អនុស្សរណៈចំនួន ៤ ត្រូវបានចុះហត្ថលេខារវាងប្រទេស កម្ពុជា-ហ្វីលីពីន
ក្នុងដំណើរទស្សនកិច្ចផ្លូវការរបស់ប្រធានាធិបតីហ្វីលីពីនមកកម្ពុជាចាប់ពីថ្ងៃទី ១៣ ដល់ ១៤ ខែធ្នូដែលអមដំណើរដោយកីឡាករប្រដាល់ល្បីឈ្មោះរបស់ហ្វីលីពីនលោក ម៉ានី ប៉ាក់គីអៅ ផងនោះកម្ពុជា-ហ្វីលីពីន បានចុះហត្ថលេខាលើអនុស្សរណៈចំនួនបួនទាក់ទងនឹងកិច្ចសហប្រតិបត្តិការក្នុងការប្រយុទ្ធប្រឆាំងឧក្រិដ្ឋកម្មឆ្លងដែនកិច្ចសហប្រតិបត្តិការលើវិស័យកីឡាការងារ និងទេសចរណ៍។ ប្រធានាធិបតីហ្វីលីពីនលោក រ៉ូ្រឌីហ្គោ ឌូតឺតេ (Rodrigo Duterte) ព្រមជាមួយនឹងលោក ប៉ាក់គីអៅ បានមកដល់កម្ពុជាកាលពីល្ងាចថ្ងៃទី ១៣ ខែធ្នូ។ លុះដល់ព្រឹកថ្ងៃទី ១៤ ខែធ្នូ ឆ្នាំ ២០១៦ វេលាម៉ោងប្រមាណជា ១០ និង ៣០ នាទីលោកប្រធានាធិបតីហ្វីលីពីនបានចូលគាល់ព្រះមហាក្សត្រខ្មែរព្រះបាទ បរមនាថ នរោត្តម សីហមុនី។ នៅព្រឹកថ្ងៃដដែលនោះលោកឌូតឺតេ និងគណៈប្រតិភូក៏បានចូលគោរពវិញ្ញាណក្ខន្ធព្រះមហាវីរក្សត្រ នរោត្តម សីហនុ និងដាក់កម្រងផ្កានៅវិមានឯករាជ្យផងដែរ។ …
ទូច សុខា
http://bit.ly/2gCVuUE
