សេវាកម្មធនាគារ និងហិរញ្ញវត្ថុ

មន្ត្រី​ជំនាញ​បាន​ឲ្យ​ដឹង​ថា​ស្ថាប័នហិរញ្ញវត្ថុ​របស់​ប្រទេស​កម្ពុជា​កំពុង​តែ​ឃ្លាំមើល​នូវ​ប្រាក់​កម្ចី​ដែល​បាន​ផ្ដល់​ឲ្យ​កសិករ​ដែល​ជា​អតិថិជន​របស់​ខ្លួន​ខណៈ​ដែល​ការ​ធ្លាក់​ចុះ​តម្លៃ​ស្រូវ​ក្នុងឆ្នាំនេះ​អាច​នឹង​ប៉ះពាល់​ការ​ទូទាត់​សង​ត្រឡប់​នៃ​ប្រាក់​កម្ចី​។ ...

ធនាគារអភិវឌ្ឍន៍ជនបទបានប្រកាសកាលពីម្សិលមិញថារាល់រោងម៉ាស៊ីនកិនស្រូវទាំងអស់អាចស្នើសុំកម្ចីឥណទានពិសេសរបស់រដ្ឋាភិបាលបានចាប់ពីថ្ងៃនេះតទៅសម្រាប់បញ្ជាទិញស្រូវសែនក្រអូបស្រាល ពីប្រជាកសិករដើម្បីស្ដារនូវតម្លៃស្រូវឲ្យកើនឡើងវិញបន្ទាប់ពីតម្លៃស្រូវបានធ្លាក់ខ្លាំងក្នុងប៉ុន្មានពីរសបា្តហ៍ចុងក្រោយនេះ។ នេះបើ យោងតាមមន្ត្រីជាន់ខ្ពស់នៃធនាគារអភិវឌ្ឍន៍ជនបទ។ ...

សមាគមធនាគារកម្ពុជា (ABC) បានដាក់ចេញនូវកម្មវិធីផ្តូចផ្តើមហិរញ្ញវត្ថុប្រកបដោយស្ថិរភាពដើម្បីផ្តល់ការប្រឹក្សាឲ្យកាន់តែកៀកដល់វិស័យហិរញ្ញវត្ថុខណៈវិស័យនេះកំពុងទទួលបានប្រយោជន៍លំហូរមូលនិធិពីអន្តរជាតិទៅក្នុងការវិនិយោគបៃតង។ គំនិតផ្ដួចផ្ដើមហិរញ្ញវត្ថុប្រកបដោយស្ថិរភាពដែលបានចាប់ផ្ដើមដំណើរការកាលពីម្សិលមិញនឹងធ្វើការស្រាវជ្រាវរយៈពេលពីរឆ្នាំដើម្បីកំណត់ការអនុវត្តល្អបំផុតដែលអាចត្រូវបានអនុវត្តដល់គ្រឹះស្ថានហិរញ្ញវត្ថុនៅពេលពួកគេកំពុងពិចារណាពីការអនុវត្តផ្ដល់កម្ចីដូចជាកម្ចីទៅលើគម្រោងដែលកាត់បន្ថយការខូចខាតពីហេដ្ឋារចនាសម្ព័ន្ធ ការអភិវឌ្ឍថាមពល និងកសិពាណិជ្ជកម្មទ្រង់ទ្រាយធំដូចជាដំណាំកៅស៊ូ។ ...

