សេចក្តីជូនដំណឹងរបស់ក្រសួងសុខាភិបាលស្តីពីករណីវិជ្ជមាន COVID-១៩ លើបុរសជនជាតិអង់គ្លេសអាយុ ៧៣ ឆ្នាំម្នាក់និងស្ត្រីជនជាតិអង់គ្លេសអាយុ ៦៩ ឆ្នាំម្នាក់ដែលជាអ្នកដំណើរនាវាវីគីងគ្រូសជ្យូណីក្នុងខេត្តកំពង់ចាម
នៅថ្ងៃទី ១២ ខែមីនាឆ្នាំ ២០២០ ក្រសួងសុខាភិបាលបាន ប្រកាសសេចក្តីជូនដំណឹងមួយនៅលើទំព័រហ្វេសប៊ុកផ្លូវការរបស់ខ្លួន និយាយអំពីករណីវិជ្ជមាននៃមេរោគកូវីដ១៩លើអ្នកដំណើរចំនួន២នាក់នៅលើនាវាវីគីងគ្រូសជ្យូណី (Viking Cruise Journey)។ យោងតាមសេចក្តីប្រកាសបានអោយដឹងថាបុរសអង់គ្លេសអាយុ ៧៣ ឆ្នាំម្នាក់ (ប្តី) និងស្ត្រីជនជាតិអង់គ្លេសអាយុ ៦៩ ឆ្នាំម្នាក់ (ប្រពន្ធ) ធ្វើតេស្តឃើញមានភាពវិជ្ជមានកូវីដ១៩។ បញ្ហានេះបានធ្វើឱ្យមានករណីវិជ្ជមានសរុបចំនួន ៣ ករណីក្នុងចំណោមអ្នកដំណើរ ៦៤ នាក់ដែលជិះលើនាវាវីគីងគ្រូសជ្យូណី (Viking Cruise Journey)។
ក្រសួងសុខាភិបាល
