CNRP អំពាវនាវឲ្យផ្ទេរអំណាចបោះឆ្នោតឆ្នាំ ២០១៨ ខណៈបក្សប្រឆាំងមីយ៉ាន់ម៉ាឈ្នះឆ្នោត
មេដឹកនាំគណបក្សប្រឆាំងកាលពីម្សិលមិញបានអំពាវនាវឲ្យមានការផ្ទេរអំណាចដោយសន្តិវិធីនៅក្នុងការបោះឆ្នោតនៅកម្ពុជាឆ្នាំ ២០១៨ ខាងមុខបន្ទាប់ពីលទ្ធផលបឋមនៃការបោះឆ្នោតនៅក្នុងប្រទេសមីយ៉ាន់ម៉ាបានបង្ហាញថាគណបក្សប្រឆាំងរបស់លោកស្រី អ៊ុង សាន ស៊ូជី បានឈ្នះឆ្នោត។ ប៉ុន្តែគណបក្សប្រជាជនបានប្រតិកម្មថាគណបក្សប្រឆាំងនៅមីយ៉ាន់ម៉ាគឺខុសគ្នាស្រឡះពីបក្សប្រឆាំងនៅកម្ពុជាដែលគេមិនអាចយកមកប្រៀបធៀបគ្នាបានឡើយ។
លោក សម រង្ស៊ី ប្រធានគណបក្សសង្គ្រោះជាតិក៏បានអំពាវនាវឲ្យប្រទេសជប៉ុនដែលជាម្ចាស់ជំនួយធំបំផុតសម្រាប់កម្ពុជា និងសហគមន៍អន្តរជាតិដាក់សម្ពាធទៅលើលោកនាយករដ្ឋមន្រ្តី ហ៊ុន សែន ដើម្បីឲ្យបែរទៅរកច្រកចាកចេញពីអំណាចដោយសន្តិវិធី។
នៅចំពោះមុខអ្នកកាសែតនៅទីក្រុងតូក្យូ លោក សម រង្ស៊ី បានថ្លែងថាវាប្រាកដណាស់ដែលថាពីរបីឆ្នាំក្រោយ «យើងនឹងឃើញដំណើរវិវត្តន៍ដែលនឹងធ្វើឲ្យយើង នឹកឃើញអំពីអ្វីដែលបាននិងកំពុងកើតឡើងនៅក្នុងពិភពលោកជាពិសេសនាពេលថ្មីៗនេះក្នុងប្រទេសមីយ៉ាន់ម៉ា»។ …
មាស សុខជា និង AFP
http://bit.ly/1Y3F2xe
