ឧបករណ៍ Starlink រួមទាំងស្ថានីយអតិថិជន (customer terminals) និងអង់តែន នៅតែឃើញមានដាក់លក់នៅលើថ្នាលប្រព័ន្ធផ្សព្វផ្សាយសង្គម និងគេហទំព័រពាណិជ្ជកម្មអេឡិចត្រូនិកជាច្រើនក្នុងព្រះរាជាណាចក្រកម្ពុជា ទោះបីជានិយ័តករទូរគមនាគមន៍កម្ពុជា (TRC) ចេញបម្រាមយ៉ាងតឹងរ៉ឹងកាលពីពីរសប្តាហ៍មុនក៏ដោយ។ Starlink មិនត្រូវបានអនុញ្ញាតឱ្យធ្វើប្រតិបត្តិការក្នុងប្រទេសកម្ពុជាទេ ហើយសេវាកម្មនានារបស់ខ្លួនត្រូវបានអាជ្ញាធរចាត់ទុកថាខុសច្បាប់។ ...

នគរបាល​កម្ពុជា-ថៃ បានឯកភាពគ្នាបង្កើតក្រុមការងាររៀបចំផែនការសកម្មភាពទប់ស្កាត់និងបង្ក្រាបបទល្មើសឆ្លងដែន online scam និងការជួញដូរមនុស្ស នៅ​ក្នុង​កិច្ច​ប្រជុំ​មួ​យ​ថ្ងៃ​ពេញនៅ​ខេត្ត​ស្រះកែវ ប្រទេស​ថៃ កាល​ពី​ថ្ងៃទី១៦ កញ្ញា។ នគរបាលជាតិកម្ពុជា​ដឹកនាំដោយ ស៊ាង ធារិទ្ធ អគ្គស្នងការរងនគរបាលជាតិកម្ពុជា បានជួបប្រជុំជាមួយនគរបាលភូមិន្ទថៃដែលដឹកនាំដោយលោក​ Thatchai Pitaneelaboot អគ្គាធិការជាន់ខ្ពស់នៃនគរបាលភូមិន្ទថៃ ដោយ​កិច្ច​ប្រជុំ​ចាប់​ផ្ដើម​នៅម៉ោង​១០​ព្រឹក រហូត​ដល់​ម៉ោង ៨យប់។ ...

កម្ពុជា និងចិនកាលពីថ្ងៃច័ន្ទបានប្តេជ្ញាចិត្តចំពោះផែនការសកម្មភាពដ៏ទូលំទូលាយ និងលម្អិតមួយ ក្នុងការជំរុញកំណើនទេសចរណ៍ និងការតភ្ជាប់ផ្លូវអាកាសឱ្យបានច្រើនរវាងប្រទេសទាំងពីរ។ ការប្តេជ្ញាចិត្តនេះ ធ្វើឡើងនៅក្នុងកិច្ចប្រជុំយន្តការត្រីភាគីលើកទី២ រវាងក្រសួងទេសចរណ៍កម្ពុជា ស្ថានទូតចិនប្រចាំនៅកម្ពុជា និងក្រុមហ៊ុនទេសចរណ៍ឈានមុខរបស់ចិន តាមរយៈប្រព័ន្ធអនឡាញ។ ...

អាជ្ញាធរមីន​បានគូសបញ្ជាក់ប្រាប់​ទៅ​សហភាព​អឺរ៉ុប​ថា ការ​ដោះ​មីន​នៅ​តាម​ព្រំដែន​ថៃ នៅ​តែបន្ត​ធ្វើ​​ដោយ​ផ្តោតសំខាន់ជាអាទិភាពលើតំបន់មានការខណ្ឌសីមាច្បាស់លាស់ ទីកន្លែងដែលមានប្រជាជនរស់នៅ និងទីកន្លែងបម្រើដល់សេដ្ឋកិច្ចសង្គម។ ការ​ថ្លែង​បែប​នេះ​ធ្វើ​ឡើង​ដោយ​លោក លី ធុជ ទេសរដ្ឋមន្រ្តី និងជាអនុប្រធានទី១ ក្នុង​ជំនួប​ជាមួយ លោក Igor Driesmans ប្រធានគណៈប្រតិភូសហគមន៍អ៊ឺរ៉ុបប្រចាំកម្ពុជា នៅ​ថ្ងៃទី១៦ កញ្ញា​នេះ ដែល​ភាគី​ទាំងពីរ​បាន​ពិភាក្សា​អំពី​ការ​បោស​សម្អាត​មីន​នៅ​តាម​ព្រំដែន។ ...

