សេចក្តីប្រកាសស្វែងរកអ្នកស្រាវជ្រាវថ្នាក់ជាតិ គម្រោងបារូម៉ែតទិន្នន័យសកល - តំបន់អាស៊ី
ទិន្នន័យបើកទូលាយដើម្បីការអភិវឌ្ឍន៍អាស៊ី (D4Dអាស៊ី) កំពុងស្វែងរកអ្នកស្រាវជ្រាវឯករាជ្យ ថ្នាក់ជាតិ (ជាលក្ខណៈបុគ្គល ឬជាស្ថាប័ន) សម្រាប់ ប្រទេសចំនួន១៤ខាងក្រោម៖
ឥណ្ឌូណេស៊ី, ហ្វីលីពីន, សិង្ហបុរី, ប្រទេសកម្ពុជា, ប្រទេសឡាវ, មីយ៉ាន់ម៉ា, ថៃ, វៀតណាម, ស្រីលង្កា, ឥណ្ឌា, នេប៉ាល់, បង់ក្លាដែស, តៃវ៉ាន់ និង ជប៉ុន។
អ្នកស្រាវជ្រាវដែលបានជ្រើសរើសនឹងធ្វើជាអ្នកស្រាវជ្រាវថ្នាក់ជាតិសម្រាប់ការបោះពុម្ពចេញផ្សាយសម្រាប់គម្រោងបារូម៉ែតទិន្នន័យសកល(២០២០–២០២១)។ D4Dអាស៊ីដើរតួនាទីជាមជ្ឈមណ្ឌលថ្នាក់តំបន់សម្រាប់គម្រោងបារូម៉ែតទិន្នន័យសកលនិងទទួលខុសត្រូវលើបណ្តាប្រទេសខាងក្រោម៖ ម៉ាឡេស៊ី ឥណ្ឌូនេស៊ី ហ្វីលីពីន សឹង្ហបូរី កម្ពុជា ឡាវ មីយ៉ាន់ម៉ា ថៃ វៀតណាម ស្រីលង្កា ឥណ្ឌា បង់ក្លាដែស នេប៉ាល់ តៃវ៉ាន់ និងជប៉ុន។ សេចក្តីប្រកាសនេះបើកទទួលអ្នកស្រាវជ្រាវឯករាជ្យ ក៏ដូចជាអ្នកស្រាវជ្រាវដែលមកពីសមាគមនិងអង្គការសិក្សាស្រាវជ្រាវឯករាជ្យដែលមកពីបណ្តាប្រទេស១៤ខាងលើ។
គម្រោងបារូម៉ែតទិន្នន័យសកល ជាការសិក្សាពីទិន្នន័យថ្មីមួយដើម្បីជាប្រយោជន៍សាធារណៈដែលបង្កើតឡើងលើមូលដ្ឋាននៃបារូម៉ែតទិន្នន័យបើកទូលាយ។ ស្វែងយល់បន្ថែមពីគម្រោងបារូម៉ែតទិន្នន័យសកលនៅទីនេះ។ ការបោះពុម្ពផ្សាយជាលើកដំបូងនៃបារូម៉ែតទិន្នន័យសកល ទទួលបានការឧបត្ថម្ភគោលពីមជ្ឈមណ្ឌលស្រាវជ្រាវការអភិវឌ្ឍអន្តរជាតិរបស់ប្រទេសកាណាដាក្រោមមូលនិធិ 109517-001 ជាផ្នែកនៃកម្មវិធីទិន្នន័យសម្រាប់ការអភិវឌ្ឍន៍។
អ្នកស្រាវជ្រាវដែលមានសក្តានុពលភាព ទាំងអ្នកស្រាវជ្រាវឯករាជ្យ ឬមកពីស្ថាប័នអង្គការ ត្រូវមានបទពិសោធន៍ក្នុងផ្នែកមួយ ឬច្រើនដូចជា៖ ទិន្នន័យបើកទូលាយ, ទិន្នន័យរដ្ឋាភិបាលបើកទូលាយ, ទិន្នន័យសម្រាប់ប្រយោជន៍ជាសាធារណៈ, ការប្រើប្រាស់ទិន្នន័យដើម្បីតាមដានឬវាយតម្លៃលើការផ្តល់ជូននូវសេវាកម្មសាធារណៈ, ការហ្វឹកហាត់ និងការពង្រឹងសមត្ថភាពលើផ្នែកប្រើប្រាស់ទិន្នន័យ ការប្រើប្រាស់ទិន្នន័យសម្រាប់បង្កើតកម្មវិធីដែលមានតម្លៃសម្រាប់សង្គម ឬការផ្សព្វផ្សាយលើការប្រើប្រាស់ទិន្នន័យនៅក្នុងរដ្ឋាភិបាល, អង្គការសង្គមស៊ីវិល, ស្ថាប័នឯកជន, សហគមន៍អ្នកអភិវឌ្ឍន៍, និងសារព័ត៌មានបែបស៊ើបអង្កេត។
