សេចក្តីប្រកាសព័ត៌មាន៖ ផលប៉ះពាល់លើប្រជាពលរដ្ឋ និងតំបន់ស៊ីវិលកម្ពុជា ដោយអំពើឈ្លានពានរបស់ភាគីថៃ ចាប់ពីម៉ោង១រសៀល រហូតដល់ម៉ោង៦ល្ងាច ថ្ងៃទី១២ ខែធ្នូ ឆ្នាំ២០២៥
ថ្ងៃទី១២ ខែធ្នូ ឆ្នាំ២០២៥ ក្រសួងមហាផ្ទៃ បានចេញសេចក្តីប្រកាសព័ត៌មានស្តីពីផលប៉ះពាល់លើប្រជាពលរដ្ឋ និងតំបន់ស៊ីវិលកម្ពុជា ដោយអំពើឈ្លានពានរបស់ភាគីថៃ ដែលគិតចាប់ពីម៉ោង ១រសៀល ដល់ ៦ល្ងាច ថ្ងៃដដែលនោះ។ ក្រសួងបានបញ្ជាក់ថា អំពើឈ្លានពានរបស់ភាគីថៃដែលបានចាប់ផ្តើមឡើងវិញតាំងពីថ្ងៃទី៧ ខែធ្នូ បានបង្កឱ្យមានផលប៉ះពាល់ធ្ងន់ធ្ងរ រួមមាន៖ ករណីស្លាប់ និងរបួសពលរដ្ឋសរុបមានចំនួន ១១នាក់ និង ៥៩នាក់ (គិតត្រឹមពេលនេះ)។ ចំនួនជនភៀសសឹកសរុបបានកើនដល់ ៩៨.៥៩៨ គ្រួសារ ឬ ៣៣១.១៥៨ នាក់ នៅក្នុងខេត្តចំនួន ៦។ ហេដ្ឋារចនាសម្ព័ន្ធរូបវន្តស៊ីវិលជាច្រើន រួមមាន ផ្ទះសំបែង សាលារៀន វត្តអារាម ប្រាសាទបុរាណ បានបន្តរងការខូចខាត ហើយសេវាសាធារណៈមូលដ្ឋានត្រូវបានផ្អាកស្ទើរទាំងស្រុង។
ក្រសួងមហាផ្ទៃ
