ដុំនៅក្នុងព្រៃដែលបានរាននៅក្នុងខេត្តមណ្ឌលគិរី ក្រុមមន្ត្រីបានបានប្រាប់កាលពីថ្ងៃអង្គារ។ ម្ចាស់ឈើប្រណីតលំដាប់ថ្នាក់ទី២ ចំនួន ២,៩៤៩ ដុំ -ជាប្រភេទឈើខ្លុង, ត្បែង, ត្រាច មិនត្រូវបានស្គាល់នោះទេ នេះបើតាមប្រសាសន៍លោក អេង ហ៊ី អ្នកនាំពាក្យមន្ត្រីយោធាជាតិ ដែលកំពុងដឹកនាំកងកម្លាំង។   ...

ក្រុមការងារឃ្លាំមើលព្រៃឈើនៅកម្ពុជា បានជំរុញឲ្យទីភ្នាក់ងារសហរដ្ឋអាមេរិកសម្រាប់អភិវឌ្ឍន៍អន្តរជាតិ (USAID) ត្រូវខិតខំការពារដើមជ័រច្បោះ កំពុងរងនូវវិនាសកម្មដែលអាចនឹងអស់ក្នុងរយៈពេល៦ខែយ៉ាងយូរដោយសារតែការកាប់ឈើនៅក្នុងតំបន់ព្រៃការពារនិងនៅក្នុងព្រៃសហគមន៍ដើម្បីផ្គត់ផ្គង់ឈើដល់រោងចក្រអារឈើនៅជុំវិញតំបន់នោះ ក្រោមការឃុបឃិតជាមួយអាជ្ញាធរមូលដ្ឋាន ជួយសម្រួលបែបបទរកស៊ីឈើខុសច្បាប់។ ...

បើទោះបីជារដ្ឋាភិបាលបានដាក់ព្រៃឡង់ជាព្រៃការពារហើយលោកនាយករដ្ឋមន្ត្រី ហ៊ុន សែន បានប្រកាសឲ្យឈប់ប្រព្រឹត្តបទល្មើសព្រៃឈើក៏ដោយ ក៏បទល្មើសព្រៃឈើនៅតែបន្តកើតឡើងយ៉ាងក្តៅគគុកនៅឡើយដែលជាប់ពាក់ព័ន្ធនឹងមន្ត្រីមានអំណាច។ នេះបើតាមក្រុមអង្គការក្រៅរដ្ឋាភិបាល និងសកម្មជនបរិស្ថានជាង ១០ នាក់ដែលរួមមានម្ចាស់ពានរង្វាន់វីរជនបរិស្ថានពិភពលោក លោក អ៊ូច ឡេង បានរកឃើញ។ ក្រុមសកម្មជនទាំងនេះបានឲ្យដឹងកាលពីម្សិលមិញថាព្រៃឡង់ក្នុងស្រុករវៀងដែលរដ្ឋាភិបាលទើបដាក់បញ្ជូលជាព្រៃការពារនោះបាននិងកំពុងតែទទួលរងការកាប់បំផ្លាញជារៀងរាល់ថ្ងៃហើយដឹកចូលទៅក្នុងរោចក្រអារឈើយ៉ាងហោចណាស់ចំនួន ២ កន្លែងដែលគេស្គាល់ថារោងចក្រ ៩៥។ ក្រោយមកឈើទាំងនោះត្រូវបានគេកែច្នៃ និងដឹកបន្តយកទៅចែកចាយក្នុងខេត្តកំពង់ចាមដោយគ្មានការទប់ស្កាត់ពីអាជ្ញាធរមានសមត្ថកិច្ចឡើយ។  ...

ក្រសួងបរិស្ថានបានរៀបចំសិក្ខាសាលាពិគ្រោះយោបល់ថ្នាក់ជាតិស្តីពីការរៀបចំដាក់ព្រៃចំនួន៥កន្លែងដែលមានផ្ទៃដីចំនួនជិត១លានហិកតារទៅជាតំបន់ការពារធម្មជាតិ ប៉ុន្តែបានសម្រេចកាត់ខេត្តព្រះវិហារ ចេញពីតំបន់ការពារធម្មជាតិព្រៃឡង់ ដោយសារតែជាតំបន់ព្រៃរិចរិល។ គណៈកម្មការជាតិដើម្បីទប់ស្កាត់ និងបង្ក្រាបបទល្មើសព្រៃឈើ បានទទួលស្គាល់ថា ទោះបីជាមានការខិតខំប្រឹងប្រែងទប់ស្កាត់ និងបង្ក្រាបរបស់កម្លាំងសមត្ថកិច្ចយ៉ាងណាក៏ដោយ ក៏នៅតែមានការកាប់ឈើ និងការដឹកឈើខុសច្បាប់ដដែល ដោយប្រើជាទ្រង់ទ្រាយតាមរយៈម៉ូតូ និងរថយន្តសុំាយ៉ុង។ ...

