សេដ្ឋកិច្ច និងពាណិជ្ជកម្ម
ភាពស្រពិចស្រពិលស្តីពីអ្នកផ្តល់សន្ទនីយភាព (LPs)
អស់រយៈពេលស្ទើរតែពីរសប្តាហ៍មកហើយ បន្ទាប់ពីផ្សារមូលបត្រកម្ពុជា (CSX) បានប្រកាសថាខ្លួនបាននឹងកំពុងទទួលពាក្យស្នើសុំសម្រាប់ជម្រើសនៃការអនុម័តអ្នកផ្តល់សន្ទនីយភាពថ្មី កាលពីម្សិលមិញ ផ្សារមូលបត្រកម្ពុជាបានទទួលស្គាល់ថា មិនទាន់មាននរណាម្នាក់បានដាក់ពាក្យស្នើសុំនៅឡើយទេ ខណៈដែលសមាជិករបស់ពួកគេបាននិយាយថា ពួកគេនីតែមិនទាន់ច្បាស់ពីកម្មវិធីនេះនៅឡើយ។ ...
ម៉ៃ គុណមករា
http://www.khmertimeskh.com/news/29363/skepticism-on-liquidity-providers/
ភាគីថៃ សន្យាជួយសម្រួលការនាំចូលពោតរបស់កសិករកម្ពុជា
អាជ្ញាធរក្រសួងពាណិជ្ជកម្មថៃនឹងជួយសម្រួលការនាំចូលកសិផលពោតរបស់កសិករកម្ពុជានៅតាមព្រំដែនទៅប្រទេសថៃបន្ទាប់ពីដំណើរការរាំងស្ទះនាំផលិតផលកសិកម្មពីកម្ពុជា ចូលទៅប្រទេសថៃ បានកាលពីពេលថ្មីនេះ។ យោងតាមគេហទំព័រក្រសួងពាណិជ្ជកម្មកម្ពុជា កាលពីថ្ងៃសុក្រ អគ្គរាជទូតព្រះរាជាណាចក្រថៃ ប្រចាំនៅកម្ពុជា លោក NuttavudhPhotisaro នៅក្នុងជំនួបជាមួយរដ្ឋលេខាធិការក្រសួងពាណិជ្ជកម្ម លោក សុខ សុភ័ក្រ បានថ្លែងថា លោកនឹងធ្វើរបាយការណ៍ដាក់ជូនក្រសួងការបរទេសនិងក្រសួងពាណិជ្ជកម្មថៃដើម្បីឲ្យជួយអន្តរាគមន៍ដើម្បីដោះស្រាយជាបន្ទាន់ជួយកសិករកម្ពុជា អាចនាំចូលទៅប្រទេសថៃ។ ...
ជា វណ្ណៈ
http://bit.ly/2cgfTil
SMEs ចាប់ដៃគូជាមួយអង្គការតម្លាភាពកម្ពុជា
សម្ព័ន្ធសហគមន៍សហគ្រាសធុនតូច និងមធ្យមកម្ពុជា (FASMAC) បានស្វែងរកការគាំទ្រពីអង្គការប្រឆាំងអំពើពុករលួយតម្លាភាពអន្តរជាតិ ដើម្បីរៀបចំខ្លួនក្លាយជាអង្គភាពអាជីវកម្មដែលគ្មានអំពើពុករលួយ និងដើម្បីជួយដល់សមាជិករបស់ខ្លួនអាចនេងត្រូវបានចុះបញ្ជីនៅផ្សារមូលបត្រកម្ពុជា (CSX)។ ...