អស់រយៈពេល ៨ខែហើយ ចាប់តាំងពីការប្រកាសកិច្ចព្រមព្រៀងទិញដ៏ធំមួយដែលមិនធ្លាប់មានពីមុនមកនៅក្នុងវិស័យហិរញ្ញវត្ថុកម្ពុជា-ធនាគារនៃAyudhya ដែលមានមូលដ្ឋាននៅប្រទេសថៃ ស្គាល់ថាជា ធនគារ Krungsri  មិនទាន់ទទួលបានការអនុម័តសម្រាប់កិច្ចព្រមព្រៀងជាប្រវត្តិសាស្ត្រនេះទេ។ នៅក្នុងសេចក្តីថ្លែងការណ៍មួយដែលបានចេញផ្សាយកាលពីខែមករា ធនាគារនៃ Ayudhya បានប្រកាសពីចេតនារបស់ខ្លួន ដើម្បីទិញយកគ្រឹះស្ថានមីក្រូហិរញ្ញវត្ថុកម្ពុជា ហត្ថាកសិករ ដែលតម្លៃនៃកិច្ចព្រមព្រៀងមានចំនួន ១៤០ លានដុល្លារ។ យ៉ាងណាមិញ ការទិញយកនេះអាស្រ័យលើការអនុម័តរបស់ធនាគារជាតិនៃកម្ពុជា។ ...

រយៈពេលមួយឆ្នាំបន្ទាប់ពីធនាគារជាតិនៃកម្ពុជាព្រមានដល់ប្រតិបត្តិករឥណទានក្រៅច្បាប់ឲ្យចុះបញ្ជីមកដល់ពេលនេះមានអ្នកផ្តល់កម្ចីក្រៅផ្លូវការសរុប ៣២២ បានដាក់ពាក្យចុះបញ្ជីខណៈ NBC បានផ្តល់អាជ្ញាប័ណ្ណដល់ប្រតិបត្តិករបាន ១២៩។ នេះបើយោងតាមទិន្នន័យផ្លូវការចេញផ្សាយកាលពីម្សិលមិញ។ ...

អគ្គិសនីកម្ពុជា (EDC) បានក្រើនរំឭកដល់គ្រឹះស្ថានធនាគារ និង មីក្រូហិរញ្ញវត្ថុមួយចំនួនដែលកំពុងប្រតិបត្តិផ្ទុយពីកិច្ចព្រមព្រៀងជាមួយ EDC ស្តីពីការទូទាត់ថ្លៃអគ្គិសនីខណៈពួកគេកំពុងប្រើប្រាស់ភាគីទីបីជាភ្នាក់ងារទូទាត់ជំនួស។ នេះបើតាមសេចក្តីជូនដំណឹង EDC ។ ...

វាមានរយៈពេល៧ខែហើយបន្ទាប់ពីឥណទានសង្គ្រោះប្រមាណ៣០លានដុល្លារមិនទាន់ទម្លាក់ដល់ដៃរោងម៉ាស៊ីនកិនស្រូវនៅឡើយបន្ទាប់ពីខាងផ្នែកស្រូវអង្ករស្នើទៅរដ្ឋាភិបាលដើម្បីជួយទប់ស្កាត់ការដួលរលំនៅក្នុងវិស័យស្រូវអង្ករនៅក្នុងរដូវប្រមូលផលស្រូវឆ្នាំនេះ ប៉ុន្តែទាំងមន្ត្រី និងអ្នកពាក់ព័ន្ធក្នុងវិស័យនេះ ជឿជាក់ថា ឥណទាននឹងសម្រេចបាននៅមុនរដូវប្រមូលផលស្រូវខាងមុខ។ សហព័ន្ធស្រូវអង្ករកម្ពុជា កាលពីខែមីនា កន្លងទៅ បានស្នើរដ្ឋាភិបាល ផ្តល់មូលនិធិ ប្រមាណ៣០លានដុល្លារ ទៅធនាគារអភិវឌ្ឍន៍ជនបទ ដើម្បីផ្តល់កម្ចីដល់បណ្តារោងម៉ាស៊ីនកិនស្រូវ ជាទុនបង្វិលក្នុងការប្រមូលទិញស្រូវពីកសិករ នៅក្នុងរដូវប្រមូលផលស្រូវខាងមុខ ដោយសារតែភាគច្រើននៃបណ្តារោងម៉ាស៊ីនកិនស្រូវទាំងនោះ មិនអាចស្នើឥណទានគ្រប់គ្រាន់ពីធនាគារពាណិជ្ជ។ ...

