ការ​អភិវឌ្ឍ​សង្គម

បងប្អូនភ្លោះពីរនាក់ដែលទទួលបានសិទ្ធិជ្រកកោនបណ្តោះអាសន្ននៅក្នុងប្រទេសថៃពីអង្គការសហប្រជាជាតិកាលពីខែមុន បាននិយាយកាលពីម្សិលមិញថា ពួកគេមានគម្រោងត្រឡប់មកប្រទេសកម្ពុជាវិញ ដោយលើកឡើងពីបរិយាកាសនយោបាយស្ងប់ស្ងាត់ ហើយចង់បន្តសកម្មភាពបរិស្ថានរបស់ខ្លួនវិញ។ ...

មន្ត្រីជាន់ខ្ពស់នៃក្រសួងរ៉ែនិងថាមពលបានប្រាប់កាសែតខ្មែរថាមស៍ឲ្យដឹងថារាជរដ្ឋាភិបាលកម្ពុជាកំពុងពិភាក្សាជាមួយនឹងភាគីចិនដើម្បីកសាងវិទ្យាស្ថានបណ្តុះបណ្តាលនិងស្រាវជ្រាវលើការរុករករ៉ែ ប្រេងកាត និងឧស្ម័ន នៅតំបន់ផ្នែកខាងលិចនៃប្រទេសកម្ពុជា ដែលជាកិច្ចខិតខំប្រឹងប្រែងដើម្បីកសាងកម្លាំងពលកម្មជំនាញ និងធនធានមនុស្សក្នុងឧស្សាហកម្មនេះ។ លោក ម៉េង ស័ក្តិធារ៉ា រដ្ឋលេខាធិការនៃក្រសួងរ៉ែ និងថាមពល បានឲ្យដឹងថា ក្រសួងបានរៀបចំការអភិវឌ្ឍរយៈពេលវែងនៃវិស័យរ៉ែ ប្រេងកាត និងឧស្ម័ន ដែលជាមូលហេតុក្រសួងបានគ្រោងនឹងសាងសង់សំណង់នៃវិទ្យាស្ថាននេះ សម្រាប់ការធ្វើការស្រាវជ្រាវ និងផ្តល់ជូនការបណ្តុះបណ្តាលដើម្បីឲ្យប្រជាជនមានជំនាញគ្រប់គ្រាន់លើវិស័យនេះកាន់តែច្រើន។ ...

ជនជាតិចាមម៉ូស្លីមមិនត្រូវបានគេរាប់បញ្ជូលទៅក្នុងសង្គមកម្ពុជាយ៉ាងពេញលេញនោះទេ ហើយប្រជាជនកម្ពុជាជាច្រើននៅតែបន្តគិតថា ជនជាតិចាម គឺជាក្រុមអ្នកប្រព្រឹត្តអំពើធ្មប នេះបើយោងតាមរបាយការណ៍មួយស្តីពីសេរីភាពសាសនាដែលចេញផ្សាយកាលពីសប្តាហ៍មុនដោយក្រសួងការបរទេសអាមេរិក។ ...

កាលពីថ្ងៃអង្គារ រដ្ឋាភិបាលអាមេិកបានប្រកាសគម្រោងថ្មីមួយដល់អង្គការចិត្តសាស្ត្រសង្គមអន្តរវប្បធម៌ (TPO) នៅកម្ពុជា ដែលជាអង្គការនាំមុខគេក្នុងការផ្តល់ការថែទាំសុខភាពផ្លូវចិត្ត និងគាំទ្រចិត្តសាស្ត្រសង្កម ជាមួយនឹងថវិកាជំនួយឥតសំណង ៨៩៤,០៥៧ ដុល្លារ ដែលថវិកានេះនឹងជួយដល់ការព្យាបាលសុខភាពផ្លូវចិត្ត និងរបៀបនៃការព្យាបាលសម្រាប់ជួយប្រជាជនកម្ពុជាជាច្រើនអ្នកដែលកំពុងរប៉ះទង្គិចផ្លូវចិត្ត ដោយសារការឆ្លងកាត់របបខ្មែរក្រហម។ ...

