នាយករដ្ឋមន្ត្រីចិនបញ្ចប់ទស្សនកិច្ចនៅភ្នំពេញ ដោយធ្វើកិច្ចព្រមព្រៀងជំនួយនិងវិនិយោគទុនដ៏សន្ធឹកសន្ធាប់
នាយករដ្ឋមន្ត្រីចិនកុម្មុយនីស្ត គឺលោក Li Keqiang បានបញ្ចប់ទស្សនកិច្ចផ្លូវការរបស់លោកនៅកម្ពុជា នារសៀលថ្ងៃព្រហស្បតិ៍នេះ ដោយបានធ្វើកិច្ចព្រមព្រៀង ការវិនិយោគ និងជំនួយជាហិរញ្ញប្បទានជាច្រើនសន្ធឹកសន្ធាប់ដល់ប្រទេសកម្ពុជា។ យ៉ាងហោចណាស់មានលិខិតស្នាមនិងកិច្ចព្រមព្រៀងនានាចំនួន១៩ ត្រូវបានចុះហត្ថលេខាដោយឧត្តមមន្ត្រីរដ្ឋាភិបាល និងថ្នាក់ដឹកនាំវិស័យឯកជននៃប្រទេសទាំងពីរ នៅចំពោះមុខលោក Li និងសមភាគីកម្ពុជារបស់លោកគឺលោកនាយករដ្ឋមន្ត្រី ហ៊ុន សែន។ កិច្ចព្រមព្រៀងទាំងនោះគ្របដណ្ដប់ផងដែរទៅលើគម្រោងហេដ្ឋារចនាសម្ព័ន្ធខ្នាតធំ មានដូចជាកំពង់ផែ អាកាសយានដ្ឋាន និងផ្លូវល្បឿនលឿនជាដើម ដែលគិតជាទឹកប្រាក់មានច្រើនលានដុល្លារ។ ...
