ទិន្នន័យ​បើក​ទូលាយ​ បេះដូង​បើក​ទូលាយ​

៣០​ មិថុនា​​ ជា​ថ្ងៃ​ចុង​ក្រោយ​ដែល​ខ្ញុំ​ហាត់​ការងារ​នៅ​អង្គការ​ទិន្នន័យ​អំពី​ការ​អភិវឌ្ឍ​ (​អូ​ឌី​ស៊ី​)

ស្វាគមន៍មកកាន់អូឌីស៊ី!

​​នៅ​ក្នុង​រយៈពេល​ ២​ខែ​នេះ​ ខ្ញុំ​បាន​ចូលរួម​នៅ​ក្នុង​គម្រោង​អំពី​ការ​បោះ​ឆ្នោត​ ដែល​ត្រូវ​បាន​​​បង្កើត​ឡើង​​ចំ​នឹង​ពេលវេលា​​​នៃ​ការ​បោះ​ឆ្នោត​ឃុំ​សង្កាត់​ ខែ​មិថុនា​ និង​ការ​បោះ​ឆ្នោតជាតិ​ ខែកក្កដា​ ឆ្នាំ​២០១៨​។​ បន្ទាប់​ពី​ការ​ពិភាក្សា​យ៉ាង​មាន​ផ្លែផ្កា​នៅ​ថ្ងៃ​ចាប់ផ្តើម​ការងារ​ដំបូង​របស់ខ្ញុំ​ជាមួយ​លោក ​ចាន់​ដា​រ៉ា​ ដែល​ជា​អ្នកគ្រប់គ្រង​របស់ខ្ញុំ​ ពួក​យើង​បាន​យល់​ស្រប​លើ​ទំហំ​ការងារ​របស់ខ្ញុំ​ ដែល​មាន​ដូច​ជា​៖​ (១)​ ពិនិត្យ​លើ​ទំព័រ​ “​ការ​បោះ​ឆ្នោត​”​ និង​លើក​ឡើងជា​យោបល់​ដើម្បី​កែ​លម្អ​លើ​ការ​ធ្វើ​ទិន្នន័យ​ទៅ​ជា​រូបភាព​មើលឃើញ​,​ (២)​ ស្រាវជ្រាវ​ និង​បង្កើត​មាតិកា​សម្រាប់​ទំព័រ​រង​ថ្មីនៅលើ​គេហទំព័រ​អូ​ឌី​ស៊ី​ស្តី​ពី​​គណបក្ស​នយោបាយ​ និង​អ្នកនយោបាយ​​​,​ (៣)​ រចនា​ទម្រង់​ទំព័រ​សម្រាប់​ទំព័រ​រង​ថ្មី​។​

​ស្រមៃ​ពី​អារម្មណ៍​រំភើប​របស់ខ្ញុំ​ក្នុង​នាម​ជា​និស្សិត​ផ្នែក​វិទ្យាសាស្ត្រ​នយោបាយ​!​ កាលពី​ក្នុង​ឆមាស​មុន​ ខ្ញុំ​បាន​ចូលរួម​វគ្គ​សិក្សាមួយ​​​​អំពី​គណបក្ស​នយោបាយ​ និង​ការ​បោះ​ឆ្នោត នៅ​ឯ​សាកលវិទ្យាល័យ​របស់ខ្ញុំ​​ ​ ​​ដែល​ជា​កន្លែង​​​ខ្ញុំ​បាន​រៀន​​សូត្រ​អំពី​ប្រភេទ​ផ្សេង​គ្នាៗ​ ​​នៃ​គណបក្ស​នយោបាយ​ និង​ប្រព័ន្ធ​បោះ​ឆ្នោត​។​ ការ​ហាត់​ការ​នៅ​អូ​ឌី​ស៊ី​បាន​ផ្តល់​ឱ្យ​ខ្ញុំ​នូវ​​ឱកាស​ដ៏​មាន​តម្លៃ​ ដើម្បី​យក​ទ្រឹស្តី​ដែល​ខ្ញុំ​បាន​សិក្សា​មក​អនុវត្តន៍​។​

