ODC English Site

នៅថ្ងៃទី២៧ ខែកក្កដា ឆ្នាំ២០២៥ ស្ថានទូតសហរដ្ឋអាមេរិកនៅកម្ពុជា បានចេញសេចក្តីថ្លែងការណ៍ស្តីពីកិច្ចពិភាក្សាកម្រិតខ្ពស់អំពីកម្ពុជា និងថៃ។ប្រទេសកម្ពុជា និងថៃ គ្រោងនឹងចាប់ផ្តើមការចរចាកម្រិតខ្ពស់ នៅក្នុងប្រទេសម៉ាឡេស៊ី ក្នុងពេលដ៏ខ្លីខាងមុខនេះ ដែលជាក្តីសង្ឃឹមក្នុងសម្រេចបាននូវបទឈប់បាញ់ជាបន្ទាន់។ មន្ត្រីក្រសួងការបរទេសសហរដ្ឋអាមេរិក កំពុងមានវត្តមាននៅប្រទេសម៉ាឡេស៊ី ដើម្បីជួយសម្រួលដល់កិច្ចខិតខំប្រឹងប្រែងស្វែងរកសន្តិភាពនេះ។ ទាំងលោកប្រធានាធិបតី Trump និងខ្ញុំ នៅតែភ្ជាប់ទំនាក់ទំនង ជាមួយសមភាគីនៃប្រទេសទាំងពីរ និងកំពុងតាមដានស្ថានការណ៍នេះយ៉ាងយកចិត្តទុកដាក់បំផុត។ យើងចង់ឱ្យជម្លោះនេះបញ្ចប់ឱ្យបានឆាប់តាមតាមតែអាចធ្វើទៅបាន។ ...

នៅថ្ងៃទី២៦ ខែកក្កដា ឆ្នាំ២០២៥ អាជ្ញាធរជាតិព្រះវិហារ បានចេញសេចក្តីប្រកាសព័ត៌មានស្តីពីការរួចផុតគ្រោះថ្នាក់របស់បុគ្គលិកអាជ្ញាធរជាតិព្រះវិហារចំនួន ៤៥ រូប ដែលជាប់គាំងនៅលើប្រាសាទព្រះវិហារ។បុគ្គលិកអាជ្ញាធរជាតិព្រះវិហារ ជាពលករភ្នាក់ងារទេសចរណ៍ កម្មករបរិស្ថាន និងសន្តិសុខសណ្តាប់ធ្នាប់ចំនួន ៤៥រូប បានជាប់នៅលើភ្នំប្រាសាទព្រះវិហារអំឡុងពេលបំពេញការងារប្រចាំថ្ងៃ ដោយសារការវាយប្រហាររបស់កងកម្លាំងប្រដាប់អាវុធថៃដោយប្រើប្រាស់កាំភ្លើងប្លោងធុនធ្ងន់ និងការទម្លាក់គ្រាប់បែកដោយយន្តហោះ F-16 នៅប្រាសាទព្រះវិហារនិងបរិវេណជុំវិញចាប់តាំងពីម៉ោង ៩:០០ នាទីព្រឹក ថ្ងៃទី២៤ ខែកក្កដា ឆ្នាំ២០២៥។ ...

កាលពីថ្ងៃទី២៦ ខែកក្កដា ឆ្នាំ២០២៥ ស្ថានទូតម៉ាឡេស៊ីប្រចាំកម្ពុជាបានចេញសេចក្តីថ្លែងការណ៍ស្តីពីជម្លោះព្រំដែនថៃ-កម្ពុជា។ប្រទេសម៉ាឡេស៊ីក្នុងឋានៈជាប្រធានអាស៊ានឆ្នាំ២០២៥ មានការព្រួយបារម្ភយ៉ាងខ្លាំងចំពោះការកើនឡើងរវាងព្រះរាជាណាចក្រថៃ និងព្រះរាជាណាចក្រកម្ពុជា ដែលបណ្តាលឱ្យមានការកើនឡើងនៃគ្រោះថ្នាក់ទាំងសងខាង និងការបំផ្លិចបំផ្លាញទ្រព្យសម្បត្តិសាធារណៈ ក៏ដូចជាការផ្លាស់ទីលំនៅរបស់ប្រជាជនមួយចំនួនធំនៅតាមតំបន់ព្រំដែន។ ...