ធនាគារចិន (Bank of China) ដែលគ្រឹះស្ថានហិរញ្ញវត្ថុគ្រប់គ្រងដោយរដ្ឋ និងជាធនាគារមួយក្នុងចំណោមធនាគារឈានមុខគេជាច្រើននៅក្នុងប្រទេសចិនដីគោកនឹងពង្រីកប្រតិបត្តិការរបស់ខ្លួននៅក្នុងប្រទេសកម្ពុជាតាមរយៈការបើកសាខាថ្មីនៅសៀមរាប និងក្រុងព្រះសីហនុ។ នេះបើយោងតាមអគ្គនាយកធនាគារនៅទីក្រុងភ្នំពេញ។ ...

កម្ពុជា និងចិនកាលពីសប្តាហ៍មុនបានចុះកិច្ចព្រមព្រៀងដោះដូរព័ត៌មានហិរញ្ញវត្ថុដើម្បីកម្ចាត់ការលាងលុយ និងការផ្តល់ហិរញ្ញប្បទានភេរវកម្ម។ អង្គភាពព័ត៌មានចារកម្មហិរញ្ញវត្ថុរបស់កម្ពុជា និងមជ្ឈមណ្ឌលវិភាគ តាមដាន និងប្រឆាំងការលាងលុយរបស់ចិនកាលពីថ្ងៃអង្គារសប្តាហ៍មុនបានចុះអនុស្សរណៈនៃការយោគយល់គ្នាមួយដើម្បីសហការដោះស្រាយបញ្ហានេះ។ នេះបើតាមការប្រកាសរបស់ធនាគារជាតិនៃកម្ពុជា។ . ...

កំណើនឥណទានយ៉ាងរហ័សដែលបានបង្កើនការបារម្ភពីធនាគារកណ្ដាល និងភ្នាក់ងារត្រួតពិនិត្យអន្តរជាតិបានធ្លាក់ចុះមកវិញក្នុងត្រីមាសទី ២ ឆ្នាំនេះដែលជាសញ្ញានៃការរឹតបន្តឹងលក្ខខណ្ឌផ្ដល់កម្ចីខណៈផលប៉ះពាល់ដោយសារកម្ចីស្អុយពិសេសនៅក្នុងវិស័យកសិកម្ម។ ...

ធនាគារជាតិកាណាដាបានសន្មតថាការកើនឡើងប្រាក់ចំណេញត្រីមាសទី ៣ ចំនួន ៥,៥ ភាគរយរបស់ខ្លួនត្រូវបានរួមចំណែកដោយសារការទិញភាគហ៊ុននៅក្នុងធនាគារ ABA របស់កម្ពុជាកាលពីដើមឆ្នាំនេះ។ ...

គ្រឹះស្ថានហិរញ្ញវត្ថុនៅកម្ពុជាបានឲ្យដឹងថាពួកគេបានអនុវត្តតាមការតម្រូវរបស់ធនាគារជាតិក្នុងការបង្កើនទុនបម្រុងបន្ទាន់ជាសាច់ប្រាក់ Liquidity Coverage Ratio បន្ទាប់ពីការកំណត់កាលបរិច្ឆេទបានកន្លងផុតដើម្បីការពារហានិភ័យដែលអាចកើតមានទាំងខាងក្នុង និងខាងក្រៅ។ ...