​ក្រៅពី​ជំនាញ​ក្នុង​ការ​ស្រាវជ្រាវ​របស់ខ្ញុំ​ ការ​បង្កើត​ទំព័រ​រង​ថ្មី​មិនមែន​ជា​ការងារ​ដែល​ងាយស្រួល​ និង​ទៅ​ដោយ​រលូន​ប៉ុន្មាន​​នោះ​ទេ​។​ នៅ​ក្នុង​ការ​ធ្វើ​ដំណើរ​នេះ​ ខ្ញុំ​បាន​ទទួល​នូវ​មេរៀន​ដ៏​មាន​តម្លៃ​ជា​ច្រើន​។​ ទី​មួយ​ ខ្ញុំ​បានយល់ដឹង​ច្រើនជាងមុន​អំពី​សារៈសំខាន់​ក្នុង​បោះ​ជំហាន​ចេញពី​ស្ថានភាព​ដែល​មាន​អារម្មណ៍​ថា​មាន​សុវត្ថិភាព​និង​មិន​ចង់​ប្រឈម​នឹង​បញ្ហា​របស់ខ្ញុំ​ ដើម្បី​សាកល្បង​អ្វី​​ដែល​ថ្មី​។​ ខ្ញុំ​មិន​បាន​រំពឹង​ទេ​​ថា​ ខ្លួន​ខ្ញុំ​នឹង​បាន​ចូលរួម​នៅ​ក្នុង​ការងារ​រចនា​ទំព័រ​​​ ពីព្រោះ​ខ្ញុំ​គិត​ថា​ ខ្ញុំ​នឹង​ធ្វើ​ការងារ​ច្រើន​ ផ្តោត​​តែ​ទៅ​លើ​​កិច្ចការ​​​ស្រាវជ្រាវ​ ម្យ៉ាងវិញទៀត​ខ្ញុំ​មិន​មានចំនេះ​ជំនាញ​ច្រើន​ខាង​បច្ចេកវិទ្យា​ព័ត៌មានវិទ្យា​ ឬ​ទំនាក់ទំនង​ និង​ប្រព័ន្ធ​ផ្សព្វផ្សាយ​នោះ​ទេ​។​ យ៉ាងណាមិញ​ ខ្ញុំ​បាន​ក្តោប​យក​ឱកាស​ដែល​បាន​ផ្តល់​ឱ្យ​ខ្ញុំ​ ព្រោះ​ខ្ញុំ​ជឿជាក់​ថា​ មាតិកា​ និង​ការ​បង្ហាញ​អំពី​មាតិកា​ គឺ​ពិតជា​មាន​ទំនាក់ទំនង​គ្នា​យ៉ាង​ខ្លាំង​ ហើយ​មិន​គួរ​បែងចែក​ដាច់​ដោយឡែក​ពី​គ្នា​នោះ​ទេ​។​ នេះ​ក៏​ជា​ការ​ចង្អុលបង្ហាញ​ដោយ​លោក​ ចាន់​ដា​រ៉ា ​ផង​ដែរ​ នៅ​ពេល​ដែល​គាត់​បាន​សួរ​ខ្ញុំ​អំពី​ដំណើរ​វិវត្តន៍​នៃ​ការងារ​របស់ខ្ញុំ​ ហើយ​ខ្ញុំ​បាន​ប្រាប់​គាត់​ថា​ ការងារ​របស់ខ្ញុំ​កំពុង​មានការ​ប្រឈម​រវាង​ការ​ស្រាវជ្រាវ​មាតិកា​ និង​ការ​រចនា​ទំព័រ​។​ គាត់​បាន​អះអាង​ចំពោះ​ខ្ញុំ​ថា​ របៀប​ដែល​យើង​ជ្រើសរើស​ ដើម្បី​បង្ហាញ​ទិន្នន័យ​របស់​យើង​ វា​នឹង​មាន​ឥទ្ធិពល​ទៅ​លើ​ប្រភេទ​មាតិកា​ដែល​យើង​ចង់​បង្កើត​។​ ក្រុមការងារ​អូ​ឌី​ស៊ី​ប្រើប្រាស់​ WordPress​ ដើម្បី​បង្កើត​ទំព័រ​របស់​ពួក​គេ​។​ យ៉ាងណាមិញ​ ដើម្បី​ឱ្យ​ការ​បង្ហាញ​មាន​លក្ខណៈ​តូច​ និង​ងាយស្រួល​មើល​ ខ្ញុំ​បាន​ប្រើ​ Wix​ ដែល​ជា​កម្មវិធី​បង្កើត​គេហទំព័រ​ ដើម្បី​រចនា​បង្កើត​ទំព័រ​ថ្មី​។​ ក្នុងអំឡុងពេល​នៃ​ការ​ធ្វើ​បទ​បង្ហាញ​ទៅ​កាន់​ក្រុមការងារ​ ខ្ញុំ​បាន​ទទួល​មតិយោបល់​ល្អៗ​ត្រលប់​មក​វិញ​ជា​ច្រើន​ អំពី​ការ​ប្រើប្រាស់​រូបភាព​នានា​ និង​រូបភាព​ក្រា​ភិ​ច​អន្តរ​កម្ម​ ដើម្បី​បង្ហាញ​មាតិកា​ ដែល​ងាក​ចេញពី​មាតិកា​ធម្មតា​ដែល​ពោរពេញ​ដោយ​អត្ថបទ​អក្សរ​។​