ជា វណ្ណៈ
http://www.khmertimeskh.com/news/29307/smes-in-anti-graft-partnership/
ប្រាក់ចំណេញក្រុមហ៊ុន Jimei ធ្លាក់ចុះជិត ៥០ ភាគរយនៅឆមាសទី ១
Jimei International Entertainment Group ដែលជាវិនិយោគិនដំណើរកម្សាន្តសម្រាប់អ្នកលេងល្បែងមានប្រាក់ច្រើនចុះបញ្ជីនៅទីក្រុងហុងកុងដែលបានផ្សព្វផ្សាយពីការលេងល្បែងយ៉ាងហោចណាស់ ៧ តុនៅក្នុងកាស៊ីណូ NagaWorld នៅទីក្រុងភ្នំពេញរាយការណ៍ការធ្លាក់ចុះប្រាក់ចំណូលខ្លាំងនៅឆមាសទី ១ ឆ្នាំ ២០១៦។ ...
Cam McGrath
http://bit.ly/2bYclzd
សំណើឥណទានបានធ្លាក់ចុះ ២៥ ភាគរយ
កំណើនឥណទានយ៉ាងរហ័សដែលបានបង្កើនការបារម្ភពីធនាគារកណ្ដាល និងភ្នាក់ងារត្រួតពិនិត្យអន្តរជាតិបានធ្លាក់ចុះមកវិញក្នុងត្រីមាសទី ២ ឆ្នាំនេះដែលជាសញ្ញានៃការរឹតបន្តឹងលក្ខខណ្ឌផ្ដល់កម្ចីខណៈផលប៉ះពាល់ដោយសារកម្ចីស្អុយពិសេសនៅក្នុងវិស័យកសិកម្ម។ ...
Kali Kotoski
http://bit.ly/2c5jEs6
ធនាគារកាណាដាថាការទិញភាគហ៊ុន ABA ជំរុញកំណើន
ធនាគារជាតិកាណាដាបានសន្មតថាការកើនឡើងប្រាក់ចំណេញត្រីមាសទី ៣ ចំនួន ៥,៥ ភាគរយរបស់ខ្លួនត្រូវបានរួមចំណែកដោយសារការទិញភាគហ៊ុននៅក្នុងធនាគារ ABA របស់កម្ពុជាកាលពីដើមឆ្នាំនេះ។ ...
Phnom Penh Post
http://bit.ly/2bV7BL8
ក្រុមហ៊ុនឥណ្ឌានឹងទទួលបានអាជ្ញាប័ណ្ណជីករ៉ែក្រោមដីដំបូងគេបង្អស់នៅក្នុងប្រទេសកម្ពុជា
ក្រសួងរ៉ែ និងថាមពល គ្រោងនឹងចេញអាជ្ញាប័ណ្ណជីករ៉ែក្រោមដីទ្រង់ទ្រាយពាណិជ្ជកម្មដំបូងគេបង្អស់នៅក្នុងប្រទេសឱ្យទៅក្រុមហ៊ុន មេ៉ស្កូ ហ្គូល (Mesco Gold) របស់ឥណ្ឌា ក្នុងរយៈពេល២សប្ដាហ៍ទៀត ទោះបីជាមានការប្រឆាំងជំទាស់ពីសំណាក់ប្រជាពលរដ្ឋរស់នៅក្នុងភូមិចំនួនពីរ ដែលមានការព្រួយបារម្ភអំពីសំណង និងការខូចខាតដល់បរិស្ថានយ៉ាងណាក្ដី។ លោក ហាស់ សាម៉ា (Harsh Sharma) នាយកផ្នែកប្រតិបត្តិការរបស់ក្រុមហ៊ុន Mesco Gold ដែលជាបុត្រសម្ព័ន្ធនៅកម្ពុជារបស់ក្រុមហ៊ុន ម៉េស្កូ ស្ទីល (Mesco Steel) បានមានប្រសាសន៍ថា ក្រុមហ៊ុននេះគ្រោងបើកការដ្ឋានលើដីសម្បទានរបស់ខ្លួនក្នុងស្រុកអូរយ៉ាដាវ ខេត្តរតនគិរីរយៈពេលប្រហែល៦សប្ដាហ៍ទៀត។ ...
