កម្ពុជា-ថៃ បើកច្រកចេញចូលតែមួយ ចំនួនបីសម្រាប់ពលករទៅថៃ
ខណៈការដឹកបញ្ជូនពលករខុសច្បាប់ខ្មែរមកវិញយ៉ាងគំហុកពី ប្រទេសថៃ រហូតដល់រាប់ម៉ឺននាក់ក្នុង ខែមិថុនា នេះ ប្រទេសកម្ពុជា និង ថៃ បានព្រមព្រៀងគ្នាបង្កើតច្រកចេញចូលតែមួយចំនួនបីនាពេលខាងមុខនេះ ដោយដាក់សាកល្បងនៅច្រក ប៉ោយប៉ែត ខេត្តបន្ទាយមានជ័យ ដើម្បីសម្រួលដល់ការធ្វើលិខិតបទដ្ឋានតាមផ្លូវច្បាប់ដល់ពលករចំណាកស្រុកដែលមានបំណងធ្វើការនៅ ប្រទេសថៃ។ ច្រកព្រំដែនទាំងបីមានក្នុង ខេត្តកោះកុង ខេត្តប៉ៃលិន និង ខេត្តបន្ទាយមានជ័យ ដែលមានច្រកអន្តរជាតិ ប៉ោយប៉ែត ដ៏ធំជាប់ជាមួយ ប្រទេសថៃ ដែលបានបញ្ជូនពលករខ្មែរមក ប្រទេសកម្ពុជា វិញគិតទល់ពេលនេះមានចំនួនជាង ២១ ម៉ឺននាក់។ នេះបើតាមការឲ្យដឹងពីលោក សេង សក្តា អគ្គនាយកការងារនៃក្រសួងការងារនិងបណ្តុះបណ្តាលវិជ្ជាជីវៈកាលពីម្សិលមិញ។ …
ឆាយ ច័ន្ទនីដា
http://bit.ly/1pqpgwj
