ការស្ទាបស្ទង់រកឃើញថា អ្នកបោះឆ្នោតត្រូវការព័ត៌មានបន្ថែមជាចាំបាច់ មុនពេលបោះឆ្នោត
យោងតាមលទ្ធផលនៃការស្ទាបស្ទង់មួយធ្វើ ឡើងដោយមូលនិធិអន្តរជាតិសម្រាប់ប្រព័ន្ធបោះឆ្នោត ហៅកាត់ថា IFES ដែលមានមូលដ្ឋាននៅក្រុងវ៉ាស៊ីនតោន បានឲ្យដឹងថា ប្រជាពលរដ្ឋកម្ពុជា តែ១៥ភាគ រយប៉ុណ្ណោះដែលស្គាល់គណៈកម្មាធិការជាតិរៀបចំការ បោះឆ្នោត ហៅកាត់ថា គ.ជ.ប. និង៨៥ភាគរយជឿថា គណបក្សនយោបាយគួរតែលាតត្រដាងហិរញ្ញវត្ថុ សម្រាប់ការធ្វើយុទ្ធនាការឃោសនារបស់ខ្លួន។ ការស្ទង់មតិដែលបានធ្វើឡើងកាលពីខែមេសានិង ខែឧសភា និងដែលត្រូវបានចេញផ្សាុយកាលពីថ្ងៃ សុក្រនេះ ផ្អែកលើបទសម្ភាសជាមួយប្រជាពលរដ្ឋគ្រប់ អាយុបោះឆ្នោតចំនួន១.៧៥២នាក់និងក្រុមគោលដៅ ចំនួន១០នៅក្នុងខេត្តចំនួនប្រាំ។ IFES បានលើកឡើងនៅក្នុងសេចក្តីថ្លែងការណ៍មួយថា “ លទ្ធផលនៃការស្ទាបស្ទង់បង្ហាញថា ប្រជាពល រដ្ឋកម្ពុជា ចាប់អារម្មណ៍លើដំណើរការបោះឆ្នោត ប៉ុន្តែ បានរាយការណ៍ថា ទទួលបានព័ត៌មានតិចតួចស្ដីពីដំណើរការនេះ ។ទិន្នន័យក៏បង្ហាញដែរថាប្រជាពលរដ្ឋកម្ពុជា មានការយល់ដឹងខ្លះៗអំពីការបោះឆ្នោត ប៉ុន្តែមួយចំនួនធំបង្ហាញថា ត្រូវការព័ត៌មានបន្ថែម”។ ការស្ទាបស្ទង់នេះបង្ហាញថា មួយផ្នែកដោយសារតែមានប្រជាជនពលរដ្ឋមួយ ចំនួនតូចប៉ុណ្ណោះ ដែលយល់ដឹងថា គណៈកម្មាធិការជាតិរៀបចំការបោះឆ្នោតជាអ្វី និងធ្វើកិច្ចការអ្វីខ្លះឲ្យប្រាកដ។…
Lauren Crothers
http://www.cambodiadailykhmer.com/latest/3083/