ទីភ្នាក់ងារវាយតម្លៃចំណាត់ថ្នាក់អន្តរជាតិMoodyបានរក្សាការវាយតម្លៃរបស់ខ្លួនអំពីកម្រិតបំណុលរបស់រដ្ឋាភិបាលកម្ពុជាស្ថិតនៅស្ថិរភាពមួយក្នុងកម្រិត B2 ដូចគ្នាកាលពីឆ្នាំមុន ប៉ុន្តែ កំណើនសេដ្ឋកិច្ចរបស់ប្រទេសនេះមានពីរពិន្ទុទាបជាងការព្យាកររបស់ខ្លួនកាលពីឆ្នាំមុនខណៈដែលអ្នកជំនាញបាននិយាយថា ការរក្សាបាននូវចំណាត់ថ្នាក់នេះបានឆ្លុះបញ្ចាំងពីការអភិវឌ្ឍរបស់ប្រទេសនាពេលបច្ចុប្បន្ន។ យោងតាមសេចក្តីប្រកាសកាលពីថ្ងៃព្រហស្បតិ៍ របស់ទីភ្នាក់ងារ Moody បានឲ្យដឹងថា ស្ថានភាពនៃកម្រិតបំណុលរបស់រដ្ឋាភិបាលកម្ពុជា គឺស្ថិតក្នុងកម្រិត B2 ដដែលដូចឆ្នាំមុន ដោយវាត្រូវបានគាំទ្រដោយភាពរឹងមាំ សកម្មភាពកំណើនស្ថិរភាព និងបំណុលរដ្ឋាភិបាលតិចតួចរបស់ខ្លួន។ ...

ទំហំកម្ចី និងបញ្ញើក្នុងវិស័យមីក្រូហិរញ្ញវត្ថុកម្ពុជានៅតែបន្តកើនឡើងខ្លាំងគិតត្រឹមឆមាសទីមួយឆ្នាំនេះ។ នេះបើតាមទិន្នន័យផ្លូវការពីសមាគមគ្រឹះស្ថានមីក្រូហិរញ្ញវត្ថុកម្ពុជា (CMA)។ ប៉ុន្តែវិស័យនេះក៏កំពុងប្រឈមនឹងហានិភ័យខ្ពស់ជាងមុនផងដែរខណៈទំហំកម្ចីដែលអតិថិជនមិនបានសងត្រឡប់បានកើនឡើងដល់កម្រិតមិនធ្លាប់មាន។ ...

ធនាគារអេស៊ីលីដាបានឲ្យដឹងនៅក្នុងសេចក្ដីប្រកាសព័ត៌មានកាលពីម្សិលមិញថាសាជីវកម្មវិនិយោគឯកជនក្រៅប្រទេស ( OPIC) ដែលជាគ្រឹះស្ថានហិរញ្ញវត្ថុអភិវឌ្ឍន៍របស់រដ្ឋាភិបាលអាមេរិកបានចុះហត្ថលេខាលើលិខិតប្ដេជ្ញាចិត្តក្នុងការផ្តល់កម្ចី ១២៥ លានដុល្លារដល់ធនាគារអេស៊ីលីដាដើម្បីគាំទ្រដល់វិស័យទាំងអស់តាមរយៈមីក្រូសហគ្រាស និងសហគ្រាសធុនតូច និងមធ្យម (SME)។ ...

ក្រុមហ៊ុនផ្សារមូលបត្រកម្ពុជា (CSX) នឹងចាប់ផ្តើមទទួលពាក្យស្នើសុំធ្វើជាសមាជិកផ្តល់សន្ទនីយភាពពីសមាជិករបស់ CSX ដើម្បីជួយជំរុញសន្ទនីយភាពជួញដូរនៅលើទីផ្សារ។ នេះបើតាមសេចក្តីប្រកាសព័ត៌មានរបស់ផ្សារហ៊ុនកាលពីថ្ងៃម្សិលមិញ។ ...

ទ្រព្យសកម្មនៅក្នុងប្រព័ន្ធធនាគារ និងគ្រឹះស្ថានហិរញ្ញវត្ថុកម្ពុជាបច្ចុប្បន្នបានកើនឡើងដល់ ២៥.៦ ពាន់លានដុល្លារអាមេរិកគិតត្រឹមខែមិថុនា ឆ្នាំ ២០១៦ ដែលជាកំណើន ២៣.៣ ភាគរយក្នុងរយៈពេល១២ខែចុងក្រោយនេះ នេះបើយោងតាមរបាយការណ៍ពីរឆ្នាំម្តងរបស់ធនាគារជាតិកម្ពុជា ឬធនាគារកណ្តាល កាលពីថ្ងៃអង្គារ។ ...