លោកស្រី ម៉ាលី សុជាតា អ្នក​នាំពាក្យ​ក្រសួង​ការពារជាតិ​បំភ្លឺ​ថា ចំណុច​​ដែល​​កង​ទ័ព​ជើង​ទឹកថៃបាន​លើក​ឡើង​ថា​កម្ពុជា​បំពាន​ដីថៃ​​ តាម​ពិត​ត្រូវ​បាន​ដោះ​ស្រាយ​រួច​រាល់​តាំង​ពី​ឆ្នាំ២០២២ ចំណែក​ចំណុច​នៅ​សេសសល់​គួរ​ត្រូវ​បាន​ដាក់បញ្ចូល​ក្នុង​កិច្ច​ការ​របស់ គណៈកម្មាធិការចម្រុះព្រំដែន (JBC)។ ...

ដ្ឋសភាបានអនុម័តសេចក្តីព្រាងច្បាប់ស្តីពីការអនុម័តយល់ព្រមលើកិច្ចព្រមព្រៀងបន្ថែមទៅលើសន្ធិសញ្ញាស្តីពីតំបន់អាស៊ី-អាគ្នេយ៍គ្មានអាវុធនុយក្លេអ៊ែរ ដើម្បីលើកកម្ពស់សន្តិភាពនិងសន្តិសុខតំបន់និងពិភពលោក។ រដ្ឋសភាពីម្សិលមិញបានបើកកិច្ចប្រជុំពេញអង្គក្រោមអធិបតីភាពលោកស្រី ឃួន សុដារី ប្រធានរដ្ឋសភា ព្រមទាំងវត្តមានសមាជិកចូលរួមចំនួន១០៧នាក់ ដើម្បីពិភាក្សានិងអនុម័តសេចក្តីព្រាងច្បាប់ស្តីពីការអនុម័តយល់ព្រមលើកិច្ចព្រមព្រៀងបន្ថែមទៅលើសន្ធិសញ្ញាស្តីពីតំបន់អាស៊ី-អាគ្នេយ៍គ្មានអាវុធនុយក្លេអ៊ែរ ដែលស្នើដោយរាជរដ្ឋាភិបាល។ ...

របាយការណ៍របស់ក្រសួងពាណិជ្ជកម្មបានបង្ហាញកាលពីថ្ងៃចន្ទថា កម្ពុជាបាននាំចេញទំនិញក្នុងទំហំទឹកប្រាក់ ៦,៦២៨ លានដុល្លារទៅកាន់ប្រទេសភាពជាដៃគូសេដ្ឋកិច្ចគ្រប់ជ្រុងជ្រោយក្នុងតំបន់ (RCEP) ចន្លោះខែមករាដល់ខែសីហាឆ្នាំនេះ កើនឡើងជិត១០ភាគរយ ពី ៦,០៥០លានដុល្លារ ក្នុងរយៈពេលដូចគ្នាកាលពីឆ្នាំមុន។ ...

Mae Thong Suk (MTS) Gold Group ដែលជាក្រុមហ៊ុនពាណិជ្ជកម្មមាសឈានមុខគេរបស់ប្រទេសថៃកាលពីថ្ងៃសុក្របានការពារភាពស្របច្បាប់នៃការនាំចេញមាសរបស់ប្រទេសថៃមកកម្ពុជាដោយសង្កត់ធ្ងន់ថាប្រតិបត្តិការទាំងអស់ចំនួន ២.១៥ ប៊ីលានដុល្លារគោរពតាមបទប្បញ្ញត្តិអន្តរជាតិ។ ...

