សេចក្តីប្រកាសព័ត៌មានស្តីពីលទ្ធផលជំនួបរវាងប្រធានគណៈកម្មាធិការសិទ្ធិមនុស្សកម្ពុជា និងប្រធានការិយាល័យអង្គការសហប្រជាជាតិទទួលបន្ទុកសិទ្ធិមនុស្សប្រចាំតំបន់អាស៊ីប៉ាស៊ីហ្វិកនៅទីក្រុងហ្សឺណែវ
នៅថ្ងៃទី១០ ខែវិច្ឆិកា ឆ្នាំ២០២៥ គណៈកម្មាធិការសិទ្ធិមនុស្សកម្ពុជា (គ.ស.ម.ក) បានចេញសេចក្តីប្រកាសព័ត៌មានពីលទ្ធផលជំនួបរវាងឯកឧត្តមប្រធានគណៈកម្មាធិការសិទ្ធិមនុស្សកម្ពុជា និងប្រធានការិយាល័យអង្គការសហប្រជាជាតិទទួលបន្ទុកសិទ្ធិមនុស្សប្រចាំតំបន់អាស៊ីប៉ាស៊ីហ្វិកនៅទីក្រុងហ្សឺណែវ នៅការិយាល័យគណៈកម្មាធិការសិទ្ធិមនុស្សកម្ពុជា ទីក្រុងភ្នំពេញ។ កិច្ចជំនួបនេះផ្តោតលើការពង្រឹង និងគម្រោងកិច្ចសហប្រតិបត្តិការរវាងភាគីទាំងពីរនាំពេលខាងមុខ។ ឯកឧត្តម កែវ រ៉េមី ប្រធានគណៈកម្មាធិការសិទ្ធិមនុស្សកម្ពុជា ក៏បានលើកឡើងពីការជំរុញការដោះលែងកងទ័ពកម្ពុជាទាំង ១៨ រូប ដែលកំពុងស្ថិតក្នុងការឃុំឃាំងរបស់កងទ័ពថៃ ការជំរុញការហាមឃាត់ការប្រើប្រាស់សព្វាវុធខុសច្បាប់អន្តរជាតិក្នុងពេលមានជម្លោះ និងការប៉ះទង្គិចរវាងប្រទេសកម្ពុជានិងប្រទេសថៃ។
គណៈកម្មាធិការសិទ្ធិមនុស្សកម្ពុជា