កង សុធា និង AISHA DOWN
http://www.cambodiadailykhmer.com/34021
ថៃជំរុញឲ្យអ្នកផលិតកម្ពុជានាំទំនិញទៅលក់នៅទីផ្សារថៃ
ខណៈផលិតផលកម្ពុជាកម្រឃើញមាននៅក្នុងទីផ្សារប្រទេសថៃដោយសារវាមិនអាចប្រកួតប្រជែងក្នុងទីផ្សារដ៏ធំមួយរបស់អាស៊ាននេះបានអ្នកជំនាញពិព័រណ៍ពាណិជ្ជកម្មនៅថៃបានផ្ដល់អនុសាសន៍ថាក្រុមហ៊ុនផលិតរបស់កម្ពុជាគួរតែចាប់ផ្ដើមពង្រីកចំណែកទីផ្សារបស់ខ្លួនតាមរយៈការនាំយកផលិតផលមានតែមួយទៅទីផ្សារថៃ។ ...
ហ៊ គឹមសាយ
http://bit.ly/2c5VVZ2
EU នឹងផ្តល់មូលនិធិ ១៥ លានដុល្លារដល់ CLMV
រដ្ឋមន្ត្រីក្រសួងពាណិជ្ជកម្មកម្ពុជាលោក ប៉ាន សូរស័ក្ដិ បានជួបជាតំណាងសហភាពអឺរ៉ុប (EU) នៅសប្ដាហ៍នេះដើម្បីពិភាក្សាអំពីការបង្កើតកម្មវិធីពាណិជ្ជកម្មថ្មីគាំទ្រដោយ EU។ សហភាពអឺរ៉ុបបានបម្រុងទឹកប្រាក់ ១៥ លានដុល្លារដើម្បីគាំទ្រដល់ការតភ្ជាប់ពាណិជ្ជកម្មរបស់ក្រុមប្រទេស CLMV រួមមានប្រទេសកម្ពុជា ឡាវ និងមីយ៉ាន់ម៉ា និងវៀតណា។ ...
Post Staff
http://bit.ly/2bODbuZ
គ្រឹះស្ថានហិរញ្ញវត្ថុថាខ្លួនបានបំពេញ LCR
គ្រឹះស្ថានហិរញ្ញវត្ថុនៅកម្ពុជាបានឲ្យដឹងថាពួកគេបានអនុវត្តតាមការតម្រូវរបស់ធនាគារជាតិក្នុងការបង្កើនទុនបម្រុងបន្ទាន់ជាសាច់ប្រាក់ Liquidity Coverage Ratio បន្ទាប់ពីការកំណត់កាលបរិច្ឆេទបានកន្លងផុតដើម្បីការពារហានិភ័យដែលអាចកើតមានទាំងខាងក្នុង និងខាងក្រៅ។ ...
Kali Kotoski
http://bit.ly/2c5UGcJ
កម្ពុជាទទួលបាន FDI ជាង $ ៥០០ លាន
ទុនវិនិយោគផ្ទាល់ពីបរទេស (FDI) ជាសាច់ប្រាក់សុទ្ធចូលមកកម្ពុជានៅក្នុងរយៈពេល ៦ ខែដំបូងឆ្នាំនេះដែលកត់ត្រាដោយធនាគារជាតិនៃកម្ពុជាមានចំនួន ៥១១ លានដុល្លារអាមេរិកកើនឡើង ៦ ភាគរយពីចំនួន ៤៨១ លានដុល្លារបើធៀបនឹងរយៈពេលដូចគ្នាកាលពីឆ្នាំទៅ។ នេះបើយោងតាមទិន្នន័យពីក្រសួងសេដ្ឋកិច្ច និងហិរញ្ញវត្ថុស្តីពីវឌ្ឍនភាពម៉ាក្រូសេដ្ឋកិច្ចកម្ពុជាឆ្នាំ ២០១៦ ចេញផ្សាយកាលពីថ្ងៃអង្គារ។ របាយការណ៍ដែលវាយតម្លៃចក្ខុវិស័យម៉ាក្រូសេដ្ឋកិច្ចពាក់ណ្តាលឆ្នាំរបស់កម្ពុជានេះមិនបានបង្ហាញលម្អិតពីលំហូរតាមវិស័យទេប៉ុន្តែបង្ហាញថាតិចជាង ១ ភាគ ៤ នៃលំហូរទុនវិនិយោគទៅក្នុងវិស័យធនាគារ។ ...
