សកម្មជនដីធ្លីជាង ៥០០ នាក់នឹងមកស្តាប់ការកាត់ក្តីតំណាង ១១ នាក់ នៅឧទ្ធរណ៍
សកម្មជនដីធ្លីនិងព្រះសង្ឃ ប្រមាណជាង ៥០០ អង្គ-នាក់ គ្រោងនឹងជួបជុំគ្នានៅមុខសាលាឧទ្ធរណ៍នៅរសៀលថ្ងៃព្រហស្បតិ៍នេះ ដើម្បីរង់ចាំស្ដាប់លទ្ធផលនៃការជំនុំជម្រះលើសំណុំរឿងចោទប្រកាន់ស្ត្រីបឹងកក់និងព្រះសង្ឃចំនួន ១១ អង្គ-នាក់។ នេះបើតាមការឲ្យដឹងពីអ្នកស្រី ប៊ូវ សោភា សកម្មជនដីធ្លីតំណាងប្រជាសហគមន៍បឹងកក់ កាលពីម្សិលមិញ។ អ្នកស្រីបន្តថា នៅរសៀលថ្ងៃព្រហស្បតិ៍នេះសកម្មជនដីធ្លី និងព្រះសង្ឃចំនួន ១១ អង្គ/នាក់ ដែលភាគច្រើនជាស្ត្រីនៃសហគមន៍បឹងកក់ នឹងត្រូវនាំខ្លួនមកសាលាឧទ្ធរណ៍ ដើម្បីធ្វើការជំនុំ ជម្រះទោស។ ហេតុដូច្នេះ ទើបពួកគាត់ និង ព្រះសង្ឃ ព្រមទាំងអ្នកគាំទ្រមកពីសហគមន៍មួយចំនួនទៀត សរុបប្រមាណជាង ៥០០ អង្គ-នាក់ គ្រោងនឹងទៅជួបប្រជុំគ្នានៅមុខសាលាឧទ្ធរណ៍ ដើម្បីឃ្លាំមើលដំណើរការជំនុំជម្រះ និង រង់ចាំស្ដាប់ការសម្រេចរបស់តុលាការលើសំណុំរឿងនេះ។ ...
ឃុត សុភចរិយា
http://bit.ly/1CEwzoB