ប៉ូលីសខេត្តស្ទឹងត្រែងបានរឹបអូសឈើប្រណិតដែលមានចំនួនមិនជាក់លាក់ បន្ទាប់ពីបានបាញ់ចំកង់រថយន្តម៉ាក Toyota SUV មួយ ដែលព្យាយាមបើករត់គេចតាមច្រកព្រំដែនមួយកាលពីយប់ថ្ងៃ សៅរ៍ នៅក្នុងស្រុកសេសាន។ ...

តំណាងសហគមន៍ និងសកម្មជនតំបន់អារ៉ែងស្នើរដ្ឋាភិបាលត្រូវមានវិធានការឱ្យម៉ឺងម៉ាត់បន្ទាប់ពីមានគម្រោងសាងសង់ផ្លូវ ស្ពានចូលតំបន់នោះដោយបារម្ភថាគម្រោងនេះនឹងបង្កលក្ខណៈងាយស្រួលដល់ជនឆ្លៀតឱកាសចូលកាប់ព្រៃឈើយ៉ាងអនាធិបតេយ្យដែលនឹងប៉ះពាល់ដល់ជីវភាពរស់នៅរបស់ពួកគេ និងជម្រកសត្វព្រៃ។ ...

សមត្ថកិច្ចខេត្តមណ្ឌលគិរីបានសហការជាមួយមន្ទីរបរិស្ថានខេត្តបង្ក្រាបរថយន្តស៊េរីទំនើបម៉ាកឡិចស៊ីសដឹកឈើប្រណិតជាច្រើនដុំនៅក្នុងឃុំសែនមនោរម្យ ស្រុកអូររាំង ខេត្តមណ្ឌលគិរី កាលពីយប់ថ្ងៃអាទិត្យ។ លោក ប៉ែន ផល្លី នាយការិយាល័យប្រឆាំងបទល្មើសសេដ្ឋកិច្ចខេត្តមណ្ឌលគិរី បាននិយាយថា ប្រតិបត្តិការចាប់រថយន្តស៊េរីទំនើបនេះគឺធ្វើឡើងនៅម៉ោង ១១យប់ថ្ងៃអាទិត្យ។ លោកបានថ្លែងថា៖ «យើងបង្ក្រាបរថយន្តនេះនៅម៉ោង២២ និង២២នាទីកាលពីថ្ងៃទី៤។ តាមពិតការបង្ក្រាបនេះមានការសហការជាមួយអង្គភាពពាក់ព័ន្ធ ហើយយើងបានរកឃើញប្រភេទឈើប្រណិតជាច្រើន»។ ...

នៅថ្ងៃច័ន្ទ មន្ត្រីម្នាក់មាននិយាយថា អស់រយៈពេល ៥ថ្ងៃហើយដែលរដ្ឋាភិបាលបានបដិសេធការចរចារតម្លៃជាមួយនឹងអ្នកទិញដ៏មានសក្តានុពលជាច្រើនដែលការចរចារនេះត្រូវបានកំណត់ប្រព្រឹត្តនៅក្នុងសប្តាហ៍នេះ។ ...

