សង្គមស៊ីវិល៖ការប្រកាសលទ្ធផលដោយគ.ជ.ប.មុនមានដំណោះស្រាយអាចនាំឲ្យមានការរំជើបរំជួល
វ៉ាស៊ីនតោន — ក្រុមអង្គការសង្គមស៊ីវិលខកចិត្តនឹងការប្រកាសលទ្ធផលឆ្នោតរបស់ គ.ជ.ប.ដោយបារម្ភអំពីភាពរំជើបរំជួលដោយសារតែគ្មានដំណោះស្រាយរវាង ភាគីទាំងពីរទាក់ទងនឹងភាពមិនប្រក្រតីនៃការបោះឆ្នោត។ ពីរដ្ឋធានីវ៉ាស៊ីនតោន លោកសុខ ខេមរានៃវីអូអេរាយការណ៍ថា ក្រុមសង្គមស៊ីវិលនិងអ្នកសង្កេតការណ៍ឯករាជ្យលើកឡើងថា នៅពេលការចរចាកំពុងដំណើរការមិនគួរមានការប្រកាសលទ្ធផលបោះឆ្នោត ដំបូងដែលនាំឲ្យមានភាពតានតឹងនយោបាយទេ។ មន្ត្រីសង្គមស៊ីវិលនិងអ្នកឃ្លាំមើលការបោះឆ្នោតអះអាងថា ការប្រកាសលទ្ធផលបោះឆ្នោតជាផ្លូវការដំបូងរបស់គណៈកម្មាធិការជាតិ រៀបចំការបោះឆ្នោត(គ.ជ.ប.)នឹងនាំឲ្យមានកំដៅនយោបាយកាន់តែរីកឡើង ក្នុងចំណោមអ្នកមិនបានបោះឆ្នោត នៅពេលដែលបញ្ហាស៊ើបអង្កេតអំពីភាពមិនប្រក្រតីមិនទាន់ត្រូវបាន ដោះស្រាយ ហើយការចរចាបង្កើតគណៈកម្មការឯករាជ្យមួយកំពុងដំណើរការទៅមុខ មិនទាន់សម្រេចបាននៅឡើយ។…
