សាលាឧទ្ធរណ៍តម្កល់សាលក្រមផ្តន្ទាទោសសកម្មជនទាំង១១រូប
កាលពីម្សិលមិញ សាលាឧទ្ធរណ៍បានតម្កល់សាលក្រមផ្តន្ទាទោសសកម្មជន១១រូបពាក់ព័ន្ធនឹងការតវ៉ាកាលពីខែវិច្ឆិកា ប៉ុន្តែ បានកាត់សម្រាលទោសសម្រាប់ពួកគាត់ទាំងអស់លើកលេងតែសមាជិកលេចធ្លោបំផុតនៃក្រុមនេះប៉ុណ្ណោះ។ … ចុងចោទប្រាំពីររូបក្នុងចំណោមចុងចោទទាំងនេះត្រូវបានចាប់ខ្លួនកាលពីពាក់កណ្តាលខែវិច្ឆិកា ពីបទបិទចរាចរណ៍អំឡុងការតវ៉ាមួយនៅខាងមុខសាលារាជធានីភ្នំពេញ ប្រឆាំងនឹងសាលារាជធានីដែលមិនបានដោះស្រាយបញ្ហាជន់លិចនៅតំបន់បឹងកក់ ដែលពួកគាត់រស់នៅ។ ចុងចោទបួនរូបទៀតត្រូវបានចាប់ខ្លួននៅថ្ងៃបន្ទាប់ពីបទ “រារាំងមន្ត្រីរាជការសាធារណៈ” ខណៈធ្វើការតវ៉ានៅខាងក្រៅសាលាដំបូងរាជធានីភ្នំពេញប្រឆាំងនឹងការចាប់ខ្លួនចុងចោទប្រាំពីររូបខាងលើ។ … លើកលេងតែអតីតព្រះសង្ឃ សឹង ហៃ ចេញ តុលាការក៏បានកាត់បន្ថយប្រាក់ពិន័យពី២លានរៀលសម្រាប់សកម្មជនទាំងនេះមកនៅចន្លោះពី១លានរៀលទៅ១,៥លានរៀលផងដែរ។ ចៅក្រមជំនុំជម្រះ ងួន អីុម បានមានប្រសាសន៍ថា តុលាការបានសម្រេច “តម្កល់សាលក្រមផ្តន្ទាទោសរបស់សាលាដំបូងរាជធានីភ្នំពេញទុកជាបានការ”។ … ប៉ុន្តែ ចៅក្រម ងួន អីុម បានមានប្រសាសន៍ថា លោកមិនជឿការអះអាងរបស់ពួកគាត់ដែលលើកឡើងថា សកម្មភាពរបស់ពួកគាត់មិនបានធ្វើឲ្យប៉ះពាល់ដល់ចរាចរណ៍នោះឡើយ។ …
ម៉ិច ដារ៉ា
http://www.cambodiadailykhmer.com/news/22182/