ទំព័រការបោះឆ្នោតរបស់ខ្ញុំដែលបានរចនា

​ទី​ពីរ​ ខ្ញុំ​បាន​រៀន​ពី​របៀប​ដើម្បី​ស្វែងរក​មធ្យោបាយ​ជុំវិញ​​ខ្លួន​​ ដើម្បី​ដោះស្រាយ​ឧបសគ្គ​នានា​ជំនួស​ឱ្យ​ការ​បោះបង់​ចោល​នូវ​គំនិត​ទាំងស្រុង​។​ ខណៈ​ដែល​ក្រុមការងារ​ភាគច្រើន​បាន​ពេញចិត្ត​នឹង​ការ​រចនា​របស់ខ្ញុំ​ ពួក​គ​ក៏​បាន​លើក​ឡើង​ពី​ការ​ព្រួយបារម្ភ​នានា​​អំពី​ការ​ជ្រើសរើស​រូបភាព​អ្នកនយោបាយ​កំពូលៗ​មក​បង្ហាញ​។​ ពួក​គេ​ព្រួយបារម្ភ​ថា​ អ្នកនយោបាយ​ទាំងនោះ​អាច​នឹង​គិត​ថា​ រូបភាព​ដែល​បាន​ជ្រើសរើស​នោះ​នឹងត្រូវបង្ហាញក្នុងផ្លូវមិនល្អ​ ​ហើយ​​អ្នកនយោបាយ​ទាំងនោះ​អាចចោទប្រកាន់​​​ពួក​យើងថា​​បង្ហាញ​រូបភាព​ពួក​គេ​មិន​បាន​ត្រឹមត្រូវ​។​ នៅ​ក្នុង​ប្រទេស​កម្ពុជា​ ខ្ញុំ​បាន​រៀនសូត្រ​ទៀត​ថា​ នយោបាយ​ គឺជា​បញ្ហា​មួយ​ដែល​មាន​ចំណុចរសើប​ខ្លាំង​ ប្រហែល​វា​កាន់តែ​រសើប​ខ្លាំង​ជាង​នៅ​ក្នុង​​ប្រទេស​សិង្ហ​បុរី​ និង​ ប្រទេស​ម៉ា​ឡេ​ស៊ី​​ទៅ​ទៀត​​។​ ដើម្បី​សរសេរ​មាតិកា​សម្រាប់​ស្ថាប័ន​មិន​ធ្វើការ​តស៊ូ​មតិ​ ដែល​មាន​គោលបំណង​ដើម្បី​បោះពុម្ពផ្សាយ​មាតិកា​គោលដៅ​ វា​គឺ​ពិត​ជា​រឿង​​សំខាន់​ណាស់​ក្នុង​ការ​ប្រុង​ប្រយ័ត្ន​លើ​ភាសា​ដែល​ខ្ញុំ​ប្រើប្រាស់​។​ ពេល​ខ្លះ​ សូ​ម្បី​តែ​ការ​លើក​ឡើង​ពី​តថភាព​មួយ​ចំនួន​ ប្រហែល​អាច​នឹង​ចាត់​ទុក​ថា​ជា​អំពី​ប្រឆាំង​រដ្ឋាភិបាល​បាន​ដែរ​។​ ជា​សំណាងល្អ​ ជាមួយនឹង​ការ​ណែនាំ​របស់​លោក​ ចាន់​ដា​រ៉ា​ ខ្ញុំ​បាន​រៀបចំ​ដើម្បី​សម្រួល​សំ​ណេ​រ​របស់ខ្ញុំ​ និង​ផ្តោត​ទៅ​លើ​ការ​សរសេរ​មាតិកា​អព្យាក្រឹត​ផ្នែក​នយោបាយ​។​ វា​គឺជា​មានការ​លំបាក​ក្នុង​ការ​រក្សា​តុល្យភាព​ ដើម្បី​ចេញផ្សាយ​រឿងរ៉ាវ​ពិត​ដែល​មនុស្ស​គ្រប់​គ្នា​គួរតែ​ដឹង​ និង​ដើម្បី​ចៀសវាង​ការ​​ប្រឈមជាមួយ​នឹង​រដ្ឋាភិបាល​។​