ហ៊ គឹមសាយ
http://bit.ly/2bLsF83
ក្រុមហ៊ុនដែលគ្រប់គ្រងប័ណ្ណការងារជនបរទេសមិនទាន់មានគេហទំព័រ
ក្រសួងការងារនិងបណ្តុះបណ្តាលវិជ្ជាជីវៈ បានប្រគល់ការទទួលខុសត្រូវទំាងអស់លើប័ណ្ណការងារជនបរទេសទៅឲ្យក្រុមហ៊ុន អុី-សឹលូសិន (ខេមបូឌា) E-Solutions (Cambodia) Co.នៅក្នុងថ្ងៃនេះ ដោយបន្សល់ទុកនូវសំណួរមិនទាន់មានចម្លើយជាច្រើនពាក់ព័ន្ធក្រុមហ៊ុនឯកជននេះ ដែលនឹងដំណើរការ ផលិត និងចែកចាយប័ណ្ណការងារតាមប្រព័ន្ធស្វ័យ ប្រវត្តិកម្ម។ លោក ហេង សួរ អ្នកនាំពាក្យក្រសួងនេះ បានបដិសេធមិនឆ្លើយសំណួរឡើយពាក់ព័ន្ធក្រុមហ៊ុននេះ និងថា តើនរណាជាម្ចាស់ ឬថា តើហេតុអ្វីបានជាក្រុមហ៊ុននេះនៅមិនទាន់មានគេហទំព័រ មួយថ្ងៃមុនពេលក្រុមហ៊ុននេះត្រូវអនុញ្ញាតឲ្យគ្រប់គ្រងដំណើរការដាក់ពាក្យសុំប័ណ្ណការងារតាមប្រព័ន្ធស្វ័យប្រវត្តិកម្ម។ តែលោក បែរជាបង្វែរសំណួរទាំងអស់ទៅកាន់ប្រកាសចុះហត្ថលេខាកាលពីដើមខែនេះដែលកំណត់ចំពោះដំណើរការនេះទៅវិញ។ ...
សេក ឧត្តម និង ជេនណែល រ៉េតខា
http://www.cambodiadailykhmer.com/33992
សមាគមស្ករត្នោតកំពង់ស្ពឺ រំពឹងថា អឺរ៉ុប ទទួលស្គាល់
សមាគមស្ករត្នោតកំពង់ស្ពឺបានរំពឹងថាសហគមន៍អឺរ៉ុបនឹងទទួលស្គាល់ផលិតផលស្ករត្នោតជាផលិតផលសម្គាល់ភូមិសាស្ត្រទីពីរបន្ទាប់ផលិតផលម្រេចកំពត នៅក្នុងចុងឆ្នាំនេះ ក្រោយពេលសហគមន៍អឺរ៉ុប ផ្ញើលិខិតឆ្លើយតបនឹងក្រសួងពាណិជ្ជកម្ម និងសមាគមស្ករត្នោតកំពង់ស្ពឺ។ លោក សុក សារ៉ង ទីប្រឹក្សានៃសមាគមលើកកម្ពស់ស្ករត្នោតកំពង់ស្ពឺ បានប្រាប់ ខ្មែរថាមស៍ ថា ក្រសួងពាណិជ្ជកម្ម សមាគមស្ករត្នោតកំពង់ស្ពឺក្រោមការជួយជ្រោមជ្រែងពីអង្គការ FAO និង AFD បានដាក់ពាក្យស្នើសុំចុះបញ្ជីផលិតផលស្ករត្នោតកំពង់ស្ពឺ ជាផលិតផលសម្គាល់ភូមិសាស្ត្រពីសហគមន៍អឺរ៉ុប នៅក្នុងខែកក្កដា ឆ្នាំនេះ ហើយសហគមន៍អឺរ៉ុប ក៏បានឆ្លើយតបភ្លាមៗផងដែរ អំពីការទទួលបានពាក្យស្នើសុំពីកម្ពុជា។ សហគមន៍អឺរ៉ុប កំពុងតែត្រួតពិនិត្យទៅលើពាក្យស្នើសុំនោះ។ ...
