ការពង្រឹងការអនុវត្តន៍វិធានការការពារការចម្លងវីរុសកូវីដ-១៩ (រួមទាំងពពួកបំប្លែងថ្មី)
នៅថ្ងៃទី២៨ ខែមិថុនា ឆ្នាំ២០២១ ក្រសួងសុខាភិបាល បានចេញសេចក្តីជូនព័ត៌មាន ស្តីពី ការពង្រឹងការអនុវត្តន៍ វិធានការការពារ ការចម្លងវីរុសកូវីដ-១៩ (រួមទាំងពពួកបំប្លែងថ្មី) ជាពិសេសបុគ្គលត្រូវចូលរួមជាចាំបាច់ ឱ្យបានត្រឹមត្រូវ ខ្ជាប់ខ្ជួន និងម៉ត់ចត់។
ក្រសួងសុខាភិបាលបានរកឃើញជំងឺកូវីដ-១៩ បំប្លែងថ្មីប្រភេទ ដែលតា (Delta) ជាច្រើនករណីលើពលករចំណាកស្រុកត្រឡប់មកពីប្រទេសថៃ។ ការចម្លងនៃវីរុសកូវីដ-១៩ នេះមានភាពសាហាវខ្លាំងជាងវីរុសកូរីដ-១៩ បំប្លែងមុនៗ ហើយប្រហែល ១៥ដង ខ្លាំងជាងការចម្លងពីពេលកន្លងទៅ។ អ្នកវិទ្យាសាស្ត្របានស្រាវជ្រាវដឹងថា ហានិភ័យនៃការចម្លងនេះ បណ្តាលមកពីកង្វះខាតក្នុងការអនុវត្តន៍វិធានការការពារខ្លួនបានត្រឹមត្រូវ និងដោយម៉ត់ចត់ ជាពិសេស ហានិភ័យខ្ពស់នៅពេលដែលបុគ្គលធ្វើការចល័ត ដោយភ្លេចអនុវត្តន៍វិធានការការពារខ្លួន ឬអនុវត្តន៍មិនបានខ្ជាប់ខ្ចួន។
ក្រសួងសុខាភិបាល