នៅថ្ងៃទី២៥ ខែកក្កដា ឆ្នាំ២០២៥ ក្រុមប្រឹក្សាអភិវឌ្ឍន៍កម្ពុជា បានចេញសេចក្តីថ្លែងការណ៍ស្តីពីការថ្កោលទោសដាច់អហង្ការចំពោះទង្វើឈ្លានពានដោយខុសច្បាប់ដែលបង្កឡើងដោយកងកម្លាំងប្រដាប់អាវុធរបស់យោធាថៃ។ក្រុមប្រឹក្សាអភិវឌ្ឍន៍កម្ពុជា ប្រកាសថ្កោលទោសដាច់អហង្ការចំពោះទង្វើឈ្លានពានដោយខុសច្បាប់ដែលបង្កឡើងដោយកងកម្លាំងប្រដាប់អាវុធរបស់យោធាថៃ ដោយបើកការវាយប្រហារដោយចេតនា និងគិតទុកជាមុនលើទីតាំងឈរជើងរបស់កងទ័ពកម្ពុជានៅតាមបណ្តោយព្រំដែន ក្នុងភូមិសាស្រ្តខេត្តឧត្តរមានជ័យ និងខេត្តព្រះវិហារ កាលពីថ្ងៃទី២៤ ខែកក្កដា ឆ្នាំ២០២៥។ ...

នៅថ្ងៃទី២៥ ខែកក្កដា ឆ្នាំ២០២៥ ស្ថានទូតជប៉ុននៅកម្ពុជា បានចេញសេចក្តីប្រកាសព័ត៌មានស្តីពីកិច្ចសន្ទនាតាមទូរសព្ទរវាងរដ្ឋមន្រ្តីការបរទេសជប៉ុន និងកម្ពុជា។នៅថ្ងៃទី២៥ ខែកក្កដា វេលាម៉ោង ២:២០នាទីរសៀល（ម៉ោងនៅប្រទេសជប៉ុន） ប្រមាណជា ២៥នាទី ឯកឧត្តម អ៊ីវ៉ាយ៉ា តាកេស៊ី រដ្ឋមន្ត្រីការបរទេសជប៉ុន បានសន្ទនាតាមទូរសព្ទជាមួយ ឯកឧត្តមឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិ នៃប្រទេសកម្ពុជា។សេចក្តីសង្ខេបនៃកិច្ចសន្ទនាមាន៖ ១. ជាការចាប់ផ្តើម ឯកឧត្តមរដ្ឋមន្ត្រី អ៊ីវ៉ាយ៉ា បានបង្ហាញកង្វល់យ៉ាងខ្លាំងរបស់ប្រទេសជប៉ុន ចំពោះការប៉ះទង្គិចរវាងយោធានៃប្រទេសកម្ពុជា និងថៃដែលកំពុងកើតឡើង ។ ឯកឧត្តមបានអំពាវនាវឱ្យប្រទេសកម្ពុជា និងថៃអនុវត្តការអត់ធ្មត់ជាអតិបរមា និងបានបង្ហាញក្តីសង្ឃឹមយ៉ាងមុតមាំថាភាពតានតឹងរវាងប្រទេសទាំងពីរនឹងត្រូវបានបន្ធូរបន្ថយ ដោយសន្តិវិធីតាមរយៈការសន្ទនា។ ២. ជាការឆ្លើយតប ឯកឧត្តមឧបនាយករដ្ឋមន្ត្រី ប្រាក់ សុខុន បានពន្យល់ពីគោលជំហររបស់កម្ពុជានិងបង្ហាញពីបំណងក្នុងការដោះស្រាយស្ថានការណ៍ឱ្យវិលទៅរកភាពប្រក្រតីឡើងវិញឱ្យបានឆាប់។ ...

នៅ​ថ្ងៃ​ទី​២៥ ខែ​កក្កដា ឆ្នាំ​២០២៥ រាជរដ្ឋាភិបាលកម្ពុជាបាន​ចេញ​សេចក្តី​ថ្លែងការណ៍​មួយ​នៅ​ក្រុមប្រឹក្សា​សន្តិសុខ​ជម្លោះ​ព្រំដែន​កម្ពុជា-ថៃ។កម្ពុជាបានដាក់សេចក្តីថ្លែងការណ៍ផ្លូវការមួយទៅកាន់ក្រុមប្រឹក្សាសន្តិសុខអង្គការសហប្រជាជាតិ នៅថ្ងៃទី២៥ ខែកក្កដា ឆ្នាំ ២០២៥ ដោយចោទប្រកាន់ប្រទេសថៃពីបទឈ្លានពានយោធាឆ្លងព្រំដែន ដែលបណ្តាលឱ្យមានជនស៊ីវិល និងខូចខាតហេដ្ឋារចនាសម្ព័ន្ធ ខណៈអំពាវនាវឱ្យមានការអន្តរាគមន៍ និងការពិភាក្សាពីអន្តរជាតិ។ ...

