កម្ពុជាច្រានចោលអនុសាសន៍ស្តីពីការអប់រំ និងសេរីភាពសារព័ត៌មាន
កាលពីម្សិលមិញ ប្រទេសកម្ពុជាបានច្រានចោលអនុសាសន៍ចំនួនបួនសម្រាប់កែលម្អស្ថានភាពសិទ្ធិមនុស្សរបស់ខ្លួន ដែលរដ្ឋាភិបាលបានទទួលយកពីដំបូងកាលពីដើមឆ្នាំនេះអំឡុងពេលត្រួតពិនិត្យជាទៀងទាត់ជាសាកលលើកទី២នៅឯក្រុមប្រឹក្សាសិទ្ធិមនុស្សអង្គការសហប្រជាជាតិក្នុងទីក្រុងហ្សឺណែវ។ កម្ពុជាក៏ “បានកត់សម្គាល់” អនុសាសន៍ចំនួន៣៨ចំណុចផងដែរ ដែលមានន័យថា ខ្លួនមិនទាន់មានការប្តេជ្ញាចំពោះការអនុវត្តអនុសាសន៍ទាំងនេះទេ ដោយមានអនុសាសន៍មួយចំនួនទាក់ទងនឹងសេរីភាពនៃការបញ្ចេញមតិ និងការជួបជុំ ព្រមទាំងការឃុំខ្លួនបណ្តោះអាសន្នហួសកាលកំណត់។ អនុសាសន៍ដែលត្រូវបានច្រានចោលទាំងបួននេះទាក់ទងទៅនឹងការការពារសេរីភាពសារព័ត៌មានដោយការមិនទទួលស្គាល់មាត្រាស្តីពីបទបរិហារកេរ្តិ៍នៅក្នុងក្រមព្រហ្មទណ្ឌ និងមាត្រាមួយនៅក្នុងច្បាប់សារព័ត៌មានស្តីពីការផ្សព្វផ្សាយព័ត៌មានមិនពិត ការធានាសិទ្ធិទទួលបានការអប់រំសម្រាប់កុមារទាំងអស់នៅកម្ពុជា ព្រមទាំងកុមារដែលមានដើមកំណើតជាវៀតណាម ការប្រយុទ្ធប្រឆាំងការរើសអើងចំពោះកុមារចេញពីក្រុមមនុស្សដែលងាយរងគ្រោះ និងមិនសំខាន់ ព្រមទាំងការដោះស្រាយអត្រាបោះបង់ការសិក្សាឲ្យបានច្រើនថែមទៀត។ …
ល័ររិន គ្រុធឺរ
http://www.cambodiadailykhmer.com/news/16533/
