អគ្គនាយកដ្ឋានពន្ធដារ៖ សេចក្តីជូនដំណឹងស្តីពីការពន្យារពេលបង់ពន្ធលើអចលនទ្រព្យឆ្នាំ២០២៥ រហូតដល់ថ្ងៃទី៣១ ខែធ្នូ
នៅថ្ងៃទី៩ ខែតុលា ឆ្នាំ២០២៥ អគ្គនាយកដ្ឋានពន្ធដារ (អ.ព.ដ) បានចេញសេចក្តីជូនដំណឹងស្តីពីការពន្យារពេលសម្រាប់ការបង់ពន្ធលើអចលនទ្រព្យសម្រាប់ឆ្នាំ២០២៥ រហូតដល់ថ្ងៃទី៣១ ខែធ្នូ ឆ្នាំ២០២៥។ ការពន្យារពេលនេះត្រូវបានអនុញ្ញាត ដោយសារម្ចាស់អចលនទ្រព្យជាច្រើននៅមិនទាន់បានបំពេញកាតព្វកិច្ចចុះបញ្ជីអចលនទ្រព្យ ធ្វើបច្ចុប្បន្នភាពព័ត៌មាន ឬបង់ពន្ធសម្រាប់ឆ្នាំនេះនៅឡើយ។ អគ្គនាយកដ្ឋានពន្ធដារសូមជំរុញដល់ម្ចាស់អចលនទ្រព្យទាំងអស់ ដែលមិនទាន់បានចុះបញ្ជី ឬបង់ពន្ធ សូមរួសរាន់បំពេញកិច្ចការទាំងនេះត្រឹមដំណាច់ពេលកំណត់ថ្មីនេះ នៅសាខាពន្ធដារខេត្ត-ខណ្ឌដែលអចលនទ្រព្យស្ថិតនៅ ឬនៅគ្រប់សាខាធនាគារពាណិជ្ជដែលបានចុះអនុស្សរណៈនៃការយោគយល់គ្នាជាមួយក្រសួងសេដ្ឋកិច្ច និងហិរញ្ញវត្ថុ។
អគ្គនាយកដ្ឋានពន្ធដារ