កងវិស្វកម្មនៃអង្គភាពកងទ័ពអាមេរិក កំពុងផ្តល់ឧបករណ៍ថ្មីមួយដល់ប្រទេសកម្ពុជាដើម្បីស្វែងយល់ពីការកើនឡើងនៃកង្វះខាតទឹកក្រោមដី។ កាលពីសប្តាហ៍មុន ក្រសួងបរិស្ថាន កងវិស្វកម្មនៃអង្គភាពកងទ័ពអាមេរិក និងក្រុមប្រឹក្សាជាតិអភិវឌ្ឍន៍ដោយចីរភាពបានប្រារព្ធសិក្ខាសាលាបណ្ដុះបណ្ដាលបច្ចេកទេសរយៈពេលបីថ្ងៃស្តីពី «វិធីសាស្ត្រនៃការធ្វើម៉ូដែលទឹកក្រោមដី»។ ...

ប្រព័ន្ធយុត្តិធម៌នៅកម្ពុជាជាញឹកញាប់តែងបរាជ័យក្នុងការជួយគាំទ្រកុមារដែលជាជនរងគ្រោះ និងជាសាក្សីនៃអំពើឧក្រិដ្ឋកម្ម ដែលភាគច្រើននៃពួកគេមានភាពភ័យខ្លាចនឹងការឡើងតុលាការ ដែលធ្វើឱ្យពួកគេមិនអាចនឹងផ្តល់សក្ខីភាព នេះបើតាមប្រសាសន៍អ្នកជំនាញខាងសិទ្ធិកុមារកាលពីម្សិលមិញ។ ...

យោងតាមរបាយការណ៍ថ្មីមួយបានឱ្យដឹងថា កិច្ចខិតខំប្រឹងប្រែងរបស់ធនាអភិវឌ្ឍន៍អាស៊ី (ADB) ដើម្បីស្ដារជីវភាពរស់នៅរបស់គ្រួសារដែលត្រូវបានបណ្ដេញចេញដោយសារគម្រោងជួសជុលផ្លូវដែករបស់ខ្លួនឡើងវិញ នៅតែមិនទាន់សម្រេចតាមការរំពឹងទុក ហើយវិធានបន្ទាន់ត្រូវការជាចាំបាច់ ប្រសិនបើធនាគារនេះអនុវត្តតាមគោលការណ៍សុវត្ថិភាពរបស់ខ្លួន។ ...

នៅក្នុងការព្យាយាមដើម្បីបង្កើនការងារក្នុងចំណោមជនពិការនៅក្នុងប្រទេសកម្ពុជា ដោយក្រសួងសង្គមកិច្ចបានរៀបចំសិក្ខាសាលាមួយកាលពីថ្ងៃពុធ ដើម្បីលើកកម្ពស់ អនុក្រឹត្យដែលមានអាយុកាល ៦ឆ្នាំ ហើយបរាជ័យក្នុងការអនុវត្ត។ ...

នៅក្នុងឱកាសប្រារព្ធទិវាអន្តរជាតិជនជាតិដើមភាគតិចពិភពលើកទី ២២ ជនជាតិដើមភាគតិចនៅក្នុងប្រទេសកម្ពុជាបានស្នើដល់រដ្ឋាភិបាលឲ្យគាំទ្រពួកគាត់លើវិស័យអប់រំដោយធ្វើយ៉ាងណាត្រូវជួយជ្រោមជ្រែងកូនចៅរបស់គាត់ឲ្យអាចរៀនដល់ថ្នាក់ឧត្តមសិក្សាឲ្យបានកាន់តែច្រើន។ ...

គណៈកម្មាធិការសិទ្ធិមនុស្សកម្ពុជាបានស្នើឲ្យគណៈកម្មការសិទ្ធិមនុស្សជាតិថៃលើកទឹកចិត្តឲ្យរដ្ឋាភិបាលថៃឲ្យធ្វើការចុះបញ្ជីកម្មករនេសាទនិងបង្កើតយន្តការមួយដើម្បីត្រួតពិនិត្យបញ្ហាសិទ្ធិមនុស្សក្នុងឧស្សាហកម្មនេសាទ ក្រោយពីទទួល ព័ត៌មានច្បាស់ការស្ដីពីការរំលោភសិទ្ធិមនុស្ស មកលើប្រជាជនកម្ពុជា ដែលជាកម្មករនេសាទ ដូចជាបង្ខំឲ្យធ្វើការ បង្ខំឲ្យប្រើប្រាស់គ្រឿងញៀន ដើម្បីបន្តធ្វើការដោយគ្មានពេលសម្រាក។ ...

