ការបណ្តុះបណ្តាលលើប្រព័ន្ធផ្សព្វផ្សាយសង្គម
អង្គការទិន្នន័យអំពីការអភិវឌ្ឍ (អូឌីស៊ី) បាននិងកំពុងធ្វើការផ្សព្វផ្សាយតាមប្រព័ន្ធផ្សព្វផ្សាយសង្គមជាប្រចាំនៅលើហ្វេសប៊ុកសម្រាប់សកម្មភាពជាច្រើនរបស់ខ្លួន រួមទាំងការងាររបស់ខ្លួនក្រោមគម្រោងការច្នៃប្រឌិតថ្មីសម្រាប់គណនេយ្យភាពសង្គមនៅកម្ពុជា (ISAC)។ អង្គការដៃគូអនុវត្តគម្រោង ISAC របស់អូឌីស៊ី គឺ អង្គការ Internews បានសម្របសម្រួលការបណ្តុះបណ្តាលលើប្រព័ន្ធផ្សព្វផ្សាយសង្គមកម្រិតខ្ពស់ ដោយអ្នកឯកទេសទីផ្សារឌីជីថល សម្រាប់ក្រុមការងារអូឌីស៊ីចំនួន ៩នាក់ នៅខែមិថុនា ឆ្នាំ២០២១។
ការបណ្តុះបណ្តាលនេះផ្តោតជាពិសេសលើការប្រើប្រាស់ហ្វេសប៊ុកជាឧបករណ៍ផ្សព្វផ្សាយ ស្វែងយល់ពីយុទ្ធនាការ និងចរាចរទូទៅតាមរយៈ Facebook Insights។ ការបណ្តុះបណ្តាលនេះក៏បានពិភាក្សាពីភាពខុសគ្នារវាង “Reach” និង “Impressions” ហើយពិនិត្យមើលឡើងវិញនូវការបង្ហោះនៅលើទំព័រហ្វេសប៊ុករបស់អូឌីស៊ីជាករណីសិក្សា។
ក្រុមការងារអូឌីស៊ីនឹងប្រើប្រាស់ចំណេះដឹងនេះដើម្បីប្រមូលផ្តុំ តាមដាន និងឃ្លាំមើលការផ្សព្វផ្សាយតាមហ្វេសប៊ុក ដែលបានប្រើប្រាស់ជាផ្នែកសំខាន់នៃយុទ្ធសាស្ត្ររបស់អូឌីស៊ីសម្រាប់ការចែករំលែកព័ត៌មានគណនេយ្យភាពសង្គមសម្រាប់ព្រឹត្តិការណ៍ និងយុទ្ធនាការបង្កើនការយល់ដឹងអំពីធនធាននៅលើវេបសាយអូឌីស៊ី។ ការបណ្តុះបណ្តាលបន្ថែមទៅលើផ្នែកនេះនឹងប្រព្រឹត្តទៅនៅក្នុងឆ្នាំ២០២២។
