បុរសប្រាំនាក់ដែលកងរាជអាវុធហត្ថបាញ់ស្លាប់អំឡុងការតវ៉ា សុទ្ធតែជាកម្មករ
មន្ត្រីសហជីពម្នាក់បានអះអាងកាលពីម្សិលមិញថា បុរសប្រាំនាក់ដែលត្រូវកងរាជអាវុធហត្ថបាញ់ស្លាប់ដោយប្រើកាំភ្លើងអាកា-៤៧អំឡុងការតវ៉ាតាមបណ្តោយផ្លូវវេងស្រេងស្ថិតក្នុងខណ្ឌពោធិ៍សែនជ័យកាលពីថ្ងៃសុក្រគឺជាកម្មកររោងចក្រកាត់ដេរដែលបានធ្វើកូដកម្មទាំងអស់។ មន្ត្រីកងរាជអាវុធហត្ថបានបើកការបាញ់ប្រហារនៅតាមផ្លូវដែលមានរោងចក្រជាច្រើនកាលពីព្រឹកថ្ងៃសុក្រអំឡុងការប៉ះទង្គិចគ្នាជាមួយកម្មករ-កម្មការិនីដែលធ្វើកូដកម្មប្រដាប់ដោយដំបង ដុំថ្ម និងដបសាំង ដោយបណ្តាលឲ្យបុរសប្រាំនាក់ស្លាប់ និងយ៉ាងហោចណាស់៣០នាក់ទៀតរបួស។ លោក អ៊ុំ វិសាល មន្ត្រីផ្នែកច្បាប់នៅសម្ព័ន្ធសហជីពប្រជាធិបតេយ្យកម្មកររោងចក្រកាត់ដេរកម្ពុជា (ស៊ីខៅឌូ) បានមានប្រសាសន៍ថា ក្រុមស៊ើបអង្កេតមកពីសហជីពស៊ីខៅឌូបានស្គាល់អត្តសញ្ញាណបុរសទាំងប្រាំនាក់ដែលគេបញ្ជាក់ថា ត្រូវបានកងរាជអាវុធហត្ថបាញស្លាប់នោះគឺសុទ្ធតែជាកម្មកររោងចក្រកាត់ដេរទាំងអស់។ …
សាំង សុឥន្ទរិទ្ធ
http://www.cambodiadaily.com/news/five-killed-during-protest-confirmed-as-garment-workers-50141/
