សេចក្តីប្រកាសព័ត៌មាន៖ គ.ស.ម.ក. ថ្កោលទោសការវាយប្រហាររបស់យោធាថៃលើជនស៊ីវិល និងបានដាក់ញត្តិបន្ទាន់ទៅអង្គការសហប្រជាជាតិ
ក្រោយពីការវាយប្រហារដោយប្រដាប់អាវុធនាពេលថ្មីៗនេះ ដោយកងយោធាថៃមកលើជនស៊ីវិលកម្ពុជា នាថ្ងៃទី១២ ខែវិច្ឆិកា ឆ្នាំ២០២៥ នៅក្នុងភូមិព្រៃចាន់ ខេត្តបន្ទាយមានជ័យ ដែលបានបណ្តាលឱ្យប្រជាជនកម្ពុជាស្លាប់ និងរបួស គណៈកម្មាធិការសិទ្ធិមនុស្សកម្ពុជា (គ.ស.ម.ក.) បានប្រកាសថាការប្រព្រឹត្តអំពើនេះ គឺជាការបំពានយ៉ាងធ្ងន់ធ្ងរលើច្បាប់អន្តរជាតិ និងសេចក្តីថ្លែងការណ៍រួមទីក្រុងគូឡាឡាំពួ។ គ.ស.ម.ក. បានរៀបចំ និងបានដាក់ញត្តិជាបន្ទាន់ទៅ ឧត្តមស្នងការអង្គការសហប្រជាជាតិទទួលបន្ទុកសិទ្ធិមនុស្ស (OHCHR) និងស្ថាប័នសិទ្ធិមនុស្សក្នុងតំបន់ផ្សេងទៀត។ គ.ស.ម.ក. ក៏បានអំពាវនាវដល់សហគមន៍អន្តរជាតិឱ្យប្រទេសថៃ ទទួលខុសត្រូវទាំងស្រុង និងចាត់វិធានការជាបន្ទាន់ ដើម្បីធានាយុត្តិធម៌ជូនជនរងគ្រោះ និងការការពារជនស៊ីវិលទាំងអស់នៅតាមព្រំដែនកម្ពុជា-ថៃផងដែរ។
គណៈកម្មាធិការសិទ្ធិមនុស្សកម្ពុជា (គ.ស.ម.ក.)
