លោក អាត់ ធន់ បង់ប្រាក់ធានានៅក្រៅឃុំទាំងបង្ខំចិត្ត
លោក អាត់ ធន់ ប្រធានសម្ព័ន្ធសហជីពប្រជាធិបតេយ្យកម្មករកាត់ដេរកម្ពុជា (CCAWDU) ឲ្យដឹងម្សិលមិញថា លោកនិងមេធាវីត្រៀមដាក់ពាក្យប្តឹងប្រឆាំងនឹងការសម្រេចរបស់តុលាការក្រុងភ្នំពេញដែលបានបង្គាប់លោកបង់ប្រាក់ ២ ម៉ឺន ៥ ពាន់ដុល្លារដើម្បីធានាឲ្យបាននៅក្រៅឃុំលើការចោទប្រកាន់ទាក់ទងនឹងការញុះញង់កម្មករឲ្យធ្វើបាតុកម្មនៅរោងចក្រ អេសអិល។ លោកថ្លែងថា៖ «ការសម្រេចនេះ យើងមិនពេញចិត្ត យើងបានរៀបចំបណ្តឹងទៅឧទ្ធរណ៍ប្រឆាំងនឹងការសម្រេចនេះឲ្យដកសេចក្តីសម្រេចនេះចោល។ យើងក៏កំពុងជំរុញឲ្យមានការដកចោលទាំងស្រុងលើបទចោទនេះ»។ ការប្រកាសនេះ បានធ្វើឡើងកាលពីម្សិលមិញក្រោយពេលដែលលោកបានចំណាយពេលជាង ២ ម៉ោងកន្លះនៅក្នុងបន្ទប់ចៅក្រមធ្វើការប្រគល់ថវិកាចំនួន ២ ម៉ឺន ៥ ពាន់ដុល្លារមានជាប្រាក់ខ្មែរ និងដុល្លារគ្រប់ចំនួនដាក់ក្នុងថង់ប្លាសិ្ទកថ្លាចំនួនពីរថង់ប្រគល់ជូននៅចំពោះមុខចៅក្រម ជា សុខហ៊ាង ដើម្បីធានារូបលោកផ្ទាល់។ លោកបាននិយាយថា ថវិកានេះបានគ្រប់ចំនួនតបតាមការបង្គាប់ គឺបានមកពីកម្មកររោងចក្រកាត់ដេរជាសមាជិកសហជីព ស៊ីខៅឌូ ដែលមានប្រមាណ ៧ ម៉ឺននាក់ និងកម្មករមិនមែនសមាជិកព្រមទាំងបានពីសប្បុរសជននានាទាំងក្នុង និងក្រៅប្រទេស។ …
ឆាយ ច័ន្ទនីដា
http://postkhmer.com/national/1-national-news/114229-2014-05-13-03-18-48