ព្រៃសហគមន៍ជាង ៨០០ ហិកតារបស់ជនជាតិដើមភាគតិចគួយក្នុងស្រុកថាឡាបរិវ៉ាត់ក៏កំពុងតែទទួលរងការកាប់បំផ្លាញផងដែរដោយមានការបើកដៃពីអាជ្ញាធរមូលដ្ឋាន។ អាជ្ញាធរក្នុងស្រុកថាឡាបរិវ៉ាត់ដែលជាជនជាតិភាគតិចដូចគ្នានោះត្រូវបានសហគមន៍នៅភូមិអន្លង់ក្រមួន ឃុំស្រែឫស្សីបានចោទប្រកាន់ថា ពាក់ព័ន្ធទៅនឹងការកាប់បំផ្លាញព្រៃសហគមន៍អន្លង់ក្រមួនទំហំ ៨១០ ហិកតាដែលជាផ្នែកមួយនៃព្រៃឡង់។ សមាជិកសហគមន៍ចំនួន ៧ នាក់តំណាងឲ្យពលរដ្ឋប្រមាណជា ១០០ គ្រួសារបានប្តឹងមេភូមិឈ្មោះ យ៉ែម ខែម មេឃុំឈ្មោះ លួន ណាន និងអ្នកផ្សេងទៀតមានឈ្មោះ មាស សុខសាន្ត ឈ្មោះ យ៉ាង និងឈ្មោះ វ៉ាង ជាដើមទៅតុលាការខេត្តស្ទឹងត្រែងតាំងពីឆ្នាំ ២០១៣ មកដោយសារតែបទល្មើសព្រៃឈើនេះ។  ...

ក្រុមមន្ត្រីបាននិយាយកាលពីម្សិលមិញថា ទាហានថៃបានចាប់ខ្លួនយុវជនខ្មែរបួននាក់កាលពីថ្ងៃសៅរ៍ពីបទចូលទៅកាប់ឈើគ្រញូងក្នុងខេត្តត្រាត ប្រទេសថៃ ក្បែរព្រំដែនខេត្តបាត់ដំបង។ លោក អិុន សៅរិទ្ធ អភិបាលស្រុកសំឡូតបានមានប្រសាសន៍ថា “ទាហានថៃស្លៀកពាក់ឯកសណ្ឋានខ្មៅបានចាប់ខ្លួនយុវជនខ្មែរបួននាក់ ពីព្រោះពួកគេបានឆ្លងព្រំដែនដោយខុសច្បាប់ដើម្បីប៉ុនប៉ងកាប់ឈើគ្រញូងក្នុងទឹកដីថៃ”។ ...

ខណៈដែលរដ្ឋាភិបាលកំពុងតែធ្វើការផ្ទេរមន្ត្រីរដ្ឋបាលព្រៃឈើដើម្បីបង្កើនប្រសិទ្ធភាពការងារនោះអង្គការក្រៅរដ្ឋាភិបាលបានរកឃើញឈើប្រមាណជា ៥០ ម៉ែត្រគុបនៅក្នុងតំបន់ជួរភ្នំក្រវាញក្នុងខេត្តពោធិ៍សាត់។ មន្ត្រី ៥ នាក់របស់អង្គការប្រឆាំងអំពើពុករលួយទប់ស្កាត់ការបំផ្លាញធនធានធម្មជាតិ និងការពារសិទ្ធិពលរដ្ឋបានកំពុងតែចុះអង្កេតបទល្មើសព្រៃឈើនៅតំបន់ជួរភ្នំក្រវាញចាប់តាំងពីថ្ងៃអង្គារម្សិលម៉្ងៃ។ ក្នុងនោះពួកគេបានរកឃើញឈើប្រណីត និងឈើប្រភេទលេខ ១ នៅជាច្រើនកន្លែងនៅក្នុងស្រុកភ្នំក្រវាញខេត្តពោធិ៍សាត់ដែលមានចម្ងាយប្រមាណជា ២០ គីឡូម៉ែត្រពីភូមិអ្នកស្រុក។ ...

សំឡេងម៉ាស៊ីនអារឈើឮរំពងព្រៃនៅក្នុងតំបន់អភិរក្សព្រៃឡង់ ជំនួសឲ្យសំឡេងសត្វយំយ៉ាងពីរោះរណ្ដំ ចំណែកដើមឈើដែលធ្លាប់ឈទ្រឹងខ្ពស់សន្លឹមប្រឆាំងនឹងកម្ដៅព្រះអាទិត្យ ដើម្បីជាម្លប់នៃសត្វទាំងពួង ជំនួសដោយគល់ឈើ និងស្នាមផេះដែលប្រជាសហគមន៍ព្រៃឡង់ អះអាងថា ដំណើរឆ្ពោះទៅរកការវិនាសហិនហោចព្រៃឈើគ្រប់ប្រភេទនៅក្នុងព្រៃឡង់ ដោយសារតែការព្រួតដៃគ្នាបំផ្លាញពីសំណាក់សមត្ថកិច្ច និងក្រុមហ៊ុនដែលបានលើកទឹកចិត្តឲ្យពលរដ្ឋកាប់ឈើដោយសេរីយកមកលក់ឲ្យក្រុមហ៊ុន៩៥ ដែលជាក្រុមហ៊ុនទទួលបានសិទ្ធិប្រមូលទិញឈើពីក្រុមហ៊ុនដីសម្បទានសេដ្ឋកិច្ច។ ...

