គ.ជ.ប ដាក់វិធានសម្រាប់ដាក់បណ្តឹងជុំវិញការបោះឆ្នោត
ភ្នំពេញៈ គណៈកម្មាធិការជាតិរៀបចំការបោះឆ្នោត កាលពីម្សិលមិញ បានរៀបចំវិធានសម្រាប់ការដាក់បណ្តឹងពាក់ព័ន្ធនឹងការបោះឆ្នោត សម្រាប់គណបក្សនយោបាយនានាថា ពួកគេនឹងមានសិទ្ធិដល់១១:៣០ព្រឹកនៅថ្ងៃទី២៩ កក្កដាក្នុងការតវ៉ាលទ្ធផលបោះឆ្នោតមិនផ្លូវការទៅ គ.ជ.ប។
សមាជិក គ.ជ.ប លោក មាន សាទិ បានបង្ហាញពីប្រភេទនៃបណ្តឹងចំនួនពីរ គឺបណ្តឹងចោទប្រកាន់ទៅលើបុគ្គលឬគណបក្សពីករណីប្រព្រឹត្តខុសឆ្គង ដែលអ្នកដាក់បណ្តឹងមានពេលបីថ្ងៃចាប់ពីពេលកើតហេតុនោះ ដើម្បីប្តឹងទៅគណៈកម្មាធិការបោះឆ្នោតឃុំ សង្កាត់ និងបណ្តឹងមួយទៀតលើលទ្ធផលនៃការបោះឆ្នោតដែលអ្នកប្តឹងត្រូវតែ ដាក់បណ្តឹងនៅត្រឹមព្រឹកថ្ងៃបន្ទាប់នៃការបោះឆ្នោត។
លោក មាន សាទិ បានថ្លែងថា បណ្តឹងទៅលើមន្រ្តីបោះឆ្នោតអាចប្តឹងសាទុក្ខបានតែទៅ គ.ជ.ប ប៉ុន្តែ បណ្តឹងសាទុក្ខទៅលើអ្នកនយោបាយនិងគណបក្សនយោបាយ អាចប្តឹងគ្រប់វិធីទៅក្រុមប្រឹក្សាធម្មនុញ្ញ ប្រសិនបើបណ្តឹងទាំងនោះមិនអាចដោះស្រាយបានដោយគណៈកម្មាធិការ បោះឆ្នោតឃុំ សង្កាត់ គណៈកម្មាធិការបោះឆ្នោតខេត្ត ឬ គ.ជ.ប។
លោក មាន សាទិ បានថ្លែងថា៖ «បណ្តឹង[ទៅលើលទ្ធផល]ត្រូវតែដាក់យ៉ាងហោចត្រឹមម៉ោង១១ កន្លះព្រឹកបន្ទាប់ពីថ្ងៃបោះឆ្នោត។ ប្រសិនបើបណ្តឹងនោះមិនត្រូវបានដាក់ភ្លាមៗ នឹងត្រូវចាត់ទុកថាគ្មានបណ្តឹង»។ លោកបន្ថែមថា បើបណ្តឹងមិនអាចដោះស្រាយបានដោយគណៈកម្មាធិការបោះឆ្នោតឃុំ សង្កាត់ ក្នុងពេល ២ ថ្ងៃ វាបន្តទៅគណៈកម្មាធិការរៀបចំការបោះឆ្នោតខេត្ត បើមិនអាចដោះស្រាយមិនបានក្នុងរយៈពេល ៣ ថ្ងៃ វានឹងបន្តទៅ គ.ជ.ប។…
មាស សុខជា សែន ដាវិត
http://www.postkhmer.com/index.php/election-watch/101080-2013-07-19-05-41-25
