លោក ហ៊ុន សែន ព្រមានដកយកដីសម្បទានពីក្រុមហ៊ុនធ្វើខុសកិច្ចសន្យា
លោកនាយករដ្ឋមន្ត្រី ហ៊ុន សែន បានព្រមានជាសាធារណៈទៅដល់ក្រុមហ៊ុនទាំងឡាយដែលទទួលបានដីសម្បទានសេដ្ឋកិច្ចថា នឹងលុបចោលកិច្ចសន្យាសម្បទានដីសេដ្ឋកិច្ចចំពោះក្រុមហ៊ុនណាដែលបំពានកិច្ចសន្យាធ្ងន់ធ្ងរ ដោយបង្វែរដីនោះទៅប្រើប្រាស់ជាដីសម្បទានសង្គមកិច្ចដែលរដ្ឋាភិបាលកំពុងតែត្រូវការដើម្បីផ្តល់ដល់គ្រួសារយោធិនពិការនិងពលី។ ថ្លែងនៅក្នុងពិធីបូកសរុបការងារកសិកម្ម រុក្ខាប្រមាញ់ និងនេសាទប្រចាំ ឆ្នាំ២០១២-២០១៣ និងទិសដៅ ឆ្នាំ២០១៣-២០១៤ នៅឯទីស្តីការក្រសួងកាលពីថ្ងៃ ទី២៨ ខែមីនា លោកនាយករដ្ឋមន្ត្រី ហ៊ុន សែន បានថ្លែងថា ក្រសួង សេដ្ឋកិច្ចនិងហិរញ្ញវត្ថុ ត្រូវបន្តចុះផ្ទៀងផ្ទាត់ជាប្រចាំនូវសកម្មភាពវិនិយោគរបស់ក្រុមហ៊ុននានា ដែលបានទទួលដីសម្បទានដើម្បីធានាដល់កិច្ចដំណើរការវិនិយោគទប់ស្កាត់នូវភាពអសកម្មផ្សេងៗដែលអាចកើតមានទាក់ទងនឹងដីសម្បទាននេះរួមទាំងការបង់ថ្លៃសម្បទានដីនិងកម្រៃសួយសារផ្សេងៗជូនរដ្ឋតាមកិច្ចសន្យា។ …
ម៉ៃ ទិត្យថារ៉ា
http://postkhmer.com/national/1-national-news/112603-2014-03-31-03-35-55
