CNRP នឹងប្រជុំប្រាប់មេឃុំរបស់ខ្លួនឲ្យអនុវត្តការងារតាមការសន្យា
អ្នកនាំពាក្យគណបក្សសង្គ្រោះជាតិលោក យឹម សុវណ្ណ បានប្រាប់ភ្នំពេញប៉ុស្តិ៍ កាលពីម្សិលមិញថាគណបក្សសង្គ្រោះជាតិនឹងកោះហៅមេឃុំ ចៅសង្កាត់ទាំងអស់របស់ខ្លួនមកជួបប្រជុំក្នុងរយៈពេលពីរបីថ្ងៃខាងមុខដើម្បីរៀបចំអនុវត្តគោលនយោបាយ ៥ ចំណុចដែលបានសន្យា។
គោលនយោបាយ អាទិភាព ៥ ចំណុចរបស់គណបក្សសង្គ្រោះជាតិសម្រាប់ការបោះឆ្នោតឃុំសង្កាត់រួមមាន៖ ១.ពង្រឹងសិទ្ធិអំណាចប្រជាពលរដ្ឋដោយផ្ដល់ឱកាស និងលើកទឹកចិត្តប្រជាពលរដ្ឋបង្កើតសហគមន៍ ផ្ដល់យោបល់ វាយតម្លៃ និងចូលរួមធ្វើសេចក្ដីសម្រេចនានាក្នុងឃុំ-សង្កាត់។ ទី ២. ការពារកម្មសិទ្ធិដីធ្លីស្របច្បាប់របស់ប្រជាពលរដ្ឋ និងមិនចុះហត្ថលេខាលើការវិនិយោគ ឬសម្បទានណាដែលប៉ះពាល់ផលប្រយោជន៍ជាតិ និងប្រជាពលរដ្ឋ។ ទី ៣. ផ្ដល់លិខិតស្នាមផ្សេងៗដោយមិនរើសអើងស្អាតស្អំ និងទាន់ពេលកំណត់។ ទី ៤.ពង្រឹងប្រសិទ្ធភាព និងលើកកម្ពស់ការងារនគរបាលដើម្បីធ្វើឲ្យឃុំ-សង្កាត់មានសុវត្ថិភាព គ្មានគ្រឿងញៀន និងគ្មានអំពើហិង្សា និងទី ៥. ផ្ដល់ថវិកាយ៉ាងតិច ៥០ ម៉ឺនដុល្លារសម្រាប់អភិវឌ្ឍ ឃុំ-សង្កាត់នីមួយៗក្នុងមួយឆ្នាំ។ …
មាស សុខជា
http://bit.ly/2sR9j8s