ធនាគារជាតិនៃកម្ពុជា បានបើកកិច្ចប្រជុំត្រៀមទទួលការវាយតម្លៃអញ្ញមញ្ញ (រៀបចំជាមុន) លើកទី២លើការប្រឆាំងការសម្អាតប្រាក់ និងហិរញ្ញប្បទានភេរវកម្មពីក្រុមប្រទេសអាស៊ីប៉ាស៊ីហ្វិក (APG) ដែលនឹងត្រូវធ្វើឡើងនៅចុងឆ្នាំនេះ។ កិច្ចប្រជុំនេះរៀបចំឡើងដោយអង្គភាពស៊ើបការណ៍ហិរញ្ញវត្ថុកម្ពុជា សហការជាមួយក្រុមប្រទេសអាស៊ីប៉ាស៊ីហ្វិក ក្នុងគោលបំណងពិភាក្សាអំពីដំណើរនៃការប្រឆាំងការសម្អាតប្រាក់និងហិរញ្ញប្បទានភេរវកម្មនៅប្រទេសកម្ពុជា។ កិច្ចប្រជុំត្រៀមវាយតម្លៃអញ្ញមញ្ញនឹងពិភាក្សាពីការពង្រឹងក្របខ័ណ្ឌគតិយុត្តិ និងយន្តការអនុវត្តច្បាប់ទៅលើការសម្អាតប្រាក់ និងហិរញ្ញប្បទានភេរវកម្ម និងផ្តល់រាល់ព័ត៌មានដល់ APG ដើម្បីឲ្យការវាយតម្លៃទទួលបានជោគជ័យនៅចុងឆ្នាំនេះ។ លោក ជា ចាន់តូ ទេសាភិបាលធនាគារជាតិនៃកម្ពុជា និងជាប្រធានគណៈកម្មការសម្របសម្រួលថ្នាក់ជាតិប្រឆាំងការសម្អាតប្រាក់ និងហិរញ្ញប្បទានភេរវកម្ម បានឲ្យដឹងថា កម្ពុជា បានទទួលការវាយតម្លៃពី APG ម្តងរួចមកហើយកាលពីឆ្នាំ២០០៧ ដែលពេលនោះកម្ពុជា ទទួលបានលទ្ធផលមិនល្អ ដោយសារតែកម្ពុជា ខ្វះខាតនូវប្រព័ន្ធច្បាប់ បទប្បញ្ញត្តិ និងយន្តការនៃការអនុវត្តច្បាប់ប្រឆាំងការសម្អាតប្រាក់ និងហិរញ្ញប្បទានភេរវកម្ម។ លោកទេសាភិបាលបញ្ជាក់ថា រដ្ឋាភិបាល នឹងបន្តសហការជាមួយស្ថាប័នអន្តរជាតិជាលក្ខណៈទ្វេភាគីក្តី ពហុភាគីក្តីក្នុងប្រឆាំងការសម្អាតប្រាក់ និងហិរញ្ញប្បទានភេរវកម្ម។ ...

តំណាងធនាគារជាតិនៃកម្ពុជា (NBC) បានអះអាងថាធនាគា អ៊ូរី ដែលជាធនាគារធំជាងគេទីពីរនៅកូរ៉េខាងត្បូងមិនស្ថិតក្នុងបញ្ជីបេក្ខភាពជាវិនិយោគិនដែលអាចទិញភាគហ៊ុនពីគ្រឹះស្ថានមីក្រូហិរញ្ញវត្ថុប្រាសាក់នោះទេដោយបញ្ជាក់ថាធនាគារអ៊ូរីមិនត្រូវបានបង្ហាញក្នុងចំណោមវិនិយោគិនសក្តានុពលរបស់ប្រាសាក់ឡើយ។ ...

