ពេទ្យភូមិចម្លងមេរោគអេដស៍ត្រូវកាត់ឲ្យជាប់ពន្ធនាគារ ២៥ ឆ្នាំ
គ្រូពេទ្យគ្មានអាជ្ញាប័ណ្ណត្រូវបានផ្តន្ទាទោសឲ្យជាប់ពន្ធនាគារ ២៥ ឆ្នាំកាលពីម្សិលមិញបន្ទាប់ពីសាលាដំបូងខេត្តបាត់ដំបងបានរកឃើញថាមានពិរុទ្ធពីបទ «ធ្វើទារុណកម្មដែលមានស្ថានទម្ងន់ទោស» ដោយសារគ្រូពេទ្យរូបនេះបានចម្លងមេរោគអេដស៍ដល់មនុស្ស ២៨២ នាក់។
លោក យ៉ែម ជ្រឹម អាយុ ៥៦ ឆ្នាំបានឈ្ងោកមុខនៅពេលដែលលោកស្រី យិច ឈាណាវី ប្រធានក្រុមប្រឹក្សាជំនុំជម្រះអានសាលក្រមខណៈដែលប្រពន្ធ និងកូនៗរបស់គាត់អង្គុយយំនៅផ្នែកខាងមុខក្នុងសាលសវនាការ។
ប្រធានក្រុមប្រឹក្សាបានប្រកាសប្រាប់អង្គសវនាការថាលោក ជ្រឹម ដែលធ្វើជាគ្រូពេទ្យក្នុងភូមិរកា ខេត្តបាត់ដំបងអស់រយៈពេលជិតពីរទសវត្សរ៍មកហើយនោះបាន «ប្រព្រឹត្តបទល្មើសព្រហ្មទណ្ឌដែលបានធ្វើឲ្យជនរងគ្រោះមួយចំនួនស្លាប់ និងប៉ះពាល់ធ្ងន់ធ្ងរដល់សុខភាពផ្លូវចិត្ត រាងកាយ និងកេរ្តិ៍ឈ្មោះ» របស់អ្នកដទៃ។ …
ផាក់ ស៊ាងលី និង Alice Cuddy
http://bit.ly/1NtUP0G
