អ្នកគាំទ្រគណបក្សប្រឆាំងប្តេជ្ញាមិនទទួលយកការសម្រុះសម្រួលណាមួយ
ខណៈគណបក្សសង្គ្រោះជាតិ និងគណបក្សប្រជាជនកម្ពុជា បានចរចា គ្នាអស់រយៈពេលពីរថ្ងៃក្នុងបំណងបញ្ចប់ភាពជាប់គាំង ជុំវិញជម្លោះនៅក្នុងការបោះឆ្នោតជាតិកាលពីខែកក្កដានោះ អ្នកគាំទ្រ បក្សប្រឆាំងនៅរាជធានីភ្នំពេញ កាលពីម្សិលមិញ បានបញ្ជាក់ថា ពួកគេមិនអាចទទួលយកអ្វីក្រៅពីឲ្យគណបក្សប្រ ជាជនកម្ពុជាកំពុងកាន់អំណាចយល់ព្រមធ្វើតាមការទាមទាររបស់គណបក្ស សង្គ្រោះជាតិទាំងស្រុងឡើយ។ រដ្ឋសភាជាតិនឹងកោះប្រជុំដោយព្រះមហាក្សត្រ នរោត្ដម សីហមុនី នៅថ្ងៃច័ន្ទ ហើយមេដឹកនាំគណបក្សប្រឆាំង លោក សម រង្ស៊ី និង លោក កឹម សុខា បានប្រាប់ប្រជាពលរដ្ឋនៅថ្ងៃ បញ្ចប់នៃការធ្វើបាតុកម្មរយៈពេលបីថ្ងៃ នៅទីលានប្រជាធិបតេយ្យ កាលពីថ្ងៃអង្គារថា ខ្លួននឹងធ្វើបាតុកម្មបន្តទៀត ប្រសិនបើមិនបានទទួលការសន្យាចូលរួមក្នុង កិច្ចចរចាបន្តទៀតទេនោះ។ លោក យឹម សុវណ្ណ អ្នកនាំពាក្យ គណបក្សសង្គ្រោះជាតិ ក៏បានមានប្រសាសន៍កាលពីថ្ងៃអង្គារផង ដែរថា គណបក្សសង្គ្រោះជាតិមានពេល “ប្រាំថ្ងៃដើម្បីធ្វើការសម្រេច ” ថា តើត្រូវធ្វើតាមការគំរាមធ្វើពហិការមិនចូលរួមបើក សម័យប្រជុំសភាលើកដំបូងឬសម្រេចកិច្ចព្រមព្រៀងជាមួយ បក្សប្រជាជនកម្ពុជា ហើយចូលរួមប្រជុំ។ …
Phorn Bopha and Alex Willemyns
http://www.cambodiadailykhmer.com/news/5580/