នៅថ្ងៃទី២៤ ខែកក្កដា ឆ្នាំ២០២៥ រដ្ឋសភា បានចេញសេចក្តីថ្លែងការស្តីពីហេតុការណ៍នៅតំបន់ព្រំដែនកម្ពុជា-ថៃ។នៅព្រឹកថ្ងៃទី២៤ ខែកក្កដា ឆ្នាំ២០២៥​ ដែលកងកម្លាំងប្រដាប់អាវុធថៃ បានបើកការវាយប្រហារដោយមានមូលហេតុឈ្លានពាន គិតទុកជាមុន និងដោយចេតនា មកលើទីតាំងឈរជើងរបស់កម្ពុជានៅតាមតំបន់ព្រំដែន រួមទាំង ប្រាសាទតាមាន់ធំ ប្រាសាទតាក្របី តំបន់មុំបី និងតំបន់ផ្សេងៗទៀតនៅក្នុងខេត្តឧត្តរមានជ័យ និងខេត្តព្រះវិហារ។ ...

នៅថ្ងៃទី២៤ ខែកក្កដា ឆ្នាំ២០២៥ ស្ថានទូតសហរដ្ឋអាមេរិកនៅកម្ពុជា បានចេញសេចក្តីប្រកាសព៍ត៌មានស្តីពីជម្លោះព្រំដែន ថៃ-កម្ពុជា។សហរដ្ឋអាមេរិកមានការព្រួយបារម្ភយ៉ាងខ្លាំងចំពោះរបាយការណ៍អំពីការបង្កើនការប្រយុទ្ធតាមព្រំដែនថៃ-កម្ពុជា។ យើងមានការកង្វល់យ៉ាងខ្លាំងចំពោះសេចក្តីរាយការណ៍មក អំពីការប៉ះពាល់ដល់ជនស៊ីវិលស្លូតត្រង់។ យើងសូមថ្លែងសមានទុក្ខ យ៉ាងជ្រាលជ្រៅចំពោះការបាត់បង់ជីវិតមនុស្ស។ យើងសូមអំពាវនាវយ៉ាងទទូច ឱ្យមានការបញ្ឈប់ការវាយប្រហារភ្លាមៗការការពារជនស៊ីវិល និងការដោះស្រាយជម្លោះដោយសន្តិវិធី។ ...

នៅថ្ងៃទី២៤​ ខែកក្កដា ឆ្នាំ២០២៥ ស្ថានទូតជប៉ុននៅកម្ពុជា បានចេញសេចក្តីថ្លែងការណ៍ស្តីពីការប៉ះទង្គិចរវាងយោធានៃប្រទេសកម្ពុជា និងថៃ។ប្រទេសជប៉ុនមានកង្វល់យ៉ាងខ្លាំងចំពោះការប៉ះទង្គិចរវាងយោធានៃប្រទេសកម្ពុជា និងថៃ ដែលបានផ្ទុះឡើងនៅថ្ងៃទី២៤ ខែកក្កដា។​ ចាប់តាំងពីការប៉ះទង្គិចបានផ្ទុះឡើងនៅពីថ្ងៃទី២៨ ខែឧសភា ភាពតានតឹងរវាងប្រទេសទាំងពីរបានបន្ត រួមទាំងមានការរឹតបន្តឹងលើការចេញចូលនៃមនុស្សនិងទំនិញនៅតាមព្រំដែន ហើយប្រទេសជប៉ុនបាននិងកំពុងធ្វើការទំនាក់ទំនងជាមួយប្រទេសទាំងពីរ ដើម្បីបន្ធូរបន្ថយភាពតានតឹង។ ទំនាក់ទំនងល្អរវាងប្រទេសកម្ពុជា និងថៃមានសារៈសំខាន់ខ្លាំងណាស់សម្រាប់សន្តិភាព និងស្ថិរភាពក្នុងតំបន់។ ប្រទេសជប៉ុនសូមអំពាវនាវឱ្យប្រទេសកម្ពុជា និងថៃអនុវត្តការអត់ធ្មត់ជាអតិបរមា ហើយសង្ឃឹមយ៉ាងមុតមាំថាភាពតានតឹងរវាងប្រទេសទាំងពីរនឹងត្រូវបានដោះស្រាយ ដោយសន្តិវិធីតាមរយៈការសន្ទនា។ ...

សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា បានចេញលិខិតផ្ញើជូន ឯកឧត្តម Asim Iftikhar Ahmad ឯកអគ្គរដ្ឋទូតតំណាងអចិន្ត្រៃយ៍នៃប្រទេសប៉ាគីស្ថាន ប្រចាំអង្គការសហប្រជាជាតិ និងជាប្រធានប្តូរវេននៃក្រុមប្រឹក្សាសន្តិសុខអង្គការសហប្រជាជាតិសម្រាប់ខែកក្កដា ឆ្នាំ២០២៥។ចាប់តាំងពីព្រឹកព្រលឹមថ្ងៃទី២៤ ខែកក្កដា ឆ្នាំ២០២៥ កងកម្លាំងប្រដាប់អាវុធថៃបានបើកការវាយប្រហារដោយមានការគិតទុកជាមុន និងចេតនាបង្កហេតុ មកលើទីតាំងរបស់កម្ពុជាតាមបណ្តោយតំបន់ព្រំដែន រួមមានតំបន់ប្រាសាទតាមាន់ធំ ប្រាសាទតាក្របី តំបន់មុំបី ដែលស្ថិតក្នុងខេត្តព្រះវិហារ និងខេត្តឧត្តរមានជ័យ។ ...

នៅថ្ងៃទី២៤ ខែកក្កដា ឆ្នាំ២០២៥ ក្រសួងការបរទេស និងសហប្រតិបត្តិការអន្តរជាតិ បានចេញសេចក្ដីថ្លែងការណ៍ស្តីពីកម្ពុជាថ្កោលទោសការឈ្លានពានរបស់ថៃ។ចាប់តាំងពីថ្ងៃទី២៤ ខែកក្កដា ឆ្នាំ២០២៥ កងកម្លាំងប្រដាប់អាវុធថៃបានបើកការវាយប្រហារដោយគ្មានមូលហេតុ គិតទុកជាមុន និងដោយចេតនា មកលើទីតាំងឈរជើងរបស់កម្ពុជានៅតាមព្រំដែន រួមទាំងប្រាសាទតាមាន់ធំ ប្រាសាទតាក្របី និងមុំបីក្នុងខេត្តព្រះវិហារ និងខេត្តឧត្តរមានជ័យ។ ...

ក្រុមហ៊ុន Xingtai Shunhe Biotechnology Co., Ltd. បាន​បង្ហាញឆន្ទៈក្នុង​ការ​​វិនិយោគ និងពង្រឹងកិច្ចសហប្រតិបត្តិការក្នុងវិស័យថាមពល(ប្រេងឥន្ធនៈពីអេតាណុល)ជាមួយប្រទេសកម្ពុជា ខណៈ​បច្ចុប្បន្ន​ក្រុមហ៊ុន​នេះ​មានស្ថានីយប្រេងឥន្ទនៈផ្ទាល់ខ្លួនជាង ៧០ នៅក្នុង​ប្រទេសចិន។ ...

យុវជនកម្ពុជាសម្ដែងក្ដីបារម្ភកាន់តែខ្លាំងឡើងថា ការបំពេញកាតព្វកិច្ចយោធានឹងធ្វើឱ្យបញ្ហាហិរញ្ញវត្ថុរបស់ពួកគេកាន់តែដុនដាប ខណៈដែលប្រទេសនេះត្រៀមដាក់ឱ្យអនុវត្តច្បាប់កាតព្វកិច្ចយោធានៅឆ្នាំ២០២៦ខាងមុខ។ ...

បទល្មើសធនធានធម្មជាតិ ដែលត្រូវបានបង្រ្កាប នៅក្នុងឆមាសទី១ ឆ្នាំ២០២៥ មានចំនួន ៩៨៦ករណី ក្នុងនោះមានអន្ទាក់ជាង១ម៉ឺនខ្សែ។ បើធៀបទៅនឹងរយៈពេលដូចគ្នាកាលពីឆ្នាំ២០២៤ បទល្មើសមានការថយចុះចំនួន ៣៦៨ករណី ឬ២៧ភាគរយ។ នេះបើយោងតាមក្រសួងបរិស្ថាននៅថ្ងៃពុធ ទី២៣ ខែកក្កដានេះ។ ...