រដ្ឋាភិបាលបានកំណត់យកថវិកាបន្ថែម ២ដុល្លារដែលបានមកពីការលក់សំបុត្រឲ្យភ្ញៀវទេសចរអន្តរជាតិចូលទស្សនាប្រាសាទអង្គរវត្តដើម្បីផ្តល់ជូនមន្ទីរពេទ្យគន្ធបុប្ផា ចាប់ខែកុម្ភៈ ឆ្នាំ២០១៧ ខាងមុខនេះ។ យោងតាមលិខិតរបស់ក្រសួងសេដ្ឋកិច្ច និងហិរញ្ញវត្ថុ ដែលបានជម្រាបជូនប្រធានស្ថាបនិកមន្ទីរពេទ្យលោក វេជ្ជបណ្ឌិត បេអាត រិចឆ្នឺរ (Beat Richner) កាលពីម្សិលមិញ បានឲ្យដឹងថា រាជរដ្ឋាភិបាលការសម្រេចផ្តល់ថវិកាបន្ថែមសម្រាប់មូលនិធិគន្ធបុប្ផាដោយយោងតាមចំណាររបស់លោកនាយករដ្ឋមន្ត្រី ហ៊ុន សែន។ ...

លោកប្រធានាធិបតី Trần Đại Quang បានទទួលស្វាគមន៍ការអញ្ជើញមកដល់របស់លោកទេសរដ្ឋមន្ត្រីកម្ពុជានៃក្រសួងធម្មការ និងសាសនា លោក ហឹម ឆែម នៅទៅក្រុងហាណូយ អំឡុងពេលដែលលោកត្រូវការជំនួយសម្រាប់ប្រទេសទាំងពីរដើម្បីជម្រុញសហប្រតិបត្តិការសាសនានៅក្នុងក្របខណ្ឌទ្វេរ និងពហុភាគី។ ...

បុគ្គលិកសិទ្ធិមនុស្សម្នាក់បានអះអាងថា ក្រុមមនុស្សដែលមានកំហឹងបានសម្រុកចូលបរិវេណកងរាជអាវុធហត្ថក្នុងខេត្តក្រចេះកាលពីម្សិលមិញដើម្បីទាមទារយករថយន្តធុនធំពីរគ្រឿងដឹកឈើពេញដែលត្រូវបានរឹបអូសចំពោះការមិនមានអាជ្ញាប័ណ្ណត្រឹមត្រូវ ហើយអ្នកភូមិពីរនាក់បានរងរបួសធ្ងន់។ ...

រដ្ឋមន្ត្រីក្រសួងអប់រំយុវជននិងកីឡាលោក ហង់ ជួនណារ៉ុន បាននិយាយកាលពីថ្ងៃពុធ ឲ្យដឹងថា ការប្រឡងថ្នាក់ជាតិនាពេលខាងមុខនឹងប្រើប្រាស់ថវិកាប្រមាណ ៤លានដុល្លារសហរដ្ឋអាមេរិក និងនៅតែបន្តរក្សាច្បាប់រឹតបន្តឹងដើម្បីឲ្យមានការប្រឡងដោយស្មើភាព និងយុត្តិធម៌។ លោករដ្ឋមន្ត្រីបានឲ្យដឹងថា៖«ការចំណាយលើបេក្ខជនម្នាក់ត្រូវបានប៉ាន់ប្រមាណថាអស់ប្រហែល១៤០,០០០រៀលក្នុងចំណោមបេក្ខជនជាង១សែននាក់ដែលក្រសួងនឹងចំណាយសម្រាប់ដំណើរការក្នុងការប្រឡងទាំងមូលនាពេលខាងមុខនេះ»។ ...

ក្រសួងសុខាភិបាលគ្រោងនឹងមានការពិភាក្សារជាមួយនឹងលោកវេជ្ជបណ្ឌិត Beat Richner ពីការដែលអាចទៅរួចនៃការរៀបចំការប្រលងអំពីចំនេះដឹងវិជ្ជាជីវៈមួយសម្រាប់ក្រុមវេជ្ជបណ្ឌិតនៅតាមគ្លីនិកឯកជននានានៅទូទាំងប្រទេសកម្ពុជា នេះបើតាមការអះអាងរបស់អ្នកនាំពាក្យ។ ...

