ជីវិតអ្នកចូលព្រៃកាប់ឈើលក់ឲ្យក្រុមហ៊ុន ទ្រីភាព នៅភ្នំក្រវាញ
អង្គុយក្នុងតង់ខៀវនៅក្នុងចំណោមតង់ជាច្រើននៅក្រោមដើមឫស្សីជាប់មាត់ស្ទឹង ស្ថិតនៅ ឃុំរកាត ស្រុកភ្នំក្រវាញ ខេត្តពោធិ៍សាត់ ដែលទើបតែមកតាំងនៅថ្មីប្រមាណ ២ខែ តាមរយៈមេការលោក ញៀន (ឈ្មោះដាក់ឲ្យ) បានធ្វើដំណើរពី ខេត្តកំពង់ស្ពឺ ដោយបានចំណាយពេលជាច្រើនឆ្នាំក្នុងការប្រកបរបរកាប់ឈើប្រដេញពីតំបន់មួយទៅតំបន់មួយឲ្យក្រុមហ៊ុន ទ្រី ភាព។
លោក ញៀន បានចេញពីទីតាំងកាប់ឈើចាស់នៅក្នុង ឃុំអូរសោម ខេត្តពោធិ៍សាត់ ជាមួយអ្នករួមក្រុមប្រមាណជាង ២០នាក់ និងបានមកស្នាក់នៅលាយឡំអ្នកភូមិរាប់រយគ្រួសារដែលធ្វើចំណាកស្រុកមកពីខេត្តផ្សេងៗ តាមមេការគេរៀងៗខ្លួន ថ្លែងថា គាត់ជាអ្នកកាប់ឈើឲ្យក្រុមហ៊ុន ទ្រី ភាព តាំងពីនៅ អូរសោម ព្រំប្រទល់ ខេត្តពោធិ៍សាត់ និង កោះកុង ហើយបន្តមកកាប់ឈើនៅ ស្រុកភ្នំក្រវាញ ជាមួយក្រុមគ្រួសារដែលមកជាមួយទាំងប្រពន្ធនិងកូនតូចៗ បានប្រមាណ ២ខែ ហើយ តាមរយៈមេការ ដោយកន្លែងធ្លាប់កាប់ អស់ឈើប្រណីត។ …
សូមរំឭកថា កាលពី ខែកក្កដា ឆ្នាំ២០១៤ រាជរដ្ឋាភិបាលបានអនុញ្ញាតឲ្យក្រុមហ៊ុន ទ្រី ភាព អិមផត អិចផត និងក្រុមហ៊ុន MDS THMODAR S.E.Z co.,Ltd ប្រមូលទិញឈើគ្រប់ប្រភេទដែលមាននៅក្នុងស្តុករបស់ក្រសួងកសិកម្ម និងក្រសួងបរិស្ថាន បន្ថែមពីលើឈើក្រុមហ៊ុនដែលមានស្រាប់ ដើម្បីសម្អាតឃ្លាំង។ នៅ ខែកុម្ភៈ ឆ្នាំ២០១៣ ក្រសួងកសិកម្មក៏បានចុះហត្ថលេខាជាមួយក្រុមហ៊ុននេះ ដើម្បីផ្តល់សិទ្ធិផ្តាច់មុខក្នុងការទិញឈើដែលគេកាប់រួច នៅក្នុងតំបន់ដីសម្បទានសេដ្ឋកិច្ច ក្នុង ខេត្តរតនគិរី។
នៅថ្ងៃ ទី១ ខែមីនា ឆ្នាំ២០១៣ ក្រសួងកសិកម្ម ប្រតិភូរាជរដ្ឋាភិបាលទទួលបន្ទុកប្រធានរដ្ឋបាលព្រៃឈើក៏បានអនុញ្ញាតឲ្យក្រុមហ៊ុននោះប្រមូលទិញនិងកែច្នៃវល្លិរមៀត និងអនុញ្ញាតឲ្យបង្កើតរោងកែច្នៃវល្លិរមៀត ក្នុងអាងស្តុកទឹកវារីអគ្គិសនី ស្ទឹងអាតៃ ដែលមិនប៉ះពាល់មជ្ឈដ្ឋានព្រៃឈើនិងបរិស្ថានដើម្បីបង់ថ្លៃសួយសារនិងបុព្វលាភចូលថវិការដ្ឋ។ …
ម៉ៃ ទិត្យថារ៉ា
http://bit.ly/1xxnhfW