លោកស្រី​ ម៉ាលី សុជាតា អនុរដ្ឋលេខាធិការ និងជាអ្នកនាំពាក្យក្រសួងការពារជាតិ ប្រកាសច្រានចោលទាំងស្រុងការចោទប្រកាន់ ដោយគ្មានមូលដ្ឋានរបស់ភាគីថៃមកលើកម្ពុជា ពាក់ព័ន្ធនឹងការរងរបួសរបស់ទាហានថៃដោយសារការផ្ទុះគ្រាប់មីន ភូមិអានសេះ ឃុំជាំក្សាន្ត ស្រុកជាំក្សាន្ត ខេត្តព្រះវិហារ ព្រះរាជាណាចក្រកម្ពុជា នៅថ្ងៃទី២៣ ខែកក្កដា ឆ្នាំ២០២៥។ ...

ចំណាត់​ការ​ដ៏​សកម្ម​​របស់​អាជ្ញាធរចំពោះ​ការ​​បង្រ្កាប​អំពើឆបោកតាមអនឡាញ ឬហៅថា Online scam នា​រយៈ​ពេលចុង​ក្រោយ​នេះ​​ កំពុងផ្តល់​ថាម​ពល​ថ្មី​បន្ថែម​ទៀតសម្រាប់​កម្ពុជា​ក្នុង​ការ​ទាក់​ទាញ​អ្នក​វិនិយោគ និង​​​ភ្ញៀវ​ទេសចរ​បរទេស​ឱ្យ​ធ្វើ​ដំណើរមក​កម្ពុជា​កាន់​តែ​ច្រើន។​ នេះ​បើ​តាម​អ្នក ...

របាយការណ៍ថ្មីមួយចេញផ្សាយដោយគម្រោងការចូលរួមរបស់ពលរដ្ឋដើម្បីយុត្តិធម៌បរិស្ថានសម្រាប់ទាំងអស់គ្នា (CEEJA) ស្តីពីការឃ្លាំមើលព្រៃឈើបានបង្ហាញថា កម្ពុជាបានបាត់បង់គម្របព្រៃឈើចំនួន ១២០ ៨២៩ហិកតានៅក្នុងឆ្នាំ២០២៣ ដែលជិតពាក់កណ្តាលនៃការបាត់បង់នេះកើតឡើងនៅក្នុងតំបន់ការពារ។ ក្រសួងបរិស្ថានបានច្រានចោលការរកឃើញនៃរបាយការណ៍នេះ។ ...

និយ័តករមូលបត្រកម្ពុជា​(ន.ម.ក.) ដោយ​មាន​កិច្ច​សហការជាមួយស្ថានទូត​អូស្ត្រាលី បានរៀបចំសិក្ខាសាលា​ស្តីពី​៖​«​ការ​ផ្សព្វផ្សាយ​ប្រកាស​​ជាសាធារណៈអំពីការដាក់ឱ្យអនុវត្ត​ប្រកាសស្ដីពីការបោះផ្សាយលក់សញ្ញាបណ្ណហេដ្ឋារចនាសម្ព័ន្ធ និងគោលការណ៍ណែនាំស្ដីពីទ្រព្យសកម្មមានលក្ខណសម្បត្តិគ្រប់គ្រាន់ ដែលត្រូវបានប្រើប្រាស់សម្រាប់ការបោះផ្សាយលក់សញ្ញាបណ្ណហេដ្ឋារចនាសម្ព័ន្ធ»។ ...

ជន​សង្ស័យ​និង​អ្នក​ពាក់​ព័ន្ធ​​ជាង ៣០០០​នាក់​ហើយ​ ត្រូវ​បាន​ឃាត់​ខ្លួនពាក់​ព័ន្ធ​នឹង​​បទ​ល្មើស​ឆបោក​តាម​អនឡាញ ក្នុងកិច្ច​ប្រឹងប្រែង​បោស​សម្អាត​ក្រុម​ឆបោក​តាម​អនឡាញ (online scam) របស់​សមត្ថកិច្ច​និង​អាជ្ញាធរ​ចម្រុះ ដោយ​នៅ​ថ្ងៃទី២២​ កក្កដា ជន​ពាក់​ព័ន្ធ​ជិត ១៣០នាក់​ ​ត្រូវ​បាន​រក​ឃើញ​នៅ ...