ធនាគារជាតិនៃកម្ពុជា(NBC)បានសហការជាមួយក្រសួងអប់រំយុវជននិងកីឡាក្នុងការដាក់បញ្ចូលចំណេះដឹងផ្នែកហិរញ្ញវត្ថុទៅក្នុងកម្មវិធីអប់រំដើម្បីផ្សព្វផ្សាយនិងបំពាក់ចំណេះដឹងផ្នែកហិរញ្ញវត្ថុដល់សិស្សសាលាចាប់ពីកម្រិតថ្នាក់បឋមសិក្សា ទៅមធ្យមសិក្សា។ នេះបើយោងតាមមន្ត្រីជាន់ខ្ពស់នៃធនាគារជាតិនៃកម្ពុជា។ ...

បុរសម្នាក់វ័យ ៤៦ឆ្នាំលោកផុនចិត្ត ដែលពិការជើងឆ្វេងកាលពី១៤ឆ្នាំមុន កំពុងអង្គុយជាមួយនឹងជនរងគ្រោះដទៃទៀតនៅមជ្ឈមណ្ឌលមួយនាខេត្តកំពង់ចាម អំឡុងពេលទស្សនកិច្ចរបស់អ្នកសារព័ត៌មានកាលពីថ្ងៃព្រហស្បតិ៍។ គាត់រំឭកប្រាប់ថា ការបាត់បង់ជើងនេះគឺដោយសារតែកាកសំណល់យុទ្ធភណ្ឌមិនទាន់ផ្ទុះតាំងពីជំនាន់សង្គ្រាមស៊ីវិលនាអំឡុងឆ្នាំ១៩៧០។ គ្រោះថ្នាក់នេះមិនត្រឹមតែបណ្តាលឲ្យគាត់មិនអាចទទួលការសិក្សាតែម្នាក់ឯងនោះទេ សូម្បីតែកូនៗទាំង៦នាក់ និងភរិយារបស់លោកក៏មិនអាចមានឱកាសដូចជាគាត់ដែរ។ បន្ថែមពីនេះ ភរិយាលោកក៏ពិការភ្នែកដោយសារតែអំបែងគ្រាប់ ហើយមិនអាចមើលអ្វីឃើញរហូតដល់សព្វថ្ងៃ។ ថ្វីបើបាត់បង់ជើងក៏ដោយ តែលោកមិនត្រូវបានចាត់ទុកថា ជាជនពិការនោះឡើយ លោកត្រឹមតែជនកម្សោយ ត្បិតអីលោកមានសមត្ថភាពរកស៊ីចិញ្ចឹមគ្រួសារបាននៅឡើយ។ ...

លោក ហ្ការ៉េត អេវិន អតីតរដ្ឋមន្ត្រីការបរទេសអូស្ត្រាលីបាននិយាយកាលពីថ្ងៃសុក្រថា សហគមន៍អន្តរជាតិគួរតែដាក់”សម្ពាធអតិបរមា”ទៅលើរដ្ឋាភិបាលកម្ពុជា ដើម្បីធ្វើឲ្យប្រសើរឡើងនូវស្ថានការណ៍សិទ្ធិមនុស្សប្រទេស នេះ រួមទាំងការអាចដាក់ទណ្ឌកម្មទៅលើមន្ត្រីជាន់ខ្ពស់។ ...

សាខាក្នុងស្រុករបស់ក្រុមហ៊ុនថ្នាំជក់ជប៉ុន Japan Tobacco International (JTI) ដែលផលិតបារីម៉ាក Camel ម៉ាក Winston និង Mevius បានរិះគន់សមាគមឧស្សាហកម្មថ្នាំជក់កម្ពុជាថា  មិនបានធានាថា សមាជិករបស់ខ្លួនទាំងអស់ប្រកាន់ខ្ជាប់ទៅនឹងច្បាប់ថ្មីដែលតម្រូវឲ្យបិទរូបភាពព្រមានអំពីផលប៉ះពាល់សុខភាពលើកញ្ចប់បារី។ ...

