សភាពាណិជ្ជកម្មអឺរ៉ុបអបអរសាទរដល់រាជរដ្ឋាភិបាលកម្ពុជាលើការអនុម័តសេចក្តីព្រាងច្បាប់ស្តីពីការវិនិយោគ
នៅថ្ងៃទី០៩ ខែកក្កដា ឆ្នាំ ២០២១ សភាពាណិជ្ជកម្មអឺរ៉ុបនៅកម្ពុជាបានចេញសេចក្តីប្រកាសព័ត៌មានមួយនៅលើទំព័រហ្វេសប៊ុកផ្លូវការរបស់ខ្លួនដើម្បីអបអរសាទរដល់រាជរដ្ឋាភិបាលកម្ពុជាដែលបានអនុម័តសេចក្តីព្រាងច្បាប់ស្តីពីការវិនិយោគក្នុងកិច្ចប្រជុំក្រុមប្រឹក្សារដ្ឋមន្ត្រី។
សភាពាណិជ្ជកម្មអឺរ៉ុបបានអបអរសាទរការអភិវឌ្ឍដ៏រំភើបនេះ ដែលនឹងបង្កើនលទ្ធភាពយ៉ាងច្រើនដល់កម្ពុជា ព្រមទាំងជំរុញការទាក់ទាញការវិនិយោគមបន្ថែមទៀតមកកាន់កម្ពុជា។ ច្បាប់វិនិយោគដែលនឹងដាក់អោយប្រើប្រាស់នាពេលខាងមុខនេះត្រូវបានរំពឹងថានឹងបង្កើនការប្រកួតប្រជែងនិងភាពទាក់ទាញរបស់ប្រទេសកម្ពុជាក្នុងស្មារតីពិពិធកម្មរចនាសម្ព័ន្ធសេដ្ឋកិច្ច គាំទ្រការបង្កើតថ្មី និងជំរុញការស្តារសេដ្ឋកិច្ចឡើងវិញនៅក្នុងបរិបទនៃជំងឺកូវីដ-១៩។
សភាពាណិជ្ជកម្មអឺរ៉ុបនៅកម្ពុជា
