GMAC ថាឆ្នាំថ្មីកម្មករអាចរកចំណូលសរុបរហូត $២៥០
នៅក្នុងសេចក្តីថ្លែងការណ៍មួយចេញនាសប្តាហ៍នេះ សមាគមរោងចក្រកាត់ដេរនៅកម្ពុជា (GMAC) បានអះអាងថា តាមរយៈប្រាក់ឈ្នួលអប្បបរមាថ្មី កម្មករម្នាក់អាចរកចំណូលបានរហូតដល់ ២៥០ ដុល្លារក្នុងមួយខែ ប៉ុន្តែអ្នកខ្លះថា តួលេខប៉ាន់ប្រមាណនេះគឺជាការបំប៉ោងយ៉ាងខ្លាំង។ ក្រសួងការងារកាលសប្តាហ៍មុន បានអនុម័តកំណត់ប្រាក់ឈ្នួលអប្បបរមាចំនួន ១២៨ ដុល្លារក្នុង ១ ខែ សម្រាប់វិស័យកាត់ដេរកម្ពុជា ដោយមិនរួមបញ្ចូលប្រាក់អត្ថប្រយោជន៍ដទៃទៀតដែលតម្រូវដោយច្បាប់ដូចជា ប្រាក់សោហ៊ុយធ្វើដំណើរនិងថ្លៃស្នាក់នៅ ប្រាក់រង្វាន់ការងារទៀងទាត់ ប្រាក់អតីតភាពការងារនិងប្រាក់ថ្លៃបាយពេលថែមម៉ោង។ ប្រាក់ឈ្នួលអប្បបរមាក្នុងវិស័យកាត់ដេរនាពេលបច្ចុប្បន្នមានចំនួន ១០០ ដុល្លារក្នុង ១ ខែ រហូតដល់ ខែមករា ឆ្នាំ២០១៥ ទើបប្រាក់ឈ្នួលថ្មី ១២៨ ដុល្លារចូលជាធរមាន។ …
មុំ គន្ធា និង Sean Teehan
http://bit.ly/1t9FMQz