ក្រុមគ្រួសារជាច្រើនដែលរស់នៅក្បែរអាកាសយានដ្ឋានភ្នំពេញអន្តរជាតិបានដាក់ញ្ញត្តិនៅអង្គភាពប្រឆាំងអំពើពុករលួយ (ACU)កាលពីថ្ងៃពុធ ដើម្បីស្វែងរកថាហេតុអ្វីបានជារហូតមកដល់ពេលនេះ សាលាក្រុងរាជធានីភ្នំពេញមិនទាន់ចេញបណ្ណកម្មសិទ្ធកាន់កាប់ដីដល់ពួកគេ បើទោះបីជានាយករដ្ឋមន្ត្រី ហ៊ុន សែន បានសន្យារថានឹងការពារពួកគេពីការបណ្តេញចេញ។ ...

ប៉ុន្មានថ្ងៃបន្ទាប់ពីច្បាប់បានចូលជាធរមានដោយតម្រូវឲ្យកញ្ចប់បារីទាំងអស់ដែលលក់ក្នុងប្រទេសកម្ពុជាត្រូវបិទរូបភាពស្តីពីផលប៉ះពាល់សុខភាពដោយសារការជក់បារី គឺរូបភាពសួតឡើងខ្មៅ និងក្មេងមានបញ្ហាផ្លូវដង្ហើមនោះ គេឃើញមានកញ្ចប់បារីថ្មីតែបន្តិចបន្តួចប៉ុណ្ណោះនៅក្នុងរាជធានី។ ...

អង្គការជាង ១០ ក្នុងខេត្តឧត្តរមានជ័យបានជួបពិភាក្សាគ្នាដើម្បីរកវិធីឆ្លើយតប និងសុំឲ្យមានការពន្យល់ចំពោះការស្នើរបស់នគរបាលដែលសុំឲ្យសមាគម និងអង្គការក្រៅរដ្ឋាភិបាលទាំងអស់ត្រូវធ្វើរបាយការណ៍ប្រចាំសប្តាហ៍ពីសកម្មភាពរបស់ពួកគេឲ្យផ្នែកសន្តិសុខផ្ទៃក្នុងខេត្តខណៈដែលច្បាប់មិនបានចែង ហើយនៅខេត្តផ្សេងទៀតមិនឃើញតម្រូវឲ្យធ្វើបែបនេះ។ ...

ប្រទេសអូស្ត្រាលី និងកម្ពុជាបានព្រមព្រៀងគ្នាដើម្បីពង្រឹងកិច្ចសហប្រតិបត្តិការនៅក្នុងវិស័យសុខាភិបាល ជាមួយនឹងការសន្យារបស់អូស្ត្រាលីផ្តល់ប្រាក់ ៣៦លានដុល្លារសម្រាប់កែលម្អវិស័យសុខាភិបាលនៅព្រះរាជាណាចក្រកម្ពុជាបានប្រសើរឡើង។ ការប្តេជ្ញាចិត្តនេះត្រូវបានធ្វើឡើងនៅក្នុងកិច្ចប្រជុំរវាងលោករដ្ឋមន្ត្រី ម៉ម ប៊ុនហេង និងឯកអគ្គរដ្ឋទូតអូស្ត្រាលីថ្មីប្រចាំនៅកម្ពុជា លោកស្រី Angela Corcoran នៅទីស្តីការក្រសួងសុខាភិបាល។ ...

អ្នកស្រីតូយសាមឿនអាយុ៣៩ឆ្នាំ ដែលជាអាជីវករលក់វត្ថុអនុស្សាវរីយ៍ឲ្យភ្ញៀវទេសចរនៅលើភ្នំគូលេន ដែលស្ថិតនៅក្នុងឃុំខ្នងភ្នំ ស្រុកស្វាយលើ ខេត្តសៀមរាប អស់រយៈពេលជាង ១០ឆ្នាំកន្លងមក បដិសេធចំពោះគម្រោងដែលអាជ្ញាធរគ្រោង ជម្លៀសពួកគាត់ និងគ្រួសារទាហានជាង ៣០០គ្រួសារ ឲ្យចុះពីលើភ្នំ ទៅទីតាំងលំនៅផ្សេង ដើម្បីអភិរក្សកន្លែងនោះទៅជាសម្បត្តិបេតិកភណ្ឌវប្បធម៌ធម្មជាតិពិភពលោក បើទោះបីជាពួកគាត់ពុំទាន់បានទទួលដំណឹងជាក់លាក់ពីសំណាក់អាជ្ញាធរទាក់ទងទៅនឹងការផ្តល់សំណងក៏ដោយ។ ...