ការិយាល័យ៌ណទានកម្ពុជា កំពុងស្វែងរកក្រុមហ៊ុនដែលមានឥទ្ធិពល និងបទពិសោធ Equifax មានមូលដ្ឋាននៅសហរដ្ឋអាមេរិក ដែលជាក្រុមហ៊ុនកំពូលមួយក្នុងចំនោមក្រុមហ៊ុនទីភ្នាក់ងាររបាយការណ៍ឥណទានអាមេរិកធំៗ បី នឹងមកពង្រីកសមត្ថភាពវិភាគឥណទានរបស់ខ្លួន និងណែនាំពីផលិតផលថ្មីៗនៅក្នុងទីផ្សារកម្ពុជា នេះបើអោយដឹងពីនាយកប្រតិបត្តិកាលពីម្សិលមិញ។   ...

ធនាគារជាតិនៃកម្ពុជាបានចេញរបាយការណ៍ប្រចាំឆ្នាំរបស់ខ្លួនកាលពីម្សិលមិញ ដែលបង្ហាញពីកំណើនយ៉ាងខ្លាំងនៅក្នុងឆ្នាំ ២០១៥ បើទោះបីជាមានការប្រឈមនឹងកាលៈទេសៈសេដ្ឋកិច្ចមួយចំនួនដែលបណ្តាលមកពីការធ្លាក់ចុះនៃសេដ្ឋកិច្ចរបស់ចិន ដែលនាំឱ្យមានការប្រកួតប្រជែងក្នុងតំបន់ និងការកើនឡើងតម្លៃប្រាក់ដុល្លារ។ ...

សេវាធានារ៉ាប់រងបានកើនឡើង ៣៧ ភាគរយនៅឆមាសដំបូងឆ្នាំនេះ ដែលមានចំនួនសរុប ៥៦ លានដុល្លារ នេះបើយោងតាមការប្រកាសនៅក្នុងរបាយការណ៍របស់សមាគមធានារ៉ាប់រងកម្ពុជា (IAC)កាលពីថ្ងៃអង្គារ។ ការកើនឡើងនេះ កើនពី ៤០.៩ លានដុល្លារក្នុងរយៈពេលដូចគ្នាកាលពីឆ្នាំទៅ បានបន្តកើនឡើង ១៦.២% នៅក្នុងការលក់សេវាធានារ៉ាប់រងទូទៅ ដែលរួមបញ្ជូលការកំណើន ១១៣.២ % នៅក្នុងវិស័យធានារ៉ាប់រងជីរិត នេះបើតាមការលើកឡើងក្នុងរបាយការណ៍។ ...

កម្ពុជាត្រូវបានចុះក្នុងបញ្ជីជាប្រទេសមានហានិភ័យខ្ពស់បំផុតក្នុងតំបន់អាស៊ាន និងស្ថិតក្នុងលំដាប់លេខ ៦ ក្នុងចំណោមប្រទេស ១៤៩ ក្នុងពិភពលោកចំពោះភាពងាយទទួលរងគ្រោះពីការលាងលុយ និងហិរញ្ញប្បទានភេរវកម្ម។ នេះបើតាមរបាយការណ៍ថ្មីមួយចេញផ្សាយកាលពីពេលថ្មីៗនេះ។ ...

ធនាគារអេស៊ីលីដាដែលជាគ្រឹះស្ថានហិរញ្ញវត្ថុឈានមុខគេរបស់កម្ពុជាបានបង្ហាញពីកំណើនជាបន្តបន្ទាប់ដ៏រឹងមាំ។ នេះបើយោងតាមរបាយការណ៍សវនកម្មរួចរបស់ធនាគារដែលបង្ហាញពីកំណើនប្រាក់ចំណេញសុទ្ធ និងទ្រព្យសកម្មសរុបកើនឡើងខ្លាំង។ ...