ករណីឆ្លងនិងករណីស្លាប់ដោយសារជំងឺគ្រុនឈាមនិងជំងឺគ្រុនចាញ់ធ្លាក់ចុះយ៉ាងខ្លាំងក្នុងឆ្នាំ២០១៣
យោងតាមតួលេខថ្មីបំផុតពីក្រសួងសុខាភិបាលឲ្យដឹងថា ការស្លាប់ដោយសារជំងឺគ្រុនឈាម និងគ្រុនចាញ់ បានធ្លាក់ចុះនៅក្នុងឆ្នាំនេះបើធៀបនឹងរយៈពេលដូចគ្នាកាលពីឆ្នាំ២០១២ ជាឆ្នាំដែលជំងឺគ្រុនឈាមមានការឆ្លងខ្ពស់នោះ។ លោក ង៉ាន ចន្ថា ប្រធានកម្មវិធីទប់ស្កាត់ជំងឺគ្រុនឈាមនៅក្រសួងសុខាភិបាលបានឲ្យដឹងថា ជំងឺគ្រុនឈាមបានសម្លាប់មនុស្សចំនួន៥៩នាក់ហើយបានឆ្លងទៅលើមនុស្សចំនួន១៧.៤៩១នាក់ អំឡុងរយៈពេល៤៩សប្តាហ៍ដំបូងនៅឆ្នាំនេះ។ ការស្លាប់និងការឆ្លងដោយសារជំងឺគ្រុនឈាមមានការធ្លាក់ចុះគួរឲ្យកត់សម្គាល់ពោលគឺ បានធ្លាក់ចុះពីការស្លាប់ចំនួន១៨៣ ករណីនិងការឆ្លងចំនួន៤១.៧១៦ករណី ដែលត្រូវបានកត់ត្រាក្នុងរយៈពេលដូចគ្នាកាលពីឆ្នាំ២០១២ ជាឆ្នាំដែលការឆ្លងនូវជំងឺគ្រុនឈាមមានការកើនឡើងខ្ពស់។ ការស្លាប់ដោយសារជំងឺគ្រុនឈាមនៅក្នុងឆ្នាំនេះក៏បានធ្លាក់ចុះបន្តិចពីករណីស្លាប់ចំនួន៥៦ករណីដែលត្រូវបានកត់ត្រាកាលពីឆ្នាំ២០០៨ ផងដែរ។ ...
ផន បុប្ផា
http://www.cambodiadailykhmer.com/news/8932/
