តំណាងរាស្ត្រអូស្ត្រាលីថ្កោលទោសការប្រើហិង្សាលើកម្មករកម្ពុជា
ការពិភាក្សាស្តីពីបញ្ហាសិទ្ធិមនុស្សក្នុងប្រទេស កម្ពុជា ត្រូវបានធ្វើឡើងនៅក្នុងសភា អូស្ត្រាលី កាលពីថ្ងៃចន្ទបន្ទាប់ពីតំណាងរាស្ត្រគណបក្ស ការងារ (Labor Party) ដែលជាគណបក្សប្រឆាំងបានលើកឡើងអំពីសំណើអំពាវនាវឲ្យរដ្ឋាភិបាល អូស្ត្រាលី ធ្វើការថ្កោលទោសចំពោះអំពើហិង្សាទៅលើកម្មករកាត់ដេរ និងសុំឲ្យអាជ្ញាធរដោះលែងបាតុករដែលត្រូវបានចាប់ខ្លួន។ លោកស្រី Clare O’Neil ដែលតំណាងឲ្យអាណិកជន ខ្មែរ‑អូស្ត្រាលី ជាង ២០០០ នាក់នៅមណ្ឌល Victoria របស់លោកស្រី បានចោទប្រកាន់រដ្ឋមន្ត្រីការបរទេសលោកស្រី Julie Bishop ថា ធ្វើជាស្ងៀមស្ងាត់មិននិយាយអំពីការរំលោភបំពានសិទ្ធិមនុស្សក្នុងអំឡុងដំណើរទស្សនកិច្ចមករាជធានីភ្នំពេញកាលពីខែមុន។ … លោក Laurie Ferguson ដែលជាតំណាងរាស្ត្រគណបក្សការងារដែលបានហៅស្ថានភាពសិទ្ធិមនុស្សក្នុងប្រទេស កម្ពុជា ថា អាក្រក់មិនអាចទទួលយកបានបានថ្លែងថា៖ «ស្ថានភាពនេះមិនផ្តល់នូវចំណាប់អារម្មណ៍ល្អណាមួយទេ អំពីក្តីបារម្ភ ស្តីពីសិទ្ធិមនុស្សនៅក្នុងប្រទេសកម្ពុជា ហើយដែលក្នុងជំនួបនោះពួកគេនិយាយថា កម្ពុជា គឺជាកន្លែងស័ក្តិសមសម្រាប់ជនភៀសខ្លួន»។ …
Kevin Ponniah
http://www.postkhmer.com/national/1-national-news/111614-2014-03-07-03-27-32