អ្នកស្រាវជ្រាវដែលបានជ្រើសរើសនឹងទទួលខុសត្រូវលើការស្ទង់មតិលម្អិតពីអ្នកជំនាញទាក់ទងលើគោលនយោបាយ ការអនុវត្ត សំណុំទិន្នន័យ និងការស្រាវជ្រាវទាក់ទងនឹងអភិបាលកិច្ច សមត្ថភាព លទ្ធភាព និងការប្រើប្រាស់ទិន្នន័យនៅក្នុងប្រទេសរបស់ពួកគេរៀងៗខ្លួន។ ការឆ្លើយតបនឹងត្រូវបានពិនិត្យឡើងវិញ ដោយអ្នកស្រាវជ្រាវនឹងត្រូវឆ្លើយតបរាល់មតិត្រឡប់របស់អ្នកត្រួតពិនិត្យ និងធ្វើបច្ចុប្បន្នភាពការឆើ់្លយតប តាមការសមគួរ។
បេក្ខភាពដាក់ពាក្យត្រូវតែមានអ្នកមានអ្នកស្គាល់ភាគច្រើន និងជឿទុកចិត្តលើស្នាដៃកន្លងមកនៅក្នុងប្រទេសរបស់ពួកគេរៀងៗខ្លួន និងបានការទទួលស្គាល់លើការងារឯករាជ្យរបស់ពួកគេ និងមិនមានជាប់ពាក់ព័ន្ធជាមួយរដ្ឋាភិបាល និងក្រុមនយោបាយណាមួយឡើយ។
លក្ខខណ្ឌតម្រូវបន្ថែម
អ្នកស្រាវជ្រាវថ្នាក់ជាតិត្រូវ៖
- មានកម្រិតភាសាអង់គ្លេសខ្ពស់ ក្នុងការសរសេរនិងអាន
- ចេះភាសាមួយ ឬច្រើនជាងភាសាផ្លូវការជាគោលក្នុងប្រទេសដែលពួកគេនឹងធ្វើការស្រាវជ្រាវ
- មានចំណេះដឹងជ្រៅជ្រះអំពីប្រទេសដែលពួកគេធ្វើការស្រាវជ្រាវ រួមទាំងចំណេះដឹងអំពីគោលនយោបាយអភិវឌ្ឍថ្មីៗ
- មានចំណេះដឹងនិងការយល់ដឹងពាក់ព័ន្ធលើការការពារទិន្នន័យ គោលនយោបាយទិន្នន័យ ទិន្នន័យបើកទូលាយ និងការចែករំលែកទិន្នន័យ និង
- មានបណ្តាញពាក់ព័ន្ធដែលអាចធ្វើការទំនាក់ទំនងបាន។
អ្នកស្រាវជ្រាវថ្នាក់ជាតិមិនត្រូវ៖
- ជាមន្ត្រីរដ្ឋាភិបាល ឬបុគ្គលិកក្នុងជួររដ្ឋាភិបាល ឫអ្នកដែលមានជាប់កុងត្រាទទួលបានប្រាក់កម្រៃពីរដ្ឋាភិបាល ឬ
- មានទំនាស់ផលប្រយោជន៍ដែលអាចប៉ះពាល់ដល់សមត្ថភាពរបស់ពួកគេក្នុងការសិក្សាវាយតម្លៃដែលមិនមានភាពលំអៀង។
កាតព្វកិច្ចរួមមាន៖
- អានសៀវភៅណែនាំពីការស្រាវជ្រាវ
- ចូលរួមក្នុងវគ្គអនឡាញស្តីពីការបណ្តុះបណ្តាលអ្នកស្រាវជ្រាវ
- ធ្វើការត្រួតពិនិត្យលើឯកសារគោលដើម្បីកំណត់នូវភស្តុតាងទាក់ទងនឹងសំណួរនីមួយៗ
- ប្រើប្រាស់ការណែនាំដែលបានមកពីការសៀវភៅណែនាំពីការស្រាវជ្រាវដើម្បីធ្វើការវាយតម្លៃលើភស្តុតាងនិងឆ្លើយលើជញ្ជីងពិន្ទុឬសំណួរ បាទ/ចាស/ទេ។
- សរសេរជាភាសាអង់គ្លេសឲ្យបានច្បាស់លាស់នូវសំអាងហេតុនៃនៃការវាយតម្លៃ, ការរាយបញ្ជីនូវប្រភពព័ត៌មានដែលបានប្រើប្រាស់
