តុលាការខេត្តកំពង់ស្ពឺលើកយករឿងក្តីវិវាទដីធ្លីពាក់ព័ន្ធនឹងសមាជិកព្រឹទ្ធសភាម្នាក់មកជំនុំជម្រះ
តំណាងសហគមន៍ម្នាក់បាននិយាយថា សាលាដំបូងខេត្តកំពង់ស្ពឺ បានកោះហៅប្ដីប្រពន្ធពីរនាក់ដែលជាប់ចោទ ពីបទទន្ទ្រានយកដីដែលកាត់ចេញពីដីចម្ការរបស់លោក លី យ៉ុងផាត់ សមាជិកព្រឹទ្ធសភាមកពីគណបក្សប្រជាជនកម្ពុជា និងជាពាណិជ្ជករម្នាក់ មកជំនុំជម្រះ ហើយបានចេញដីកាចាប់ខ្លួនអ្នកភូមិជាង២០នាក់ទៀតកាលពីខែមុន ដែល ជាប់ ពាក់ព័ន្ធនឹងវិវាទដីធ្លីជាមួយឧកញ៉ាស្ករសនេះ។ អ្នកស្រី ឃឹម ស្រីពៅ និងប្ដីរបស់គាត់ឈ្មោះ ពុធ យឿន ត្រូវបានចោទប្រកាន់ពីបទកាន់កាប់ដីមួយក្បាលដោយខុសច្បាប់ដែល ស្ថិតនៅតាមបណ្ដោយផ្លូវលេខ៥២ ក្នុងឃុំអមលំាង ស្រុកថ្ពង ដែលធ្លាប់ជាកម្មសិទ្ធិរបស់ក្រុមហ៊ុនស្ករសភ្នំពេញ របស់លោក លី យ៉ុងផាត់។ ពួកគាត់ស្ថិតនៅក្នុងចំណោមអ្នកភូមិជាច្រើននាក់ដែលត្រូវបានចោទ ប្រកាន់ពីបទទន្ទ្រានយកដីដែលស្ថិតនៅតាមកំណាត់ផ្លូវនោះចាប់ តាំងពីឆ្នាំ២០១០មក។…
Kuch Naren
http://www.cambodiadailykhmer.com/news/8441/