នៅពេលដែល​កិច្ចប្រជុំ​កំពូល​ប្រព័ន្ធ​ផ្សព្វផ្សាយ​អាស៊ី​លើក​ទី ២០ (AMS 2025) បានចាប់ផ្តើម​នៅ​ខេត្តសៀមរាប នៅ​ថ្ងៃទី ២២ ខែកក្កដា ​ដឹកនាំ​ប្រព័ន្ធ​ផ្សព្វផ្សាយ​ទូទាំង​តំបន់​អាស៊ី​ប៉ាស៊ីហ្វិក​​ ​ពង្រឹង​​ការផ្តល់​សិទ្ធិអំណាច​ដល់​ពលរដ្ឋ​ជាមួយនឹង​ព័ត៌មានពិត​ ក្នុង​សម័យ​ជោរជន់​ដោយ​​ព័ត៌មាន​មិន​ពិត ព័ត៌មាន​ក្លែងក្លាយ និង​ការកើនឡើង​នៃ​បញ្ញា​សិប្ប​និមិត្ត​​​។ ...

ប្រជាក​សិក​រស​ហគម​ន៍កសិកម្ម​ទំ​នើប​ ដំណាំ​ស្រូវ​បា​រាយណ៍​តាំង​គោក ខេត្តកំពង់ធំ បានជ្រើស​ដាំពូជស្រូវ​សែន​ក្រអូប០១ ដែលធ្វើឱ្យពួកគាត់​បាន​ចំណេ​ញ​ច្រើន​ជា​ងអ្ន​ក​ដាំ​ស្រូ​វ​អូអឹម ជាង១លានរៀលក្នុង១ហិចតា។ ...

ព្រះករុណាព្រះបាទសម្តេចព្រះបរមនាថ នរោត្តម សីហមុនី បានចេញព្រះរាជក្រមប្រកាសឱ្យប្រើច្បាប់ធម្មនុញ្ញស្តីពីវិសោធនកម្មមាត្រា៣៣នៃរដ្ឋធម្មនុញ្ញកាលពីថ្ងៃទី១៥ ខែកក្កដា ដែលច្បាប់នេះអនុញ្ញាតឱ្យមានការដកសញ្ជាតិខ្មែរ តាមការកំណត់ក្នុងច្បាប់។ ព្រះរាជក្រមនេះ ត្រូវបានព្រះមហាក្សត្រឡាយព្រះហត្ថលេខាមួយថ្ងៃក្រោយព្រឹទ្ធសភាបានអនុម័តវិសោធនកម្មនេះ។ ...

កម្ពុជា​នឹង​​លើក​ប្រធានបទព័ត៌មានក្លែងក្លាយ បំផ្លើស​ និង​បំភ្លៃ ខណៈ​រដ្ឋមន្ដ្រី​ក្រសួង​ព័ត៌មាន​កម្ពុជាក៏​ឆ្លៀត​​សំដៅ​​ទៅលើ​ការ​ផ្សព្វ​ផ្សាយរបស់​ប្រព័ន្ធ​សារព័ត៌មានថៃ​​ប្រាកចាក​ការពិត​ដើម្បី​បំភាន់​ពិភពលោក ក្នុង​កិច្ចប្រជុំ​កំពូលប្រព័ន្ធផ្សព្វផ្សាយអាស៊ី លើកទី២០ និងកិច្ចប្រជុំពាក់ព័ន្ធ The 20th AMS 2025 នៅថ្ងៃទី​២២ ខែកក្កដា​ស្អែកនេះ​។ ...

លំហាត់សមយុទ្ធឆ្លើយតបគ្រោះអាសន្នមហន្តរាយ ថ្នាក់តំបន់អាស៊ាន សម្រាប់ឆ្នាំ ២០២៥ (ARDEX-25) ដែលកម្ពុជាធ្វើជាម្ចាស់ផ្ទះ នឹងចាប់ផ្តើមនៅថ្ងៃអង្គារ ទី២២ ខែកក្កដា ស្អែកនេះ ដើម្បីធ្វើតេស្តសាកល្បង និងវាយតម្លៃយន្តការត្រៀមបង្ការ និងឆ្លើយតបសង្គ្រោះបន្ទាន់គ្រោះមហន្តរាយរបស់អាស៊ាន។ ...