សេចក្តីប្រកាសព័ត៌មានស្តីពី ការប្រទះឃើញផ្សោតឬត្រីដូហ្វីនពណ៌ផ្កាឈូក នៅសមុទ្រកម្ពុជា ត្រង់ចំណុចពាក់កណ្តាលផ្លូវកំពង់សោម និងកោះរ៉ុង
នៅថ្ងៃទី ២៣ ខែមិថុនា ឆ្នាំ ២០២៤ រដ្ឋបាលជលផល បានចេញសេចក្តីប្រកាសព័ត៌មានស្តីពីការប្រទះឃើញផ្សោតឬត្រីដូហ្វីនពណ៌ផ្កាឈូក នៅសមុទ្រកម្ពុជា ត្រង់ចំណុចពាក់កណ្តាលផ្លូវកំពង់សោម និងកោះរ៉ុង នៅលើគេហទំព័របណ្ដាញសង្គមផ្លូវការរបស់ខ្លួន។
យោងតាមសេចក្តីប្រកាស ដោយឃើញមានការផ្សព្វផ្សាយអំពីការប្រទះឃើញផ្សោតឬត្រីដូហ្វីនពណ៌ផ្កាឈូក នៅសមុទ្រកម្ពុជា ត្រង់ចំណុចពាក់កណ្តាលផ្លូវកំពង់សោម និងកោះរ៉ុង ដែលមានប្រភពមិនច្បាស់លាស់ ទើបរដ្ឋបាលជលផលជម្រាបជូនសាធារណជនឲ្យបានដឹងថា នៅក្នុងសមុទ្រកម្ពុជាមានផ្សោតឃ្លៀច ឬផ្សោតផ្កាឈូក ដែលហែលជាហ្វូងជាមួយប្រភេទផ្សោតសមុទ្រដទៃទៀត។
រដ្ឋបាលជលផល
