ជន​សង្ស័យ​សម្លាប់​ស្ត្រី​ហូឡង់​ត្រូវ​បាន​ចាប់​ខ្លួន

នគរបាល​កាល​ពី​យប់​ថ្ងៃ​អង្គារ​បាន​ចាប់​ខ្លួន​បុរស​អាយុ ៣៥​ឆ្នាំ ម្នាក់​ដែល​បាន​សារភាព​ថា បាន​ប្រព្រឹត្ត​អំពើ​ឃាតកម្ម​លើ​ស្រ្តី​ជនជាតិ ហូឡង់ ម្នាក់​ដែល​ជា​បុគ្គលិក​របស់​អង្គការ​សហ​ប្រជាជាតិ​និង​ការ​វាយ​ប្រហារ​ដ៏​ព្រៃផ្សៃ​ទៅ​លើ​កូន​ស្រី​របស់​ស្ត្រី​រងគ្រោះ នៅ​ក្នុង​អំពើ​ចោរកម្ម​បាន​កើត​ឡើង​នៅ​ផ្ទះ​របស់​ជន​រងគ្រោះ នៅ​ជិត​មហាវិថី ព្រះ​នរោត្តម កាល​ថ្ងៃ​ចន្ទ។ នេះ​បើ​តាម​នគរបាល​ដែល​បាន​ថ្លែង។ អ្នក​នាំ​ពាក្យ​នគរបាល​ជាតិ លោក គៀត ច័ន្ទថារិទ្ធ បាន​ថ្លែង​កាល​ពី​ម្សិលមិញ​ថា ជន​សង្ស័យ​ដែល​កំណត់​អត្ត​សញ្ញាណ​ថា មាន​ឈ្មោះ ជា ពិន ត្រូវ​បាន​ចាប់​ខ្លួន​នៅ​វេលា​ម៉ោង​ប្រហែល ៩ យប់​កាល​យប់​ថ្ងៃ​អង្គារ​នៅ វត្ត​ថាន់ ដែល​មាន​ចម្ងាយ​តែ​ពីរ​បី​រយ​ម៉ែត្រ​ពី​ផ្ទះ​ស្ត្រី​រងគ្រោះ​ឈ្មោះ Daphna Beerdsen អាយុ ៣១​ឆ្នាំ ហើយ​បុរស​នេះ​ធ្លាប់​ជាប់​ពន្ធនាគារ​ចំនួន​ពីរ​ដង​រួច​ហើយ​ពី​បទ​ចោរកម្ម​ក្នុង ឆ្នាំ​១៩៩៧ និង ២០០៧។ …

វង្ស សុខេង
http://postkhmer.com/national/2011-01-03-04-07-05/113726-2014-05-01-03-57-28