លទ្ធផលនៃពិធីចុះហត្ថលេខាលើសេចក្តីថ្លែងការណ៍រួមទីក្រុងគូឡាឡាំពួ
ក្រសួងការបរទេស និងសហប្រតិបត្តិការអន្តរជាតិនៃព្រះរាជាណាចក្រកម្ពុជា បានចេញផ្សាយសេចក្តីប្រកាសព័ត៌មានលម្អិតអំពីការចុះហត្ថលេខាលើ សេចក្តីថ្លែងការណ៍រួមទីក្រុងគូឡាឡាំពួ រវាង សម្តេចធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា និង ឯកឧត្តម Anutin Charnvirakul នាយករដ្ឋមន្ត្រីនៃព្រះរាជាណាចក្រថៃ កាលពីថ្ងៃទី២៦ ខែតុលា ឆ្នាំ២០២៥។
ពិធីនេះត្រូវបានធ្វើឡើងដោយមានការចូលរួមធ្វើជាសាក្សីពី ឯកឧត្តម Donald J. Trump ប្រធានាធិបតីសហរដ្ឋអាម៉េរិក និង ឯកឧត្តម Dato’ Seri Anwar Ibrahim នាយករដ្ឋមន្ត្រីម៉ាឡេស៊ី ដែលជាប្រធានដឹកនាំព្រឹត្តិការណ៍នេះផងដែរ។ សម្តេចធិបតី ហ៊ុន ម៉ាណែត បានថ្លែងអំណរគុណដល់មេដឹកនាំទាំងពីរ ដោយបានលើកឡើងជាពិសេសពី «ភាពជាអ្នកដឹកនាំដ៏ម៉ឹងម៉ាត់» របស់ឯកឧត្តមប្រធានាធិបតី Donald J. Trump ក្នុងការសម្រេចបាននូវសន្តិភាពជានិរន្តន៍។ កម្ពុជាបានប្តេជ្ញាចិត្តក្នុងការអនុវត្តសេចក្តីថ្លែងការណ៍រួមនេះយ៉ាងពេញលេញ និងអំពាវនាវឱ្យមាន ការដោះលែងទាហានកម្ពុជាទាំង ១៨ នាក់ ដោយបន្ទាន់ក្រោមហេតុផលមនុស្សធម៌។ ដើម្បីឆ្លើយតបនឹងការដឹងគុណរបស់ប្រជាជនកម្ពុជា សម្តេចធិបតី ហ៊ុន ម៉ាណែត បានប្រកាសស្នើបេក្ខភាព ការតែងតាំងឯកឧត្តមប្រធានាធិបតី Donald J. Trump សម្រាប់ពានរង្វាន់ណូបែលសន្តិភាព។
ក្រសួងការបរទេស និងសហប្រតិបត្តិការអន្តរជាតិ
