សេចក្ដីជូនដំណឹង ការគិតថ្លៃសេវាធ្វើតេស្តរកមេរោគកូវីដ-១៩ ការធ្វើចត្តាឡីស័ក និងការពិនិត្យ ព្យាបាលជំងឺកូវីដ១៩ នៅមន្ទីរពេទ្យរដ្ឋ សម្រាប់ជនបរទេសចូលមកប្រទេសកម្ពុជា
នៅថ្ងៃទី១១ ខែមិថុនា ឆ្នាំ២០២០ ក្រសួងសុខាភិបាលបានចេញសេចក្ដីជូនដំណឹង ជម្រាបជូនដល់គ្រប់ក្រសួង ស្ថាប័ន ពាក់ព័ន្ធ និងជនបរទេសដែលចូលមកប្រទេសកម្ពុជា ជ្រាបអំពីការគិតថ្លៃសេវាពីជនបរទេសដែលចូលមកប្រទេស កម្ពុជា សម្រាប់ការធ្វើតេស្តរកមេរោគកូវីដ១៩ ការធ្វើចត្តាឡីស័ក និងការពិនិត្យ ព្យាបាលអ្នកជំងឺកូវីដ១៩ នៅមន្ទីរ ពេទ្យរដ្ឋ។ អ្នកដំណើរជាជនបរទេស ដែលបានមកដល់ព្រះរាជាណាចក្រកម្ពុជា ត្រូវមានឯកសារធានារ៉ាប់រងសុខភាព ក្នុងទឹកប្រាក់យ៉ាងតិច ៥០.០០០ (ហាសិបពាន់) ដុល្លារអាមេរិក និងមានប្រាក់តម្កល់ (ជាសាច់ប្រាក់ ឬបណ្ណឥណពន្ធ) ហើយត្រូវបង្កកនៅធនាគារពាណិជ្ជដែលកំណត់នៅទីតាំងព្រំដែននីមួយៗ ដែលមានចំនួនយ៉ាងតិច ៣.០០០ (បីពាន់) ដុល្លារអាមេរិក ហើយថវិកានេះត្រូវរក្សាទុកដើម្បីធ្វើការទូទាត់ចំណាយផ្សេងៗ ក្នុងពេលអនុវត្តវិធានការសុខាភិបាល។
ក្រសួងសុខាភិបាល