- បញ្ជូននូវការស្ទង់មតិដែលចប់សព្វគ្រប់ក្នុងរយៈពេល៦សប្តាហ៍ក្រោយពីចាត់ចែងវាហើយ
- ឆ្លើយតបអោយបានរហ័សទៅនឹងមតិទាំងឡាយរបស់អ្នកត្រួតពិនិត្យ។
ដំណើរការនៃការស្រាវជ្រាវនឹងរាប់បញ្ជូលការស្រាវជ្រាវឯកសារ ហើយក៏អាចរួមទាំងការសម្ភាសន៍ជាមួយអ្នកមានព័ត៌មានគោលផងដែរ។ ពួកយើងប៉ាន់ប្រមាណថា ដំណើរការនេះនឹងមានរយៈពេលរហូតដល់ ២០ថ្ងៃ (អាស្រ័យទៅតាមប្រទេស និងបទពិសោធន៍អ្នកស្រាវជ្រាវ) ក្នងរយៈពេល ១ខែកន្លះ ចន្លោះពីខែមីនា និងខែឧសភាឆ្នាំ២០២១។ អ្នកស្រាវជ្រាវអាចនឹងត្រូវបានអញ្ជើញដើម្បីចូលរួមក្នុងសកម្មភាពផ្សព្វផ្សាយចំណេះដឹងថ្នាក់តំបន់ ដែលគ្រោងនឹងប្រារព្ធបន្ទាប់ពីខែមិថុនា ឆ្នាំ២០២១។ ការចូលរួមនេះ គឺអាស្រ័យលើការសម្រេចចិត្តរបស់បុគ្គលនីមួយៗ ហើយអាចមានទាំងការសរសេរសេចក្តីសង្ខេបពីប្រទេសដើម្បីដាក់បញ្ចូលក្នុងរបាយការណ៍ថ្នាក់តំបន់ ឬក៏ចូលរួមក្នុងកិច្ចប្រជុំអនឡាញលើការផ្សព្វផ្សាយព័ត៌មានថ្នាល់តំបន់។
បេក្ខភាពចុះឈ្មោះត្រូវផ្ញើលិខិតពន្យល់ពីសេចក្តី (Cover Letter) ភ្ជាប់ជាមួយនឹងព័ត៌មានខាងក្រោម និងផ្ញើ CV ទៅកាន់អ៊ីម៉ែល recruitment@opendevmekong.net ។ ថ្ងៃផុតកំណត់សម្រាប់ការដាក់ស្នើត្រូវបានពន្យារដល់ ថ្ងៃទី ២៨ ខែកុម្ភៈ ឆ្នាំ២០២១។ កិច្ចសម្ភាសន៍នឹងគ្រោងធ្វើនៅរវាងថ្ងៃទី១ - ទី៨ ខែមីនា ឆ្នាំ២០២១។ បេក្ខភាពដែលជាប់ shortlisted នឹងទទូលបានការទាក់ទងដើម្បីធ្វើការសម្ភាសន៍។
+++++++++++++++
ព័ត៌មានទូទៅ៖
- ឈ្មោះ៖
- ព័ត៌មានទំនាក់ទំនង៖
- តើអ្នកមានមូលដ្ឋាននៅឯណាបច្ចុប្បន្ន៖
[ ] ខ្ញុំចាប់អារម្មណ៍ធ្វើជាអ្នកស្រាវជ្រាវថ្នាក់ជាតិសម្រាប់ប្រទេសខាងក្រោម៖
[ ] ខ្ញុំសូមបញ្ជាក់ថា ខ្ញុំមិនមែនជាអ្នកធ្វើការ ឬទទួលបានមូលនិធិគោលពីរដ្ឋាភិបាលនៃប្រទេសនេះទេ ហើយខ្ញុំក៏មិនមានទំនាស់ផលប្រយោជន៍ដែលអាចរារាំងខ្ញុំមិនឲ្យធ្វើជាអ្នកស្រាវជ្រាវឯករាជ្យបានដែរ។
- សូមពិពណ៌នាដោយសង្ខេបអំពីទំនាក់ទំនង និងចំណេះដឹងរបស់អ្នកអំពីបញ្ហាទិន្នន័យនៅក្នុងប្រទេសនេះ៖
ឧទាហរណ៍៖ តើអ្នករស់នៅក្នុងប្រទេសនេះឬទេ? តើអ្នកចេះភាសាជាតិសំខាន់ៗស្ទាត់ជំនាញទេ? តើអ្នកមានទំនាក់ទំនងជាមួយបញ្ហាគោលនយោបាយទិន្នន័យរបស់ប្រទេសនេះយ៉ាងដូចម្តេច?
