អ្នកឆ្លងអេដស៍នៅភូមិរកាស្លាប់ជាបន្តបន្ទាប់
អ្នកឆ្លងមេរោគអេដស៍នៅក្នុងភូមិរកា ឃុំរកា ស្រុកសង្កែ កំពុងតែសោកសៅ កាន់តែខ្លាំងនៅក្នុងរយៈពេល ៣ ខែចុងក្រោយមកនេះ ដោយសារតែមនុស្សវ័យចំណាស់ ចាប់ផ្តើមស្លាប់ជាបន្តបន្ទាប់និងមួយចំនួនកំពុងតែធ្លាក់ខ្លួនឈឺ។ … កាលពី ថ្ងៃទី៩ មករា កន្លងមកក្រសួងសុខាភិបាល អង្គការសុខភាពពិភពលោក និងអង្គការ យូអិនអេដស៍ បានចេញសេចក្តីប្រកាសព័ត៌មានរួមថា លទ្ធផលនៃការសិក្សាស្រាវជ្រាវរកប្រភពនៃការឆ្លងមេរោគអេដស៍ ដែលរួមបញ្ចូលទាំងការសិក្សាលើករណីឆ្លង និងមិនឆ្លងមេរោគអេដស៍ បង្ហាញថា អ្នកឆ្លងមេរោគអេដស៍ដែលបានចាក់ថ្នាំនិងចាក់សេរ៉ូម មានកម្រិតខ្ពស់ជាងអ្នកមិនឆ្លងមេរោគអេដស៍។ កាលពី ថ្ងៃទី២២ ខែធ្នូ គ្រូពេទ្យឯកជនម្នាក់ក្នុងភូមិលោក យ៉ែម ជ្រិន ដែល ជាប់ពាក់ព័ន្ធនឹងករណីចម្លងជំងឺអេដស៍ទៅមនុស្សជាងមួយរយនាក់ក្នុងភូមិរកា ត្រូវបានសាលាដំបូងខេត្តសម្រេចឃុំខ្លួនក្នុងពន្ធនាគារដោយចោទប្រកាន់ចំនួនបីបទល្មើសដែលអាចផ្តន្ទាទោសដាក់ពន្ធនាគារអស់មួយជីវិត។ លោក ស៊ីម យុទ្ធាសា ប្រធានក្រុមមកជួយនៅមណ្ឌលសុខភាពភូមិរកា ដែលមកពីមន្ទីរពេទ្យបង្អែក ខេត្តបាត់ដំបង បានថ្លែងថា រហូតមកទល់ពេលនេះ ពលរដ្ឋផ្ទុកមេរោគអេសដ៍មានចំនួនជាង ២០០ នាក់ រាប់ទាំងមនុស្សចាស់និងកុមារ ហើយអ្នកស្លាប់មានចំនួន ៦ នាក់។ …
ម៉ៃ ទិត្យថារ៉ា និង Alice Cuddy
http://bit.ly/1FMsaUn