មន្ត្រីជាន់ខ្ពស់ពីររូបនៃមន្ទីរបរិស្ថាន ក្នុងខេត្តសៀមរាប និងឧទ្យានជាតិព្រះជ័យវរ្ម័ននរោត្ដមភ្នំគូលែន ត្រូវបានមន្ត្រីក្រោមឱវាទដាក់ពាក្យបណ្តឹងចោទពីបទល្មើសទាក់ទងនឹងធនធានធម្មជាតិ កាលពីខែកក្កដា កន្លងមក ប៉ុន្តែការចោទនេះត្រូវបានមន្ត្រីរងការចោទបដិសេធ និងមានគម្រោងប្តឹងបកវិញ។ ...

ក្រុមអាជ្ញាធរបានរឹបអូសឈើគ្រញូងប្រមាណជាង ១ ពាន់គីឡូក្រាម និងឈើប្រណីតដទៃទៀតជាង ៣០ ម៉ែត្រគីប ពីប្រតិបត្តិការចុះបង្ក្រាបចំនួនបីនៅខេត្តផ្សេងៗគ្នា កាលពីចុងសប្តាហ៍។ លោក ជា ហៀន ប្រធានអង្គការអភិរក្សសត្វព្រៃ និង ធនធានធម្មជាតិ បានឲ្យដឹងថា លោក និងមន្រ្តីបរិស្ថានខេត្តពោធិ៍សាត់ បានចុះទៅរឹបអូស និងដុតចោលនូវឈើប្រមាណ ២៥ ម៉ែត្រគីបនៅក្នុងព្រៃការពារ កាលពីថ្ងៃសៅរ៍។ ...

កាលពីម្សិលមិញ រដ្ឋាភិបាលបានដាក់ដេញថ្លៃជាលើកដំបូងនូវឈើមួយចំនួនក្នុងចំណោមឈើកាប់ខុសច្បាប់ប្រមាណ៧០.០០០ម៉ែត្រគូបដែលសមត្ថកិច្ចរឹបអូសបានកាលពីដើមឆ្នាំនេះ បន្ទាប់ពីកង្វះអ្នកចាប់អារម្មណ៍បានបង្ខំឱ្យលុបចោលការដេញថ្លៃរយៈពេលជាង១ខែ។ ...

ឈើប្រណីតប្រមាណជាង ១០០ ដុំត្រូវបានរកឃើញ និងរឹបអូសពីលំនៅឋានរបស់មន្ត្រីយោធាព្រំដែនម្នាក់នៅក្នុងឃុំស្រែក្ទម្ព ស្រុកកែវសីមានៅមុនពេលឈ្មួញបម្រុងដឹកយកទៅលក់នៅប្រទេសវៀតណាម។ ...

យោងតាមទិន្នន័យគយរបស់វៀតណាមបានឱ្យដឹងថា ឈើដែលមានតម្លៃជាង៨៥លានដុល្លារត្រូវបាននាំចេញពីប្រទេសកម្ពុជាទៅវៀតណាមអំឡុងឆមាសទី១ដើមឆ្នាំនេះ ទោះបីជាកម្ពុជាបានដាក់បម្រាមទូទៅលើការនាំចេញឈើទាំងអស់ទៅកាន់ប្រទេសជិតខាងភាគខាងកើតមួយនេះក្ដី។ ...

កាលពីថ្ងៃសៅរ៍ អាជ្ញាធរបានបញ្ឈប់រថយន្តដឹកឈើខុសច្បាប់មួយដែលដឹកឈើក្រញូងកាត់តាមខេត្តក្រចេះ ប៉ុន្តែបរាជ័យក្នុងការឃាត់ខ្លួនអ្នកបើកបរនិងជំនួយការរបស់គេ ដែលបានរត់គេចខ្លួនដោយថ្មើរជើង នេះបើយោងតាមពាក្យសម្តីរបស់មន្ត្រីមួយរូបបានឱ្យដឹងកាលពីថ្ងៃអាទិត្យ។ ...