សេចក្តីប្រកាសព័ត៌មាន៖ អគ្គស្នងការដ្ឋាននគរបាលជាតិកម្ពុជាចាត់តាំងសមាសភាពនាយនគរបាលជាន់ខ្ពស់ដើម្បីប្រយុទ្ធប្រឆាំងបទល្មើសឆ្លងដែនជាមួយនគរបាលភូមិន្ទថៃ
អគ្គស្នងការដ្ឋាននគរបាលជាតិ បានចេញសេចក្តីប្រកាសព័ត៌មានដល់សាធារណជន អ្នកសារព័ត៌មានជាតិ និងអន្តរជាតិជ្រាបថា កាលពីថ្ងៃទី៣១ ខែតុលា ឆ្នាំ២០២៥ អគ្គស្នងការដ្ឋាននគរបាលជាតិ នៃក្រសួងមហាផ្ទៃ បានសម្រេចចាត់តាំងសមាសភាពនាយនគរបាលជាន់ខ្ពស់ចំនួន ១២រូប ដឹកនាំដោយអគ្គស្នងការរងនគរបាលជាតិ ០១រូប ដើម្បីចូលរួមអនុវត្តផែនការសកម្មភាព សម្រាប់កិច្ចសហប្រតិបត្តិការលើការទប់ស្កាត់ និងបង្ក្រាបបទល្មើសឆ្លងដែន រួមទាំងការឆបោកតាមប្រព័ន្ធបច្ចេកវិទ្យា និងការជួញដូរមនុស្ស រវាងនគរបាលជាតិកម្ពុជា និងនគរបាលភូមិន្ទថៃ ដែលបានចុះហត្ថលេខារួមគ្នាកាលពីថ្ងៃទី២៣ ខែតុលា ឆ្នាំ២០២៥។
អគ្គស្នងការដ្ឋាននគរបាលជាតិ