​ក្រៅពី​ការ​ចាត់ចែង​មាតិកា​ទាក់ទង​នឹង​ចំនុចរសើប​នយោបាយ​ ខ្ញុំ​ក៏​មានការ​លំបាក​ក្នុង​ការ​ស្វែងរក​ប្រភព​ព័ត៌មាន​​​ជា​ភាសា​ខ្មែរ​ផង​ដែរ​​ ដោយ​សារ​​តែ​​​ភាសា​ខ្មែរ​របស់ខ្ញុំមានកម្រិត​ទាប​ខ្លាំង​ណាស់​​។​ គោលនយោបាយ​ផ្ទៃក្នុង​នានា​របស់​គណបក្ស​នយោបាយ​ គឺជា​ញឹកញយ​មាន​តែ​ជា​ភាសា​ខ្មែរ​។​ វា​ក៏​មានការ​លំបាក​ដែរ​ដើម្បី​ស្វែងរក​ព័ត៌មាន​អំពី​គណបក្ស​តូចៗ​ ព្រោះថា​គណបក្ស​ខ្លះ​មិន​មានដំណើរ​ការ​គេហទំព័រ​របស់​ខ្លួន​នោះ​ទេ​។​ ទាំងនេះ​បង្ហាញ​ថា​ វា​នៅ​មាន​ផ្លូវ​ដ៏​វែង​ឆ្ងាយ​ទៀត​ដែលត្រូវដើរ​ មុន​ពេល​ដែល​ទិដ្ឋភាព​នយោបាយ​ពហុបក្ស​អា​ចប​ញ្ជូ​ល​ទៅ​ក្នុង​កម្រិត​ថ្នាក់​ជាតិ​។​ ខ្ញុំ​ពិតជា​អរគុណ​ខ្លាំង​ណាស់​ដែល​ លោក​ ចាន់​ដា​រ៉ា​ បាន​ជួយ​ខ្ញុំ​ក្នុង​ការ​បកប្រែ​ឯកសារ​សំខាន់​មួយ​ចំនួន​ ដែល​នឹង​មាន​ប្រយោជន៍​ដល់​ទំព័រ​ព័ត៌មាន​ទិន្នន័យ​។​