- សូមវាយតម្លៃលើចំណេះដឹងរបស់អ្នកពាក់ព័ន្ធនឹងប្រធានបទខាងក្រោម៖
| គ្មានចំណេះដឹង ←—– ——-→ អ្នកជំនាញ | |
|
- សូមរៀបរាប់ដោយសង្ខេបពីគុណវុឌ្ឍិដែលពាក់ព័ន្ធរបស់អ្នក ឧទាហរណ៍ អ្នកអាចរាយពីសញ្ញាប័ត្រខ្ពស់បំផុត ឬវគ្គបណ្តុះបណ្តាល និង/ឬបទពិសោធន៍ស្រាវជ្រាវពីមុន។
- ប្រសិនបើដាក់ពាក្យក្នុងនាមជាអង្គការ សូមចែករំលែកដោយសង្ខេបពីរបៀបដែលកិច្ចការនេះអាចត្រូវបានភ្ជាប់ទៅនឹងយុទ្ធសាស្ត្រនិងសកម្មភាពដែលកំពុងដំណើរការរបស់អង្គការ។
- ប្រាក់ឧបត្ថម្ភ
តាមថវិកាបច្ចុប្បន្នរបស់ពួកយើង ពួកយើងអាចផ្តល់ប្រាក់ឧបត្ថម្ភប្រម៉ាណជា ១៥០០ ដុល្លារអាមេរិក សម្រាប់កិច្ចការងាររយៈពេលពី ១០ ទៅ ២០ថ្ងៃ ដែលអ្នកស្រាវជ្រាវបានអនុវត្ត។
- ពួកយើងទទួលស្គាល់ថា៖
- បុគ្គល ឬអង្គការមួយចំនួនអាចដឹកនាំការសិក្សាស្រាវជ្រាវនេះជាផ្នែកនៃការងារមួយដែលពួកគេមានស្រាប់ ហើយពួកគេអាចនឹងត្រូវការ ឬមិនអាចទទួលបានប្រាក់ឧបត្ថម្ភនេះទេ។
- បុគ្គល ឬអង្គការមួយចំនួនមិនអាចធ្វើការជាអ្នកសិក្សាស្រាវជ្រាវបាននោះទេបើគ្មានការឧបត្ថម្ភបន្ថែមលើប្រាក់ឧបត្ថម្ភនេះដោយសារតែបញ្ហាហិរញ្ញវត្ថុរបស់ពួកគេ។
- ប្រសិនបើអ្នកត្រូវបានជ្រើសរើសជាអ្នកស្រាវជ្រាវ៖
- ពួកយើងទទួលស្គាល់ថា៖
[ ] ខ្ញុំ/យើងមិនមានគោលបំណងក្នុងការទទួលយក ប្រាក់ឧបត្ថម្ភ ១៥០០ ដុល្លារនេះទេ
[ ] ខ្ញុំ/យើងមានគោលបំណងក្នុងការទទួលយក ប្រាក់ឧបត្ថម្ភ ១៥០០ ដុល្លារ