សុខ ចាន់
http://bit.ly/2bW7cv4
ក្រសួង និងតំណាង SME ពិភាក្សាបង្កើនការលក់ផលិតផលខ្មែរ ក្នុងស្រុក និងអន្តរជាតិ
)ក្រសួងពាណិជ្ជកម្មនិងតំណាងមកពីសហគ្រាសខ្នាតតូចនិងមធ្យម(SME)បានពិភាក្សាជាមួយគ្នាក្នុងការស្វែងរកយន្តការដើម្បីបង្កើនការលក់ផលិតផលខ្មែរ នៅលើទីផ្សារជាតិ និងអន្តរជាតិ។ លោក ប៉ានសូរស័ក្តិរដ្ឋមន្ត្រីក្រសួងពាណិជ្ជកម្ម បានឲ្យដឹងនៅក្នុងសិក្ខាសាលាស្ដីពី «កិច្ចពិគ្រោះយោបល់រវាងអ្នកផលិត អ្នកផ្គត់ផ្គង់ អ្នកប្រើប្រាស់ និងចែកចាយ» ថា ក្រសួងកំពុងស្វែងរកទីផ្សារនៅក្រៅប្រទេសសម្រាប់ផលិតផលកសិកម្មតាមរយៈភាពជាដៃគូសេដ្ឋកិច្ច ទូលំទូលាយតំបន់ (RCEP) ជាមួយនឹងដៃគូអន្តរជាតិ នៅក្នុងតំបន់ និងនៅលើពិភពលោក។ លោកបានថ្លែងថា៖ «ការអនុវត្តគោលនយោបាយដើម្បីលើកកម្ពស់ផលិតផលខ្មែរ ត្រូវការការគាំទ្រពីការចូលរួមរបស់ភាគីពាក់ព័ន្ធ អ្នកផលិត អ្នកចែកចាយ និងអ្នកប្រើប្រាស់ទាំងអស់ ជាពិសេសប្រជាជនខ្មែរ»។ ...
ស៊ុំ ម៉ាណេត
http://bit.ly/2bKzPwD
ក្រុមការងារអាស៊ានស្តីពីកៅស៊ូ ឯកភាពគ្នាលើស្តង់ដាររួម
បណ្ដាប្រទេសអាស៊ានកាលពីថ្ងៃម្សិលមិញបានឯកភាពលើស្ដង់ដាររួមចំនួន ៦១ នៃផលិតផលកៅស៊ូក្នុងកិច្ចប្រជុំលើកទី ២៣ នៅសៀមរាប។ នេះបើតាមលោក ចាន់ បូរិន អគ្គនាយកវិទ្យាស្ថានស្ដង់ដារកម្ពុជា។ លោក ចាន់ បូរិន លើកឡើងថាកិច្ចប្រជុំលើកទី ២៣ របស់ក្រុមការងារផលិតកម្មកៅស៊ូរបស់អាស៊ានចាប់ពីថ្ងៃទី ២៣ ខែសីហាដល់ថ្ងៃទី ២៥ ខែសីហាគឺដើម្បីពិភាក្សាអំពីផលិតផលកៅស៊ូ និងឧបសគ្គបច្ចេកទេសពាណិជ្ជកម្ម។ លោកបានបញ្ជាក់ថា ក្នុងចំណោមស្ដង់ដារ ៦១ មានស្ដង់ដារសម្រាប់ផលិតផលពីកៅស៊ូ និងស្ដង់ដារសម្រាប់ការធ្វើតេស្ដលើផលិតផល។ ...