នៅថ្ងៃទី៤ ខែកញ្ញា ឆ្នាំ២០២៥ អង្គការ​សម្ព័ន្ធភាព​ការពារ​សិទ្ធិមនុស្ស​កម្ពុជា វេទិកានៃអង្គការមិនមែនរដ្ឋាភិបាលស្តីពីកម្ពុជា អង្គការមជ្ឈមណ្ឌលអប់រំច្បាប់សម្រាប់សហគមន៍ សហព័ន្ធសហជីពសេរីកម្មករនៃព្រះរាជាណាចក្រកម្ពុជា និងអង្គការប៉ាដិក បានចេញសេចក្តីប្រកាសព័ត៌មានស្តីពីសង្គមស៊ីវិល និងក្រុមអ្នកជំនាញចាប់ផ្តើមការវាយតម្លៃរហ័សលើហេតុប៉ះពាល់បរិស្ថាននៃការប្រើប្រាស់អាវុធគីមីនៅតាមព្រំដែនកម្ពុជា-ថៃ។សម្ព័ន្ធនៃអង្គការសង្គមស៊ីវិលកម្ពុជា រួមមាន អង្គការ​សម្ព័ន្ធភាព​ការពារ​សិទ្ធិមនុស្ស​កម្ពុជា វេទិកានៃអង្គការមិនមែនរដ្ឋាភិបាលស្តីពីកម្ពុជា អង្គការមជ្ឈមណ្ឌលអប់រំច្បាប់សម្រាប់សហគមន៍ សហព័ន្ធសហជីពសេរីកម្មករនៃព្រះរាជាណាចក្រកម្ពុជា និងអង្គការប៉ាដិករួមជាមួយនឹងក្រុមចម្រុះនៃអ្នកឯកទេស/អ្នកការពារបរិស្ថាន មេធាវី អ្នកតស៊ូមតិ និងអ្នកជំនាញសិទ្ធិមនុស្ស និងអ្នកឯកទេសសង្គម នឹងធ្វើការវាយតម្លៃរហ័សរយៈពេលបួនថ្ងៃចាប់ពីថ្ងៃទី៥-៨ ខែកញ្ញា ឆ្នាំ២០២៥ នៅតាមតំបន់សំខាន់ៗនៃប្រទេសកម្ពុជា។ ...

នៅថ្ងៃទី៤ ខែកញ្ញា ឆ្នាំ២០២៥ ក្រសួងការបរទេស និងសហប្រតិបត្តិការអន្តរជាតិ បានចេញសេចក្តីប្រកាសព័ត៌មានស្តីពីប្រធានាធិបតីហ្វីលីពីននឹងអញ្ជើញមកបំពេញទស្សនកិច្ចផ្លូវរដ្ឋនៅព្រះរាជាណាចក្រកម្ពុជា។តបតាមការអញ្ជើញរបស់ ព្រះករុណា ព្រះបាទ សម្តេចព្រះបរមនាថ នរោត្តម សីហមុនី ព្រះមហាក្សត្រ នៃព្រះរាជាណាចក្រកម្ពុជា ឯកឧត្តម Ferdinand Romualdez Marcos Jr. ប្រធានាធិបតី នៃសាធារណរដ្ឋហ្វីលីពីន និងលោកជំទាវ Louise Araneta-Marcos នឹងអញ្ជើញមកបំពេញទស្សនកិច្ចផ្លូវរដ្ឋនៅព្រះរាជាណាចក្រកម្ពុជា ពីថ្ងៃទី៧ ដល់ថ្ងៃទី៩ ខែកញ្ញា ឆ្នាំ២០២៥។ ...

នៅថ្ងៃទី៤ ខែកញ្ញា ឆ្នាំ២០២៥ ក្រសួងបរិស្ថាន បានចេញសេចក្តីថ្លែងសារព័ត៌មានស្តីពីកម្ពុជាធ្វើជាម្ចាស់ផ្ទះដោយជោគជ័យនៃសន្និសីទលើកដំបូង កម្មវិធីសមហរន្តកម្មការស្តារប្រព័ន្ធអេកូឡូស៊ីដែលមានការចូលរួមពីប្រទេសចំនួន២០។អង្គការអភិរក្សអន្តរជាតិកម្ពុជា រួមជាមួយកម្មវិធីសហប្រជាជាតិនៅកម្ពុជា និងក្រសួងបរិស្ថាន បានរៀបចំសន្និសីទប្រចាំឆ្នាំលើកទី១ កម្មវិធីសមាហរន្តកម្មការស្តារប្រព័ន្ធអេកូឡូស៊ីនៅក្នុងខេត្តសៀមរាប ដោយមានអ្នកចូលរួមប្រមាណ ៨០នាក់មកពី ២០ប្រទេស ដើម្បីបង្កើនកិច្ចខិតខំប្រឹងប្រែងក្នុងការស្តារប្រព័ន្ធអេកូឡូស៊ីជុំវិញពិភពលោក។ ...