កិច្ចប្រជុំភាគីពាក់ព័ន្ធស្តីពីទំព័រព័ត៌មានទិន្នន័យអំពីសម្បទានដីសង្គមកិច្ចនៅលើគេហទំព័រអូឌីស៊ី
នៅថ្ងៃទី ៣០ ខែ តុលា ឆ្នាំ ២០១៧ អង្គការទិន្នន័យអំពីការអភិវឌ្ឍ (ODC) ជាមួយនឹងងឧត្តមស្នងការអង្គការសហប្រជាជាតិទទួលបន្ទុកសិទ្ធិមនុស្ស (UNOHCHR) បានរៀបចំកិច្ចប្រជុំភាគីពាក់ព័ន្ធស្តីពី “ទំព័រព័ត៌មានទិន្នន័យអំពីសម្បទានដីសង្គមកិច្ចនៅលើគេហទំព័រអូឌីស៊ី” នៅភោជនីយដ្ឋានទន្លេបាសាក់២។ គោលបំណងនៃការរៀបចំកិច្ចប្រជុំនេះឡើង គឺដើម្បីពិភាក្សា និងផ្តល់យោបល់លើទិន្នន័យព្រាង សម្បទានដីសង្គមកិច្ច និងស្រទាប់ទិន្នន័យ ពិគ្រោះយោបល់ជាមួយភាគីពាក់ព័ន្ធលើការរចនាទំព័រសម្បទានដីសង្គមកិច្ច និងបង្កើនភាពងាយស្រួលសម្រាប់បង្ហាញទិន្នន័យ និងចែករំលែក ក៏ដូចជាធ្វើបច្ចុប្បន្នភាពព័ត៌មានអំពីសម្បទានដីសង្គមកិច្ច និងការអភិវឌ្ឍដែលទាក់ទងផ្សេងៗទៀត។ កិច្ចប្រជុំនេះ មានអ្នកចូលរួមពីសំណាក់អង្គការនានាដែលធ្វើការទាក់ទងនឹងវិស័យដីធ្លី និងគម្រោងសម្បទានដីសង្គមកិច្ច។
កិច្ចស្វាគមន៍ទៅកាន់អ្នកចូលរួមដោយលោក ធី ទ្រី នាយកប្រតិបត្តិនៃអង្គការទិន្នន័យអំពីការអភិវឌ្ឍ (អូឌីស៊ី)។
ការប្រកាសបើកកម្មវិធីដោយលោក ធី ទ្រី នាយកប្រតិបត្តិនៃអង្គការទិន្នន័យអំពីការអភិវឌ្ឍ (អូឌីស៊ី)។
អ្នកចូលរួមកំពុងធ្វើការណែនាំខ្លួនទៅវិញទៅមក។
ក្រុមការងារពិណ្ណាធីការរបស់អូឌីស៊ី កំពុងធ្វើបទបង្ហាញអំពីគេហទំព័រអង្គការទិន្នន័យអំពីការអភិវឌ្ឍទៅកាន់អ្នកចូលរួម។
ក្រុមការងារផ្នែកផែនទីរបស់អូឌីស៊ីកំពុងធ្វើការចុចបង្ហាញទំព័រព័ត៌មានទិន្នន័យអំពីដីសម្បទានសង្គមកិច្ចដល់អ្នកចូលរួម។
អ្នកចូលរួមទាំងអស់ត្រូវបានបែងចែកជាបីក្រុម ដើម្បីធ្វើការជាមួយគ្នា ផ្តល់មតិយោបល់ទាក់ទងនឹងបញ្ហានានាអំពីដីសម្បទានដីសង្គមកិច្ច។
អ្នកតំណាងតាមក្រុមនីមួយៗកំពុងធ្វើការបង្ហាញលទ្ធផលនៃកិច្ចពិភាក្សាទៅកាន់ក្រុមដទៃទៀត។
ក្រុមការងារអូឌីស៊ីកំពុងធ្វើការបូកសរុបកិច្ចពិភាក្សា។
