សេចក្តីប្រកាសព័ត៌មាន ការស្វែងរកទីតាំងការិយាល័យបោះឆ្នោតតាម Google Map
នៅថ្ងៃទី១៣ ខែកក្កដា ឆ្នាំ២០១៨ គណៈកម្មាធិការជាតិរៀបចំការបោះឆ្នោត (គ.ជ.ប) បានចេញសេចក្តីប្រកាសព័ត៌មានស្តីពី ការស្វែងរកទីតាំងការិយាល័យបោះឆ្នោតតាម Google Map។ ដើម្បីកាន់តែមានភាពងាយស្រួលស្វែងរកទីតាំងការិយាល័យបោះឆ្នោត គណៈកម្មាធិការជាតិរៀបចំការបោះឆ្នោត បានផលិតកម្មវិធិគ្រប់គ្រង និងស្វែងរកផែនទីឈ្មោះទីតាំង ការិយាល័យបោះឆ្នោត តាមផែនទីក្នុងប្រព័ន្ធអ៉ីនធើណិត ហើយបានដាក់ឲ្យដំណើរការតាមរយៈគេហទំព័រ www.pollingstation.org.kh នៅថ្ងៃទី១៣ ខែកក្កដា ឆ្នាំ២០១៨ នេះតទៅ។
កម្មវិធីនេះ អនុញ្ញាតឲ្យភាគីពាក់ព័ន្ធទាំងអស់ចូលស្វែងរកទីតាំងការិយាល័យបោះឆ្នោត ក្នុងផែនទីប្រទេសកម្ពុជា ដែលមានរក្សាទុកក្នុង Google Map បានយ៉ាងរហ័សតាមប្រព័ន្ធអ៊ីនធើណិត សម្រាប់បម្រើឲ្យការបោះឆ្នោតជ្រើសតាំងតំណាងរាស្ត្រ នីតិកាលទី៦ ឆ្នាំ២០១៨។
គណៈកម្មាធិការជាតិរៀបចំការបោះឆ្នោត
