សេចក្តីប្រកាសព័ត៌មាន ឆ្លើយតបនឹងការចុះផ្សាយព័ត៌មានរបស់ហ្វេសបុកផេកឈ្មោះ Horn News នាថ្ងៃទី៥ ខែធ្នូ ឆ្នាំ២០២៥
នៅថ្ងៃទី៥ ខែធ្នូ ឆ្នាំ២០២៥ មន្ទីររៀបចំដែនដី នគរូបនីយកម្ម សំណង់ និងសុរិយោដី ខេត្តកំពង់ធំ បានចេញសេចក្តីប្រកាសព័ត៌មានឆ្លើយតបនឹងការចុះផ្សាយរបស់ផេកហ្វេសប៊ុក “Horn News” អំពីការឈូសឆាយដីក្នុងស្រុកប្រាសាទសំបូរ។ មន្ទីរបានបញ្ជាក់ថា ការឈូសឆាយនេះគឺជាផ្នែកមួយនៃគម្រោងបែងចែកដីដើម្បីសង្គមកិច្ច និងការអភិវឌ្ឍសេដ្ឋកិច្ច ជំហានទី៣ (LASED III) ដើម្បីផ្តល់ដីសម្បទានសង្គមកិច្ចជូនប្រជាពលរដ្ឋដែលជាមុខសញ្ញាអាទិភាពចំនួន ៣៧៦ គ្រួសារ ដែលត្រូវបានជ្រើសរើសតាមរយៈការចាប់ឆ្នោតកាលពីថ្ងៃទី៤ ខែធ្នូ ឆ្នាំ២០២៥ នៅវត្តសិរីមង្គល។ សកម្មភាពបច្ចុប្បន្នរួមមានការរៀបចំហេដ្ឋារចនាសម្ព័ន្ធ និងបែងចែកឡូត៍ដីលំនៅឋាន និងដីកសិកម្ម នៅក្នុងឃុំគោល និងឃុំទំរីង ដើម្បីជួយលើកកម្ពស់ជីវភាពប្រជាពលរដ្ឋក្នុងមូលដ្ឋាន។
មន្ទីររៀបចំដែនដី នគរូបនីយកម្ម សំណង់ និងសុរិយោដី ខេត្តកំពង់ធំ