​នៅ​​កិច្ច​ចុង​ក្រោយ​​នៃ​ការ​ហាត់​ការងារ​ ខ្ញុំ​បាន​រៀបចំ​បង្កើត​កំនត់ហេតុ​​តាម​ពេលវេលា​នៃ​ការ​បោះ​ឆ្នោត​នៅ​ក្នុង​ប្រទេស​កម្ពុជា​ដែល​នឹង​ដាក់​ប​ញ្ជូ​ល​ទៅ​ក្នុង​ទំព័រ​ដើម​ និង​គំរូ​រចនា​នានា​ដែល​បាន​ស្នើ​សម្រាប់​ទាំង​ ទំព័រ​រង​នៃ​គណបក្ស​នយោបាយ​ និង​ទំព័រ​ព័ត៌មាន​ទិន្នន័យ​។​ ខ្ញុំ​សប្បាយចិត្ត​ដែល​លោក​ ទ្រី​ បាន​ព្យាយាម​ជម្រុញ​ការ​ចេញផ្សាយ​ទំព័រ​ថ្មី​នៃ​ការ​បោះ​ឆ្នោត​មុន​ពេល​ដែល​ខ្ញុំ​ចាកចេញ​។​ ខ្ញុំ​ក៏​​មាន​ក្តី​សោមនស្ស​​ដែល​​បាន​ចូលរួម​នៅ​ក្នុង​វគ្គ​ធ្វើតេស្ត​សាកល្បងគេហទំព័រអូឌីស៊ីដោយ​អ្នក​ប្រើប្រាស់​ ដែល​នៅ​ក្នុង​វគ្គ​នោះ​ពួក​យើង​បាន​ផ្តល់​មតិយោបល់​លើ​ការ​ធ្វើ​ឱ្យ​លទ្ធផល​ស្វែងរក​ទិន្នន័យ​​នៅ​លើ​គេហទំព័រ​​សម្រាប់​អ្នក​ប្រើប្រាស់​​របស់​អូ​ឌី​ស៊ី​បាន​ប្រសើរ​ឡើង​ផង​ដែរ​​​។​

3.Charine

អាហារប៊ូហ្វេថ្ងៃត្រង់បន្ទាប់ពីការធ្វើតេស្តគេហទំព័រអូឌីស៊ីដោយអ្នកប្រើប្រាស់

4.Charine

ពិសិដ្ឋ និងខ្ញុំលើកពែងពងទាកូនជល់គ្នា

 

 

 

 

 

 

 

 

ខ្ញុំ​ពិតជា​រីករាយ​នឹង​ការ​រៀបចំ​កិច្ចប្រជុំ​ជាមួយនឹង​ លោក​ ចាន់​ដា​រ៉ា​ ​​អ្នកគ្រប់គ្រង​របស់ខ្ញុំ​​​​ ​ដើម្បី​​ផ្លាស់​ប្តូរ​បច្ចុប្បន្នភាព​ការងារ​គ្នា​ទៅ​វិញ​ទៅ​មក​,​ ការ​បើក​ទូលាយ​នៃ​កិច្ច​ពិភាក្សា​ជា​ក្រុម​ ដែល​គំនិត​យោបល់​របស់​អ្នក​គ្រប់​គ្នា​ ត្រូវ​បាន​យក​ទៅ​ធ្វើការ​ពិចារណា​ និងផ្តល់​ឱកាស​ដើម្បី​ធ្វើការ​បង្ហាញ​ពី​អូ​ឌី​ស៊ី​នៅ​ក្នុង​កម្មវិធី​ស​ន្នី​សិ​ទ​ និង​វេទិកា​នានា​។​

