សេចក្តីប្រកាសស្តីពី ការទទួលបានការយល់ព្រមលើការស្នើសុំសម្បទានប្រេង និងឧស្ម័នរបស់ក្រុមហ៊ុនអង្គរហ្គោល
នៅថ្ងៃទី១៣ ខែសីហា ឆ្នាំ២០១៩ លោក Stephen Burega នាយកប្រតិបត្តិក្រុមហ៊ុនអង្គរហ្គោល បានប្រកាសថា ក្រុមហ៊ុនអង្គរហ្គោលតាមរយៈក្រុមហ៊ុនជាសម្ព័ន្ធរបស់ខ្លួនគឺក្រុមហ៊ុន EnerCam Resources Co Ltd (“ EnerCam”) បានទទួលការយល់ព្រមពីរាជរដ្ឋាភិបាលកម្ពុជាលើការស្នើសុំសម្បទានប្រេង និងឧស្ម័នដែលមានទំហំ ៧៣០០ គីឡូម៉ែត្រក្រឡានៅកម្ពុជា។ រដ្ឋាភិបាលកម្ពុជា បានយល់ព្រមលើសំណើរបស់ក្រុមហ៊ុនអង្គរហ្គោល សម្រាប់ការអភិវឌ្ឍប្លុកប្រេងទី៨ (Block VIII) តាមរយៈក្រុមហ៊ុនបុត្រសម្ព័ន្ធរបស់ខ្លួន EnerCam Resources Co. Ltd។ ជាមួយនឹងការយល់ព្រមនេះក្រុមហ៊ុនអង្គរហ្គោល កំពុងបន្តការចរចារកិច្ចព្រមព្រៀងស្តីពី ការចែករំលែកផលិតកម្មទាក់ទងនឹងអាជ្ញាប័ណ្ណនេះ។ ការអនុម័តនេះ ក៏អនុញ្ញាតឱ្យក្រុមហ៊ុនបន្តការរុករកប្រេង និងឧស្ម័ននៅប្លុកទី៨ ។
ក្រុមហ៊ុនអង្គរហ្គោល