ចេង សុខហ័ង
http://bit.ly/2bU4PaG
បំណុលកម្ពុជាត្រូវ ស្ថាប័ន Moody ដាក់ក្នុងកម្រិត B2
ទីភ្នាក់ងារវាយតម្លៃចំណាត់ថ្នាក់អន្តរជាតិMoodyបានរក្សាការវាយតម្លៃរបស់ខ្លួនអំពីកម្រិតបំណុលរបស់រដ្ឋាភិបាលកម្ពុជាស្ថិតនៅស្ថិរភាពមួយក្នុងកម្រិត B2 ដូចគ្នាកាលពីឆ្នាំមុន ប៉ុន្តែ កំណើនសេដ្ឋកិច្ចរបស់ប្រទេសនេះមានពីរពិន្ទុទាបជាងការព្យាកររបស់ខ្លួនកាលពីឆ្នាំមុនខណៈដែលអ្នកជំនាញបាននិយាយថា ការរក្សាបាននូវចំណាត់ថ្នាក់នេះបានឆ្លុះបញ្ចាំងពីការអភិវឌ្ឍរបស់ប្រទេសនាពេលបច្ចុប្បន្ន។ យោងតាមសេចក្តីប្រកាសកាលពីថ្ងៃព្រហស្បតិ៍ របស់ទីភ្នាក់ងារ Moody បានឲ្យដឹងថា ស្ថានភាពនៃកម្រិតបំណុលរបស់រដ្ឋាភិបាលកម្ពុជា គឺស្ថិតក្នុងកម្រិត B2 ដដែលដូចឆ្នាំមុន ដោយវាត្រូវបានគាំទ្រដោយភាពរឹងមាំ សកម្មភាពកំណើនស្ថិរភាព និងបំណុលរដ្ឋាភិបាលតិចតួចរបស់ខ្លួន។ ...
ម៉ៃ គុណមករា
http://bit.ly/2btle52
ការផ្តល់កម្ចីនៅគ្រឹះស្ថានមីក្រូហិរញ្ញវត្ថុ កើនឡើងជាង ៣០%
ទំហំកម្ចី និងបញ្ញើក្នុងវិស័យមីក្រូហិរញ្ញវត្ថុកម្ពុជានៅតែបន្តកើនឡើងខ្លាំងគិតត្រឹមឆមាសទីមួយឆ្នាំនេះ។ នេះបើតាមទិន្នន័យផ្លូវការពីសមាគមគ្រឹះស្ថានមីក្រូហិរញ្ញវត្ថុកម្ពុជា (CMA)។ ប៉ុន្តែវិស័យនេះក៏កំពុងប្រឈមនឹងហានិភ័យខ្ពស់ជាងមុនផងដែរខណៈទំហំកម្ចីដែលអតិថិជនមិនបានសងត្រឡប់បានកើនឡើងដល់កម្រិតមិនធ្លាប់មាន។ ...
ហ៊ គឹមសាយ
http://bit.ly/2bSdRE9
អ្នកវិនិយោគឥណ្ឌា មើលឃើញកម្ពុជា ជាច្រកទ្វារបើកទៅរកអាស៊ាន
ចំនួនវិនិយោគឥណ្ឌានៅកម្ពុជារំពឹងថានឹងកើនឡើងនៅពេលខាងមុខស្របពេលដែលអ្នកវិនិយោគឥណ្ឌាសម្លឹងឃើញទីតាំងភូមិសាស្ត្រប្រទេសកម្ពុជា អំណោយផល ជាច្រកទ្វារបើកនាំផលិតផលទៅតំបន់អាស៊ាន ទាំងមូល។ នៅក្នុងក្រសែភ្នែកបណ្តាអ្នកវិនិយោគឥណ្ឌា កម្ពុជាកំពុងបង្ហាញពីឱកាសជាទីផ្សារបើកទៅរកតំបន់អាស៊ាន។នេះបើយោងតាមអគ្គរដ្ឋទូតឥណ្ឌា ប្រចាំនៅកម្ពុជា លោក Naveen Srivastava ថ្លែងកាលពីថ្ងៃពុធ។ លោកថា កម្ពុជា មានសក្ដានុពលច្រើន ក្នុងការទាក់ទាញអ្នកវិនិយោគ ដូចជាអ្នកវិនិយោគទុនឥណ្ឌា ជាដើម។ ...
