សេចក្តីប្រកាសព័ត៌មានស្តីពីលទ្ធផលនៃការដោះស្រាយវិវាទដីសម្បទានសេដ្ឋកិច្ចដំណាំអំពៅផលិតស្ករសនាំចេញជាមួយប្រជាពលរដ្ឋនៅខេត្តព្រះវិហារ
នៅថ្ងៃទី ២៩ ខែធ្នូ ឆ្នាំ២០១៧ ក្រសួងរៀបចំដែនដី នគរូបនីយកម្ម និងសំណង់ បានចេញសេចក្តីប្រកាសព័ត៌មានស្តីពី លទ្ធផលនៃការដោះស្រាយវិវាទដីធ្លីរវាងសម្បទានដីសេដ្ឋកិច្ចដំណាំអំពៅផលិតស្ករសនាំចេញជាមួយប្រជាពលរដ្ឋនៅក្នុងខេត្តព្រះវិហារ។ គិតចាប់ពី ថ្ងៃទី ០៤ ខែកញ្ញា ឆ្នាំ២០១៧ ដល់ថ្ងៃទី ០៣ ខែតុលា ឆ្នាំ២០១៧ ក្រុមការងារដោះស្រាយវិវាទដីសម្បទានសេដ្ឋកិច្ចដំណាំអំពៅផលិតស្ករសនាំចេញ នៃក្រសួងរៀបចំដែនដី នគរូបនីយកម្ម និងសំណង់ បានទទួលបំពេញសលាកប័ត្រព័ត៌មានចំនួន ៨៧ករណី ពាក់ព័ន្ធទៅនឹងក្រុមហ៊ុនចំនួន ០៥ គឺ ក្រុមហ៊ុន ឡាន ហ្វេង (ខេមបូឌា) អ៊ិនធើណេស៊ិនណល ខមភេនី លីមីធីត, ក្រុមហ៊ុន រួយ ហ្វេង (ខេមបូឌា) អ៊ិនធើណេស៊ិនណល ខមភេនី លីមីធីត, ក្រុមហ៊ុន ហេង យូ (ខេមបូឌា) អ៊ិនធើណេស៊ិនណល ខមភេនី លីមីធីត, ក្រុមហ៊ុន ហេង រូយ(ខេមបូឌា) អ៊ិនធើណេស៊ិនណល ខមភេនី លីមីធីត និងក្រុមហ៊ុន ហេង ណុង(ខេមបូឌា) អ៊ិនធើណេស៊ិនណល ខមភេនី លីមីធីតជាមួយប្រជាពលរដ្ឋនៅក្នុងភូមិសាស្ត្រស្រុកត្បែងមានជ័យ ឆែប និងស្រុកជ័យសែន ខេត្តព្រះវិហារ។
គឹតត្រឹមថ្ងៃទី ២៩ ខែធ្នូ ឆ្នាំ២០១៧ នេះ ក្រុមការងារសម្រេចលទ្ធផលដូចខាងក្រោម៖
- ប្រជាពលរដ្ឋបានទទួលការដោះស្រាយរួច ចំនួន៦៣ករណី
- បន្តដោះស្រាយករណីនៅសេសសល់ ចំនួន ០៩ករណី ក្នុងនោះ នៅស្រុកឆែប ០៦ករណី និងស្រុកជ័យសែន ចំនួន ០៣ករណី
- ទុកដោះស្រាយបន្តតាមយន្តការសម្បទានដីសង្គមកិច្ច ចំនួន ១៥ករណី នៅស្រុកត្បែងមានជ័យ។
ក្រសួងរៀបចំដែនដី នគរូបនីយកម្ម និងសំណង់
