បក្សសង្គ្រោះជាតិព្រមានធ្វើបាតុកម្មទូទាំងប្រទេស
ភ្នំពេញៈ លោក សម រង្ស៊ី ប្រធានគណបក្សសង្គ្រោះជាតិ បានថ្លែងកាលពីម្សិលមិញថា បាតុកម្មធំទូទាំងប្រទេសនឹងជាជម្រើសចុងក្រោយសម្រាប់គណបក្សប្រឆាំង ប្រសិនបើគ្មានការបំពេញតាមសំណើបង្កើតគណៈកម្មការចម្រុះដើម្បី ពិនិត្យភាពមិនប្រក្រតីនៃការបោះឆ្នោតទេនោះ។
វីដេអូដែលបានបង្ហោះនៅលើគេហទំព័រ ដែលមានសម្ព័ន្ធនឹងគណបក្សប្រឆាំង កាលពីយប់មិញ បានបង្ហាញលោក សម រង្ស៊ី និងលោក កឹម សុខា បានប្រាប់អ្នកគាំទ្រនៅការិយាល័យរបស់ខ្លួន ក្នុងខណ្ឌ មានជ័យថា គណៈកម្មាធិការជាតិរៀបចំការបោះឆ្នោតត្រូវតែកែតម្រូវកំហុសនៃការ បោះឆ្នោតកាលថ្ងៃអាទិត្យ បើមិនដូច្នោះទេប្រជាជននឹងធ្វើបាតុកម្ម។
លោកថ្លែងថា៖ «ពិភពលោកដឹងថា គណបក្សសង្គ្រោះជាតិឈ្នះ។ នៅពេលអ្នកត្រឡប់ទៅផ្ទះវិញ សូមប្រើ ហ្វេសប៊ុក ប្រាប់យុវជន និងប្រជាជនខ្មែរទាំងមូលថា យើងនឹងធ្វើបាតុកម្មធំ»។…
http://www.postkhmer.com/index.php/national/1-national-news/101612-2013-07-31-03-23-04