ជា វណ្ណៈ
http://bit.ly/2bMclET
OPIC និងផ្តល់កម្ចី $១២៥ លានដល់អេស៊ីលីដាសម្រាប់ SME
ធនាគារអេស៊ីលីដាបានឲ្យដឹងនៅក្នុងសេចក្ដីប្រកាសព័ត៌មានកាលពីម្សិលមិញថាសាជីវកម្មវិនិយោគឯកជនក្រៅប្រទេស ( OPIC) ដែលជាគ្រឹះស្ថានហិរញ្ញវត្ថុអភិវឌ្ឍន៍របស់រដ្ឋាភិបាលអាមេរិកបានចុះហត្ថលេខាលើលិខិតប្ដេជ្ញាចិត្តក្នុងការផ្តល់កម្ចី ១២៥ លានដុល្លារដល់ធនាគារអេស៊ីលីដាដើម្បីគាំទ្រដល់វិស័យទាំងអស់តាមរយៈមីក្រូសហគ្រាស និងសហគ្រាសធុនតូច និងមធ្យម (SME)។ ...
Phnom Penh Post
http://bit.ly/2bi9inQ
CSX និងដាក់ឲ្យប្រតិបត្តិការស្តីពីការផ្តល់សន្ទនីយភាពមូលបត្រ
ក្រុមហ៊ុនផ្សារមូលបត្រកម្ពុជា (CSX) នឹងចាប់ផ្តើមទទួលពាក្យស្នើសុំធ្វើជាសមាជិកផ្តល់សន្ទនីយភាពពីសមាជិករបស់ CSX ដើម្បីជួយជំរុញសន្ទនីយភាពជួញដូរនៅលើទីផ្សារ។ នេះបើតាមសេចក្តីប្រកាសព័ត៌មានរបស់ផ្សារហ៊ុនកាលពីថ្ងៃម្សិលមិញ។ ...
Phnom Penh Post
http://bit.ly/2bQYdcS
វិនិយោគិនគាំទ្រហិរញ្ញវត្ថុ កាន់តែច្រើនស្វែងរកឱកាសនៅកម្ពុជា
ពីរខែចាប់តាំងពីក្រុមវិនិយោគិនគាំទ្រហិរញ្ញវត្ថុ (angel investors) បានមកទីក្រុងភ្នំពេញដើម្បីស្វែងរកឱកាសចាប់ផ្តើមការវិនិយោគអង្គការដែលនៅពីក្រោយការផ្តួចផ្តើមគំនិតនេះ និងរៀបចំបេសកកម្មស្វែងរកដ៏ធំមិនធ្លាប់មានដើម្បីស្វែងរកឱកាសវិនិយោគនៅកម្ពុជា។ ...
Kali Kotoski
http://bit.ly/2bF40R8
គិតត្រឹមខែមិថុនាទ្រព្យសកម្មនៅក្នុងប្រព័ន្ធធនាគារកម្ពុជាបច្ចុប្បន្នកើនដល់ ២៥.៦ ពាន់លានដុល្លារអាមេរិក
ទ្រព្យសកម្មនៅក្នុងប្រព័ន្ធធនាគារ និងគ្រឹះស្ថានហិរញ្ញវត្ថុកម្ពុជាបច្ចុប្បន្នបានកើនឡើងដល់ ២៥.៦ ពាន់លានដុល្លារអាមេរិកគិតត្រឹមខែមិថុនា ឆ្នាំ ២០១៦ ដែលជាកំណើន ២៣.៣ ភាគរយក្នុងរយៈពេល១២ខែចុងក្រោយនេះ នេះបើយោងតាមរបាយការណ៍ពីរឆ្នាំម្តងរបស់ធនាគារជាតិកម្ពុជា ឬធនាគារកណ្តាល កាលពីថ្ងៃអង្គារ។ ...
