មន្ត្រីមូលដ្ឋានឲ្យប្រជាពលរដ្ឋគូសសន្លឹកឆ្នោតសាកល្បងសម្រាប់ CPP
អ្នកបោះឆ្នោតនៅក្នុងខេត្តយ៉ាងតិចចំនួនពីរ បានលើកឡើងកាលពីម្សិលមិញថា មន្ត្រីមូលដ្ឋាន បានធ្វើដំណើរពីផ្ទះមួយទៅផ្ទះមួយស្នើឲ្យ ប្រជាពលរដ្ឋគូស និងបោះឆ្នោតគាំទ្រគណបក្សប្រជា ជនកម្ពុជារបស់លោកនាយករដ្ឋមន្ត្រី ហ៊ុន សែន នៅលើ សន្លឹកឆ្នោតសាកល្បង ដែលពួកគេអះអាងថា ជាការ ហាត់សមសម្រាប់ការបោះឆ្នោតជាតិនាថ្ងៃទី២៨ ខែកក្កដា។ បណ្តាអ្នកឃ្លាំមើលការបោះឆ្នោត និងសមាជិកសភា មកពីគណបក្សប្រឆាំងបានលើកឡើងថា សកម្មភាព របស់មន្ត្រីមូលដ្ឋានគឺជាការគំរាមកំហែង ហើយក៏ ជាការបំពានច្បាប់បោះឆ្នោតដែរ ដែលគួរតែ ធានាឲ្យបានថា មន្ត្រីរដ្ឋាភិបាលដែលភាគច្រើនជា សមាជិករបស់គណបក្សប្រជាជនកម្ពុជារក្សាអព្យា ក្រឹតភាព។ មន្ត្រីមួយរូបមកពីគណៈកម្មាធិការជាតិរៀប ចំការបោះឆ្នោត មិនបានឯកភាពឡើយ ដោយលើកឡើង ថា ការឲ្យគូសលើសន្លឹកឆ្នោតសាកល្បងនេះ វាគ្មានអ្វី លើសពីការហាត់សមអ្នកបោះឆ្នោតឡើយ។… លោកស្រី ទេព សមុនី មេឃុំគោកព្រីងបានលើកឡើងថា លោកស្រីមាន សន្លឹកឆ្នោតសាកល្បង១.០០០សន្លឹកសម្រាប់បង្រៀនអ្នក បោះឆ្នោតដែលគាំទ្រគណបក្សប្រជាជនកម្ពុជា ប៉ុន្តែ លោកស្រីបានបដិសេធការអះអាងដែលថា ប្រជាពល រដ្ឋនៅក្នុងពិធីនេះត្រូវបានបង្គាប់ឲ្យគូស ឬក៏អាជ្ញាធរមូលដ្ឋានបានសហការជាមួយសកម្មជនបក្ស ប្រជាជនកម្ពុជាដើម្បីធ្វើរឿងនេះ។… លោក ទេព នីថា អគ្គលេខាធិការគណៈកម្មាធិការជាតិរៀបចំ ការបោះឆ្នោតបានលើកឡើងថា គ្មានអ្វីខុសទេដែល អាជ្ញាធរមូលដ្ឋានអមដំណើរសកម្មជនបក្សទៅបង្រៀន អ្នកបោះឆ្នោតឲ្យចេះគូសលើសន្លឹកឆ្នោតសាកល្បង នោះ។ លោក ទេព នីថា ក៏មានប្រសាសន៍ដែរថា លោកមិនបានឃើញ អ្វីខុសនោះទេ ចំពោះការគូសលើសន្លឹកឆ្នោតសាក ល្បងដែលប្រជាពលរដ្ឋបានតវ៉ាកាលពីម្សិលមិញ នោះ។ លោកបានថ្លែងថា “ ខ្ញុំមិនដឹងថា តើវាដាក់សម្ពាធ លើប្រជាពលរដ្ឋយ៉ាងម៉េចទេ។ ពួកគេទៅដើម្បីទាក់ ទាញអ្នកគាំទ្រ និងបង្ហាញប្រជាពលរដ្ឋឲ្យពីរបៀប គូសលើសន្លឹកឆ្នោតឲ្យបានត្រឹមត្រូវ”។…
Khuon Narim and Zsombor Peter
http://www.cambodiadailykhmer.com/news/2198/