ក្រុមគ្រួសារអូឌីស៊ី

​យ៉ាងណាមិញ​ ការ​ហាត់​ការងារ​ គឺ​មិនមែន​អំពី​​តែ​ការ​អនុវត្ត​ការងារ​ប៉ុណ្ណោះ​នោះ​ទេ​។​ អ្វី​ដែល​ធ្វើ​ឱ្យ​បរិយាកាស​ការងារ​កាន់តែ​រីករាយ​នោះ​ គឺ​មនុស្ស​នៅ​ក្នុង​ក្រុមការងារ​។​ ខ្ញុំ​បាន​ទទួល​ភាព​កក់ក្តៅ​យ៉ាងច្រើន​ពី​អ្នក​រួមការ​ងារ​ជាមួយ​ខ្ញុំ​ ដែល​ពួក​គេ​តែងតែ​សួរ​អំពី​ថ្ងៃ​ចុង​ស​ប្តា​ហ៍​របស់ខ្ញុំ​ និង​ណែនាំ​ខ្ញុំ​នូវ​អាហារ​ក្នុង​តំបន់​ (​រួម​ទាំង​ ពង​ទា​កូន​)​ និង​សកម្មភាព​នានា​ (​ជិះ​កង់​ទៅ​កាន់​កោះដាច់​)​ ​​អាហារ​សម្រន់​ដែល​រៀបចំ​​នៅ​ពេល​ចុង​ក្រោយ​នៃ​ការ​ធ្វើ​បទ​បង្ហាញ​ពី​​ដំណើរ​​វិវត្តន៍​​ការងារ​របស់​ពួក​យើង​​ និង​កិច្ចប្រជុំ​ជាមួយ​នឹង​​​អ្នក​ជំនាញ​មក​ពី​អង្គការ​នានា​។​

​ជា​រៀង​រាល់​ព្រឹក​ បុគ្គលិក​ផ្នែក​ថែ​ទាំ​​សម្អាត​ការិយាល័យ​ បាន​ឆុង​កាហ្វេ​ និង​តែ​ក្តៅៗ​ ហើយ​បាន​ទទួល​រាក់ទាក់​ខ្ញុំ​ជាមួយនឹង​ស្នាមញញឹម​ នៅ​ពេល​ដែល​ខ្ញុំ​ចូល​មក​ដល់​ក្នុង​បន្ទប់​ផ្ទះបាយ​។​ អ្នក​រួម​ការងារ​ទាំងអស់​គ្នា​ ​តែងតែ​ញញឹម​យ៉ាង​ស្រស់​ នៅ​ពេល​ដែល​ខ្ញុំ​ចូល​មក​ដល់​ក្នុង​ការិយាល័យ​នា​ពេល​ព្រឹក​។​ ​នៅ​ទីនេះ​​​មានការ​ផ្លាស់​ប្តូរ​វប្បធម៌​គ្នា​ជា​ច្រើន​ នៅ​ពេល​ដែល​យើង​បាន​ចែករំលែក​បទ​ពិសោធន៍​នានា​ និង​ស្ថានភាព​របស់​ប្រទេស​យើង​ ឱ្យ​គ្នា​ទៅ​វិញ​ទៅ​មក​ រាប់​ចាប់តាំងពី​កសិកម្ម​ រហូត​ដល់​ម្ហូបអាហារ​ និង​មធ្យោបាយ​ធ្វើ​ដំណើរ​សាធារណៈ​។​ អ្នក​គ្រប់​គ្នា​ គឺ​តែងតែ​ចង់​ដឹង​ចង់​លឺ​ និង​មាន​ឆ​ន្ទះ​ក្នុង​ការ​ស្តាប់​ និងបង្រៀន​​គ្នា​ទៅ​វិញ​ទៅ​មក​។​

​ប្រសិនបើ​មានឱកាស​ម្តងទៀត​នា​ពេល​ខាង​មុខ​ ខ្ញុំ​ប្រាកដជា​ពេញចិត្ត​នឹង​ចូលរួម​ចំណែក​ជាមួយនឹង​អូ​ឌី​ស៊ី​ម្តងទៀត​។​

​អ្នកនិពន្ធ​៖​ យ៉ុ​ង​ ឈើ​រី​ន​
​តួនាទី​៖​ អ្នក​ហាត់​ការ​ស្រាវជ្រាវ​ (៨​ ឧសភា​ -​ ៣០​ មិថុនា​ ២០១៧)