ស៊ិនហ័រ
http://www.shanghaidaily.com/article/article_xinhua.aspx?id=332556
ធនាគារជាតិ ត្រៀមទទួលការវាយតម្លៃលើការប្រឆាំងការសម្អាតប្រាក់
ធនាគារជាតិនៃកម្ពុជា បានបើកកិច្ចប្រជុំត្រៀមទទួលការវាយតម្លៃអញ្ញមញ្ញ (រៀបចំជាមុន) លើកទី២លើការប្រឆាំងការសម្អាតប្រាក់ និងហិរញ្ញប្បទានភេរវកម្មពីក្រុមប្រទេសអាស៊ីប៉ាស៊ីហ្វិក (APG) ដែលនឹងត្រូវធ្វើឡើងនៅចុងឆ្នាំនេះ។ កិច្ចប្រជុំនេះរៀបចំឡើងដោយអង្គភាពស៊ើបការណ៍ហិរញ្ញវត្ថុកម្ពុជា សហការជាមួយក្រុមប្រទេសអាស៊ីប៉ាស៊ីហ្វិក ក្នុងគោលបំណងពិភាក្សាអំពីដំណើរនៃការប្រឆាំងការសម្អាតប្រាក់និងហិរញ្ញប្បទានភេរវកម្មនៅប្រទេសកម្ពុជា។ កិច្ចប្រជុំត្រៀមវាយតម្លៃអញ្ញមញ្ញនឹងពិភាក្សាពីការពង្រឹងក្របខ័ណ្ឌគតិយុត្តិ និងយន្តការអនុវត្តច្បាប់ទៅលើការសម្អាតប្រាក់ និងហិរញ្ញប្បទានភេរវកម្ម និងផ្តល់រាល់ព័ត៌មានដល់ APG ដើម្បីឲ្យការវាយតម្លៃទទួលបានជោគជ័យនៅចុងឆ្នាំនេះ។ លោក ជា ចាន់តូ ទេសាភិបាលធនាគារជាតិនៃកម្ពុជា និងជាប្រធានគណៈកម្មការសម្របសម្រួលថ្នាក់ជាតិប្រឆាំងការសម្អាតប្រាក់ និងហិរញ្ញប្បទានភេរវកម្ម បានឲ្យដឹងថា កម្ពុជា បានទទួលការវាយតម្លៃពី APG ម្តងរួចមកហើយកាលពីឆ្នាំ២០០៧ ដែលពេលនោះកម្ពុជា ទទួលបានលទ្ធផលមិនល្អ ដោយសារតែកម្ពុជា ខ្វះខាតនូវប្រព័ន្ធច្បាប់ បទប្បញ្ញត្តិ និងយន្តការនៃការអនុវត្តច្បាប់ប្រឆាំងការសម្អាតប្រាក់ និងហិរញ្ញប្បទានភេរវកម្ម។ លោកទេសាភិបាលបញ្ជាក់ថា រដ្ឋាភិបាល នឹងបន្តសហការជាមួយស្ថាប័នអន្តរជាតិជាលក្ខណៈទ្វេភាគីក្តី ពហុភាគីក្តីក្នុងប្រឆាំងការសម្អាតប្រាក់ និងហិរញ្ញប្បទានភេរវកម្ម។ ...
សុខ ចាន់
http://bit.ly/2blgsGX
របាយការណ៍ហិរញ្ញវត្ថុ PPSEZ បង្ហាញពីការធ្លាក់ចុះ
តំបន់សេដ្ឋកិច្ចពិសេសភ្នំពេញដែលជាក្រុមហ៊ុនចុះបញ្ជីក្នុងផ្សារហ៊ុនកម្ពុជាចុងក្រោយគេគិតមកដល់ពេលនេះទើបតែបានចេញផ្សាយរបាយការណ៍សវនកម្មឆ្នាំ ២០១៥ និងហិរញ្ញវត្ថុពាក់កណ្ដាលឆ្នាំ ២០១៦ ពីម្សិលមិញដែលបង្ហាញពីការធ្លាក់ចុះទាំងប្រាក់ចំណេញ និងចំណូល។ ...
Kali Kotoski
http://bit.ly/2bwBIrP